الخميس 18 يوليو 2024

فرحتي

موقع أيام نيوز

بټعيطي ليه
عشان ماما الجديدة ضړبتني وقالتلي اقعد هنا على السلم عشان عندها ضيوف جوه. 
كانت جميلة جدا عيونها سوود وواسعين الدموع كانت بتزيد لمعة عينيها سبحان الله بصتلي بكل براءة وهي پتبكي صعبت عليا أوي
طيب اسمك اي
فرح اسمي فرح رمزي. 
اسمك حلوة اوي يافرح انا اسمي زين.
زين اخويا كان اسمه زين في السما هو وماما.
حسيت وقتها بۏجعها قلبي كان بياكلني عليها أوي مكنتش قادر اعملها حاجة 
طيب عندك كام سنة يا فرح
بدأت تعد على صوابعها الصغيرة لحد ما وصلت لرقم سبعة
سبعة فرح عندها سبعة زين عنده كام سنة
زين عنده اربعتاشر سنة.
كتير أوي.
طيب اي رأيك تيجي تقعدي معايا أنا وماما واختي الصغيرة هي عندها سبع سنين هي كمان اسمها نور

لقيتها نطت مرة واحدة وابتسمت ومسكت ايدي وبتقولي 
يلا بسرعة انت عندنا ماما طيبة صح يا زين
صح يا فرحتي.
اومال فرح فين يا نرمين مش شايفها من ساعة ما جيت.
آ... فرح.... فرح نامت...جات من المدرسة يا حبيبتي ونامتداهية تاخدها مطرح م هي. 
نامت!... بس دي مش عوايدها تنام في الوقت ده انا هدخل اشوفها مالها لتكون تعبانة ولا حاجة. 
استنى بس يا رمزي متصحيهاش عشان..... 
الجرس بيرن هشوف مين. 
بابي شوف زين وطنط ايمان جابولي ايه شيكولاتة من اللي ماما كانت بتجيبهالي وكمان عصير ومصاصة بالفراولة. 
اعرفك بنفسي انا اسمي زين ابن الاستاذ عادل صاحب العمارة ونا راجع من المدرسة لقيت فرح قاعدة عالسلم بټعيط سألتها بټعيط ليه قالتلي ان مامتها الجديدة طردتها عالسلم عشان عندها ضيوف وخدتها قعدت معايا انا وامي واختي ياريت تاخد بالك منها ومتسيبهاش لوحدها مع حد غريب. 
انت ولد كداب ومش متربي انا اسيب فرح لوحدها دي زي بنتي واكتر تلاقيها كذبت عليك وألفت الحكاية دي. 
نرميييين احترمي نفسك ولما تتكلمي عن بنتي تتكلمي بأدب فاهمة. 
بس... رمزي. 
ولا حرف اتفضلي على جوه وابقى اشوف حسابي معاكي بعدين شكرا يا زين انك قعدتها عندكم مش عارف كان هيحصلها ايه لو مكنتش شوفتها شكرا يا ابني. 
الشكر لله فرح زي أختي بالظبط عن اذن حضرتك فرح متنسيش بكرا. 
باي يا زينو. 
باي يا فرحتي. 
كانت بتيجي عندنا كل يوم تلعب مع أختي الصغيرة وكنت أنا بذاكرلها اتعودت علينا كلنا بقت تقول لامي يا ماما كانت بتقضي معظم وقتها معانا كانت لما بتضحك بس بحس ان روحي رجعتلي من تاني عمري ما حسيت بالوحدة وهي جمبي وفي يوم كانت قاعدة بتلون في كراستها سمعت صوت عالي جاي من شقتهم طلعت اجري بسرعة واشوف اي اللي حصل. 
بقا هي دي الأمانة اللي بنتي سابتهالك يارمزي انا عايزة حفيدتي تعيش معايا معايا انا ملكش حق فيها تاني مش انت اتجوزت. 
انا بنتي محدش هياخدها مني فاهمة. 
لا مش فاهمة وحفيدتي هاخدها منك لأني أولى بحضانتها منك
وهاخدها بالعافية لو منفعش معاك الذوق. 
تيتااااااااا. 
قلب تيتاوحشتيني يا غالية يا بنت الغالية. 
تيتا شوفتي زينو جابلي ألوان كتير ازاي انا بحبه اوي يا تيتا. 
زينو زينو مين يا حبيبتي 
دا يا تيتا. 
انت مين يا ابني 
مكنتش عارف وقتها ارد اقول اي بس حسيت من كلامها وطريقتها انها هتاخد فرح مني لا لا مجرد الفكرة تعبتني 
انا اسمي زين ابن استاذ عادل صاحب العمارة فرح بتيجي تقعد معايا انا وامي واختي الصغيرة هي في سنها
الله الله يعني سايب بنتك قاعدة مع ناس غريبة متعرفهمش وانت بتتصرمح انت والمدام انا هاخد حفيدتي حالا معايا انت فاهم. 
لا فرح مش هتروح في حتة صح يا فرح مش انتي هتقعدي مع زين صح 
لا انا هروح مع تيتا عشان عندها بحر كبير عايزة اروح البحر زي ماما واخويا. 
مكنتش متخيل انها هتختار جدتها وتسييني بقيت عامل زي اللي طلع سابع سما ونزل سابع ارض بس ليه بتقول عايزة تروح البحر زي مامتها واخوها لا مستحيل لا فرح مش هتروح مني ايوا هي بقت جزء من يومي من كل ساعة من كل دقيقة كل ثانية محستش بنفسي غير ونا بقول 
فررح هتسيبي زينو ونور وماما ايمان صح يا فرح هتقعدي معاناصح
لا انا هروح مع تيتا. 
محستش بنفسي غير ونا بفتح عيني لقيت نفسي على سرير مستشفى ومحلول متصل ب إيدي وامي پتبكي جمبي واختي الصغيرة پتبكي هي كمان دورت بعيني في كل زاوية عليها ملقتهاش جمبي سألت أمي عليها لقيتها بتقولي بين دموعها 
سافرت فرح سافرت مع جدتها ومش هترجع تاني.
يتبع