عندما تبكى الجدران ١٩ قبل الاخير بقلم عادل عبد الله

تضحكي كده يا حبيبتي .
شروق جاسر اتقبض عليه النهاردة ودخل السچن .
شريف بتتكلمي بجد 
شروق ايوه الحمد لله يا شريف اخيرا هخلص من الکابوس ده .
شريف الحمد لله عايز اقولك حاجة زعلان بسببها اوي ومش قادر افهمها !!
شروق فيه ايه يا شريف اتكلم .
شريف انتي قولتيلي اوعي تخطب يا شريف انا هطلق ونتجوز حصل 
شروق ايوه فعلا حصل قولتلك كده .
شريف وازاي بعد كلامك ده تحملي منه !! عارفة ده معناه ايه 
شروق بلاش تظلمني يا شريف اللي حصل ده كان مش برضايا .
شريف معقول !!!
شريف يبقي لازم تطلقي منه ونتجوز في اقرب وقت يا شروق ونمشي ونسيب الحتة دي خالص .
شروق ايوه انا لازم امشي من الحتة
كلها لكن لما اثبت برائتي الاول .
شريف لازم تطلقي منه وبعد الولادة نتجوز ونمشي من هنا ومټخافيش علي ابنك رجب وابنك اللي جاي انا هربيهم وكأني ابوهم واحسن علي الاقل مش هيكونوا مجرمين زي ابوهم .
شروق انا مش خاېفة علي ولادي معاك لكن السؤال اللي بسأله لنفسي انت ذنبك ايه تاخدني بأولادي الاتنين !! انت لو اتجوزت اي واحدة غيري احسن لك علي الاقل هتكون بطولها مش معايا عيال زيي !!!
شريف انتي ازاي تفكري كده !! اوعي تفكري بالطريقة دي تاني !! ولادك ولادي يا شروق فاهمة 
شروق يعني عمرك ما هتندم انك اتجوزتني وشيلت مسئولية مش مفروضة عليك 
شريف مستحيل يا حبيبتي .
شمس تجلس في الغرفة الثانية تشاهد التلفاز وتفكر في مستقبل ابنتها بعد سجن جاسر وفجأة يدق جرس هاتفهها برقم غريب !!!
شمس الو .
الدجال ازيك يا قمر 
شمس مين انت مين 
الدجال الاسياد بيسلموا عليكي طليقك طلق مراته الجديدة ولا لسه 
شمس هو انت !!!!!
الدجال ايوه انا بطمن عليكي وحشتيني اوي .
شمس واضح انك نسيت الڤضيحة اللي عملتهالك اخر مرة !!!
الدجال لأ مش نسيت بس ڠصب عني وحشتيني .
شمس اقفل واوعي تتصل بالرقم ده تاني انت فاهم 
الدجال اعمل ايه وحشتيني .
شمس غور في داهية بعيد عني .
الدجال مش مهم الشتيمة طلعة من بوئك زي العسل المهم هتجيلي امتي 
شمس اجيلك ايه يا راجل يا ....
الدجال لو مش هتيجي هتضطر افرج اصحابي ومعارفي علي الفيديو وكلهم من المنطقة واكيد هيعرفوكي لما يشوفوكي ويشوف اللي حصل .
شمس لأ لأ اوعي تعمل كده انا في عرضك .
الدجال تبقي تسمعي الكلام ولما اقولك عايزك تلبسي وتجيلي في الحال .
تصمت شمس ودموعها تنسال علي وجهها لا تعرف مخرج من هذا المأزق !!
الدجال لأ مبحبش السكوت انا بحب كلمة حاضر هتقولي حاضر ولا بكره الصبح تلاقي جيرانك وكل اللي في الشارع بيشاور عليكي وبيقول دي اللي كانت ....
شمس لأ لأ خلاص خلاص .
الدجال قولي حاضر .
شمس حاضر .
الدجال شاطرة كده انا احبك اكتر يلا قومي تعالي