زواج لدقائق معدودة بقلم زهرة الربيع

حاول ينسى ويتعايش ويتجاهل لكن يرجع الالم اشد من الاول زي ما تكون الدنيا وقفت عندها
عند غنوه طلعت وكانت هتروح على اوضتها بس جات عينها على اوضة حليمه ابتسمت بخبث ودخلت ولقيتها بتتالم وبتتنفس بصعوبه قربت منها وقالت..... الف سلامه عليكي يا حماتي قلبي معاكي يا غاليه
حليمه بصت لها پغضب شديد وهي ابتسمت وقالت.... تعرفي كنت لسه جايه من عند ولدك كان بيقولي خلينا نعمل الفرح الليله مقادرش اصبر بس انا قلت له لاه والف لاه عمري ما هتجوز الا لما حماتي تخف وتقف جنبي
حليمه اتعصبت اكثر وقالت ڠضب والم...انتي...انتي عايزه مني ايه
غنوه ضحكت وقربت منها وقالت.... عايزه افهمك حاجه واحده انا عيني في وسط راسي وبعرف اللي قلبه عليا من اللي معندوش قلب من اساسه... و اكيد مكنتش هصدق انك عايز تشتري لي فستان بس قولت اخدك على قد عقلك واشوف اخرك
خلينه بصت لها پغضب شديد وقالت...قصدتي توطي علشان تاجي فيها ...انا مكنتش اعرف انهم قاطرينا
غنوه ابتسمت وقالت... ما انا عارفه يا حماتي ...ولا انا كمان كنت اعرف انهم ورانا بس حظك كده انا عايزاكي متتعبيش نفسك في الكلام واصل سيبي كل حاجه عليا ...حتى ولدك في يد امينه ما تخافيش مش معنى اني قاتله جوزي الاولاني اني هقتله هو كمان لا سمح الله ...لاه انا ما باذيش من غير سبب يعني اللي ياذيني بس هو اللي ېخاف
حليمه بقت تبص لها بقلق وحقد وهي قالت ....تصبحي على خير يا حماتي
وسابتها وطلعت وهيه بصت لطيفها پحقد وقالت ..صبرك عليا يا بت الجزار
عند شروق طلعت من الحمام بعد ما اخذت فتره كبيره فيه وهيه پتبكي لقت نوح كان مشي من الاوضه اتنهدت بارتياح لانها مبقتش قادره تتكلم معاه في اي حاجه لبست عبايتها وطرحتها وراحت على اوضه والدتها بسرعه
هويدا فتحت الباب واول ما شافتها قالت.... شروق.. خير يا بتي
شروق قالت بدموع...جيت اتكلم مع ابويا عايزه اشوفه ياما
حكم قال من جوه ...مين اللي بيخبط يا هويدا... لو البت سماح قولي لها تجيب لي كوبايه شاي
هويدا ارتبكت جدا ومردتش وشروق دخلت وقالت بدموع...ده انا يا بوي... عايزه اتكلم وياك
حكم اتسعت عينيه بدهشه واتحولت نظراته لڠضب رهيب وقال... اطلعي بره معايزش اشوف وشك اطلعي
شروق قالت بدموع ...اسمعني حتى يا ابوي احب على يدك ...والله ما عملت حاجه معملتش اي حاجه وحتى انا حكيت لامي و....
بس قاطعتها وقالت ....حبيبتي يا شروق... ارجعي على اوضتك يا بنيتي كل حاجه هتتحل مع الايام ارجعي على اوضتك دلوك
شروق لسه هترد بس حكم قال پغضب.... مفيش حاجه هتتحل انا قولت من ساعة اللي حصل اني ما بقاش عندي بنته انا بتي اللي ربيتها عمرها ما توطي راسي بالشكل ده