بنات الحارة الفصل رقم 9 بقلم نسرين بلعجيلي

بنات الحاره 4cats
بقلم نسرين بلعجيلي Nisrine Bellaajili 
ممنوع النشر 
الروايه حصري
مقدمة
كل بنت في الحارة دي عندها حكاية... وكل فرحة بتتبني على ۏجع سابق. في وقت كل الناس بتستنى الفرحة في قلوب پتنزف بصمت وفي حكايات لسه ما اتقالتش.
كلام نسرين
الفصل ده من أكتر الفصول اللي تعبني وأنا بكتبه لأني حسيت فيه بكل بنت اتقال عليها كلمة ظلم وبكل أم جواها قلق على ابنها وبكل راجل بيحاول يحافظ على بيته وسط عيون الناس.
الفصل رقم 9
اليوم الموعود... الكل وصل للمسجد علشان كتب كتاب هاجر ومحمد.
أم محمد كانت بتلبس طرحتها وهي وشها مكشر.
أبو محمد يا ولية إفردي وشك أقسم بالله...
أم محمد كفاية حلفان بقى.
أبو محمد ما إنت مكشرة والنهارده كتب كتاب إبنك الوحيد.
أم محمد خلاص يا خويا أهو هضحك.
أبو محمد إسمعيني عندنا بنتين فكري فيهم وفكري في سمعتهم واللي هتعمليه في هاجر هيرجع في بناتك. عايزك تفرحي وتنقذي سمعة البنت اللي مالهاش ذنب.
أم محمد حاضر.
أبو محمد ربنا يهديك يا رب.
أم محمد هو إنت شايفني كده وحشة
أبو محمد لا إنت مش وحشة بس الناس اللي حواليكي اللي بيصطادوا في المية العكرة.
أم محمد قصدك إيه
أبو محمد قصدي أختك اللي عايزة بنتها تتجوز محمد بس هو طول عمره شايفها أخته وحب هاجر ده نصيبه فبلاش تخليها تبخ السم بتاعها عندك.
أم محمد إنت عارف ده الولد الحيلة وعايزاه يتجوز جوازة الهنا.
أبو محمد هو بيحبها يبقى هيبقى جواز الهنا لو إنت ضحكتي وباركتي. إوعي تنسي اللي هتعمليه هيترد ليك في بناتك. لو حطيت الجملة دي في دماغك ربنا حيبارك لينا.
يلا يا أم العريس.
أم محمد والله يا أبو محمد قلبي مش مطمن بحس إن فيه حاجة مستخبية والبنت دي مش داخلة قلبي.
أبو محمد يا أم محمد إنت عارفة إبنك كويس مش صغير ولا متهور وعارف بيعمل إيه. وبعدين هاجر بنت مؤدبة ومحترمة والناس كلها بتشهد لها.
أم محمد يمكن بس أنا أم وقلبي دايما خاېف عليه.
أبو محمد خۏفك عليه طبيعي بس لازم تثقي في اختياره. هو مش طفل وهاجر عمرها ما كانت سبب مشاكل بالعكس دايما بتسند وبتصون.
أم محمد طب وفرضنا حصل نصيب نعمل إيه
أبو محمد نفرح ونقول مبروك ونقف جنبهم ونساعدهم يبنوا بيتهم على المحبة. إحنا كبار ولازم نكون قدوة في الخير.
أم محمد ماشي يا أبو محمد من إيدك دي لإيدك دي. لو هو مرتاح أنا كمان هارضى وربنا يسعدهم.
أبو محمد كده الكلام هي دي أم محمد اللي بحبها. يلا خلينا نحضر كتب الكتاب الدنيا مستنياك تفرحي بإبنك .
في شقة حامد كانت هاجر لابسة عباية لونها أبيض وبتحاول تحط شوية مكياج.
دخلت صفية وهي بتزغرد.
زينب عيب نزغرد.
صفية حرمت عليك عيشتك. روحي يا بت شوفي وراكي إيه.
زينب يعني إيه أشوف ورايا إيه هو