فلانتيمو الحلقة ١١ للكاتب عادل عبد الله

فلانتيمو
للكاتب_عادل_عبد_الله
الحلقة ١١
منال لأ مش قابلة اعتذارك كده .
تامر طيب اعمل ايه علشان تقبلي اعتذاري يا روح قلبي 
منال تعال اعتذرلي هنا .
تامر اجيلك دلوقتي !!!
منال ايوه تعال دلوقتي تعتذرلي هنا او تطلقني حالا قولت ايه 
تامر حاضر يا منال جاي .
بعد نصف ساعة 
في منزل منال
منال انت خلاص يا تامر ضعيت مني واللي حصل حصل !!
تامر ليه بتقولي كده يا قلبي انا لسه بحبك و انتي مراتي وحبببتي وكل حاجة ليا في الدنيا .
منال بدموع لأ انا مفيش حد يعرف اننا متجوزين عاملين زي اللي بيسرقوا وخايفين حد يشوفهم !! انما العروسة الجديدة جوازكم في العلن وكل الناس عارفين تبقي هي اللي مراتك وانا لأ 
تامر اوعي تقولي كده تاني انا قولتلك انتي مراتي وحبببتي انما هي مفروضة عليا من امي .
منال العيب. مش عليك العيب. عليا انا اللي صدقت ان واحد عمره اكتر من اربعين سنة امه تفرض عليه يتجوز واحدة هو مش عايزها .
تامر صدقبني هو ده اللي حصل .
منال اللي حصل حصل خلاص ملوش لزوم الكلام .
ثم تبكي بحرارة انا عارفة اني مليش حظ !! لما اتجوز جوزي ېموت و لما احب واتجوز تاني جوزي يتجوز عليا  
تامر و حياتك عندي عمري ما حبيت بجد ولا هحب حد غيرك يا قلبي .
منال بدموع بأمارة اني اول ما جيبت سيرتها زعلت 
تامر قولتلك متنسيش انها بنت خالتي يعني سمعتها تمسني وتمس العيلة كلها وانتي اتكلمتي 
منال اسفة جدا اسفة يا استاذ تامر عمري مش هجيب سيرتها تاني ابدا عارف ليه 
تامر علشان بتحبيني ومش عايزة تزعليني .
منال لأ علشان هنتطلق دلوقتي حالا يلا بينا ننزل نروح للمأذون قبل ما الولد يصحي من النوم .
تامر ده مستحيل !!! مش ممكن اطلقك ابدا انتي روحي وقلبي وحبي الوحيد .
منال بطل كدب يا تامر حتي بالنهار مكنتش قادر تسيبها وترد علي رسايلي !! هتفضل تكدب لحد امتي !!
تامر يضحك انتي مفيش فايدة فيكي اني نايم لوحدي في اوضة الاطفال اعملك ايه تاني !!
منال تبكي انا اللي مش عارفة اعمل ايه !!! انا مليش حد في الدنيا بابا وماما ماتوا و اختي الوحيدة مسافرة ولو شوفتك لقيت فيك كل حاجة بابا وماما واخويا وصحبي وجوزي وحبيبي علشان كده لما عرفت انك هتتجوز حسيت ان الدنيا كلها بتضيع من ايديا وان خلاص مفيش أمان .
تامر يضمها انا معاكي اهو مضيعتش ولا حاجة انا باباكي ومامتك وجوزك وكل حاجة ليكي .
منال انا خاېفة اوي يا تامر انت كنت الأمان اللي انا عايشة بيه في الدنيا .
تامر ولسه وهفضل معاكي وجنبك سندك وضهرك وحبيبك يا روح قلبي .
بعد ساعتين ...
تامر معلش يا حبيبتي انا لازم امشي .
منال خليك شوية كمان .
تامر لأ مينفعش انا بردو قدام الناس لسه عريس 
منال تضحك 
يضحكان بصوت عال ثم ينهض تامر انا هدخل اخد شاور سريع وانزل .
منال استني لما تاكل قبل ما تنزل .
تامر لا لا مش عايز اتأخر اكتر كده .
بعد نصف 
ساعة
في منزل تامر
يصعد تامر درج المنزل ليفاجئ بوالدته امامه !!!
ام تامر تامرر !!! انت جاي منين