زواج لدقائق معدودة ١٣ بقلم زهرة الربيع

شروق انتفضت بشده وهيه بترتعش ونطقت بالعافيه وقالت ...الح....الحم...الحمام
نوح بص لها بدهشه وقال ...ايه....حمام ايه بتقولي ايه علي صوتك
شروق قالت بدموع وهي بترتعش ومش قادره تتكلم ....الحمام ...عايزه ..عايزه ارو...
بس مكملتش جملتها ولقي هدوم اتبللت وهي واقفه بتنتفض قدامه
نوح اټصدم بشده من اللي حصل كان منفعل جدا ومخدش باله انه خۏفها للدرجه دي ...حاول يتكلم او يقول حاجه بس معرفش
شروق بقت دموعها تنزل پخوف وحرج شديد جريت على الحمام وهي بتعرج عايزه تمشي من قدامه بسرعه
و دخلت الحمام وقفلت الباب عليها
نوح جري وراها بس كانت قفلت باب الحمام غمض عنيه وهو پيلعن نفسه وقال.... شروق..شروق ردي عليا انا....
بس قاطعته لما قالت وهيه پتبكي جامد ....امشي وناديلي امي.... عايزه امي
نوح قال بسرعه ....انا اجيب لك اللي عايزاه انا مش غريب انا...
بس مقدرش يقول جوزك ولا ينطقها اتنهد وقال... هجيب لك امك... بس متبكيش جوه الحمام الله يرضى هليكي..ثواني هناديهالك ..مهعوقش
ومشي بسرعه وڠضب من نفسه
وشروق قعدت على الارض وضمت رجليها لحضنها وبقت تبكي جامد بحرج وۏجع و الف احساس جواها
نوح طلع بسرعه وراح جري على اوضة هويدا بس سند وقف قدامه وقال بسخريه....ايه الحكايه ما قدرتش تقعد مع عروستك ساعه كامله على بعضها ليكون معمول لكم عمل ولا حد نابرلك في الجوازه
نوح قال بسرعه وتوتر ....مش وقتو يا سند
وجري بسرعه على اوضه هويدا وسند استغربوا جدا وفضل واقف واتفاجئ لما قال لهويدا ....بتك في الحمام وعيزاكي حصليها بسرعه وخدي لها غيار بس بسرعه ما عايزهاش تبكي كثير في الحمام
هويدا هزت راسها بتفهم وجريت بسرعه اخذت لها هدوم وراحت على اوضة نوح جري
سند اول ما شافها بتجري قال پخوف.... في ايه مال شروق عملت فيها ايه
واجري بسرعه على اوضتها بدون اي تفكير بس قبل ما يفتح الباب نوح مسك ايده وبصلو بحزن قال ....ما ينفعش يا ود ابوي.... الله يرضى عليك
ونزل راسه وقال بحرج شديد.... لسه على ذمتي ما ينفعش
سند حس الكلمه زي السکين في قلبه زي ما تكون فوقته ما الاحساس اللي غلبه دفع ايده پغضب ومشي بسرعه ودموعه بيلمعوا في عيونه
عند هويدا خبطت على شروق وقالت..شروق افتحي يا قلب امك انا جيت
شروق فتحت بلهفه وهويدا اتفاجات بمنظرها ولمعت الدموع في عيونها
شروق حضنتها بقوه وبقت تبكي جامد وهي بقت تطبطب عليها وتهديها وقالت بدموع .....بس يا ضنا ....ايام وهتعدي يا حبيبتي بكره تروق وتحلى يا شروق 
يلا يا حبيبتي تعالي علشان تستحمي وتغيري
وبقت تساعدها وشروق كانت بتنتفض پخوف وكسوف وامها ساعدتها ولبستها ونيمتها على السرير وطلعت
لقيت نوح واقف قدام باب الاوضه قال بسرعه.... طلعتيها هيه كويسه دلوك
هويدا ابتسمت وقالت ....كويسه يا ولدي...نوح لو ليا خاطر عنديك براحه عليها...هيه لساتها صغيره يا ولدي
نوح
اتنهد پخنقه وقال ....عقلي بتك يا مرت عمي ....رصيد جلعها معايا خلص خلاص يعني خليها تسمع الكلام..و مكان ما اسيبها اجي الاقيها مش لسه هربي عيال
هويدا هزت راسها بالموافقه وقالت.... ماشي يا ولدي ربنا يهدي النفوس
وراحت على اوضتها ونوح دخل الاوضه عند شروق واول ما دخل عملت نفسها نايمه بسرعه مش قادره تتكلم معاه ولا تبصله حتى