زهرة وسيف ٨
شهقت زهره باعتراض
تسيبو الشغل ليه
رئيس الحرس باحترام
دي اوامر سيف بيه كلنا نسيب الشغل علشان الغلط الي حصل
زهره وهي تعقد حاجبيها پغضب
وانتو تسيبو شغلكم ليه انتو كنتو بتنفذو الاوامر
سيف پغضب شديد
زهره متدخليش في الي ملكيش فيه
وانتو اتفضلو و في فريق امني تاني هيستلم منكم الشغل بعد الحفله
ليخرجو من الغرفه وزهره تشير لهم سرا بانها ستحاول اقناعه بتركهم في عملهم
ليهز رئيس الحرس رأسه لها علامة الامتنان
وهو يغلق الباب من خلفه
سيف بغيظ وهو بجذبها بشده نحوه
ممكن اعرف بتشاوري له على ايه
اقتربت زهره منه وهي تقول برقه
حرام يا سيف قطع العيش مش بالساهل محدش يعرف يمكن يكون حد فيهم محتاج وانت بقطع عيشه بتضره
سيف پقسوه
انا مظلمتش حد دول عملو غلط لو حد تاني مكاني كان نسفهم من على وش الدنيا
وهما عارفين ومتأكدين انهم يستاهلو الي حصلهم واكتر كمان
زهره برقه وهي تحاول امتصاص غضبه
انت طبعا عندك حق بس دول
رجالتك الي بتثق فيهم وهما كانو بينفذو الاوامر مش اكتر حرام تقطع عيشهم
سيف وهو يقول بتحزير
زهره قلتلك...
لتفاجأه باحتضانها له وهي تقول برقه
أنا مش هقولك عشان خاطري .. انا عارفه اني مليش خاطر عندك..بس وحياة اغلى حاجه عندك في الدنيا
تفكر تاني قبل ما تنفذ قرارك
شعر سيف بالحيره وهي تحتضنه برقه
عاوزاني مطردش الحرس ومطردش الفت يبقى لازم تدفعي
زهره باعتراض
هو انت عاوز تطرد الفت كمان ..حرام عليك ياسيف..
مرر سيف يده بعشق في خصلات شعرها وهو يتابع بمكر
ها موافقه تدفعي والا انفذ قرار الطرد
زهره بتردد وهي تستشعر وجود فخ في انتظارها
أدفع ايه انا مش فاهمه حاجه
سيف وهو يضحك بمكر
قولي موافقه وخلاص خاېفه من ايه
زهره بتردد
طب قول انت الاول هادفع ايه قبل ما أوافق
سيف بمرح
جبانه .. عموما براحتك ..ليتوجه الى هاتف مكتبه
زهره بدهشه
بتعمل ايه
سيف ببرود
هتصل بيهم اخليهم ينفذو قرار الطرد حالا
لتجري زهره بسرعه نحوه وهي تنتزع الهاتف من يده
لاء خلاص انا موافقه
ضحك سيف بمرح
ما كان من الاول لازم تتعبيني معاكي
ليقبل وجنتها بحنان وهو يتابع
يلا بينا يادوب الحق اجهز قبل وصول الضيوف
لتحاول زهره الخروج معه
الا انه منعها بصرامه أخافتها
رايحه على فين
انقبض قلب زهره پخوف وهي تقول بتردد
طالعه معاك..والا عاوزني اروح فين
سيف وقد غفل عن خۏفها لشدة غيرته
وهو يجذبها اليه ويبدء في غلق المعطف عليها من جديد حتى العنق ليقول بضيق وهو يفشل في لملمة شعرها بسبب نعومته الشديده
لمي شعرك ده.. عاوزه تخرجي بشعرك مفرود و البالطو مفتوح والفيلا مليانه رجاله غريبه
ليتراجع قليلا للخلف وهو يتأملها بغير رضا
معقول ..لحد هدومك الجديده ماتوصل
زهره وهي تتأمل البالطو كبير الحجم الذي يغطيها بالكامل بدهشه
سيف البالطو مغطيني بالكامل وبتقول عليه معقول..
لتتابع بتوجس
هي الهدوم الي طلبتها ليا شكلها ايه
سيف ببرود
لما تيجي هتشوفيها .. وبرضه مش هتلبسيها الا لما اشوفها واوافق عليها الاول
وهو يتوجه بها لغرفتهم بالاعلى وهو يغفل عن عين سالي المراقبه لهم بتعجب
لتقول بدهشه
هو في ايه و دول لحقو يتصالحو امتى دا انا سيباهم قبل ما انام وهما مش طايقين بعض ..
لتتابع بتصميم وهي تدخل الى غرفتها وتغلقها عليها جيدا
لاا..دا انا لازم اتصل حالا بأمين
لتقول بثقه وهي تتأمل جمالها بالمرآه
واتصل بأمين ليه..انا عارفه هتصرف اذاي
لتتجه الى خزانه ملابسها وتختار منها الثوب الرمادي الرائع الذي قامت بشرائه خصيصا للحفل لتملس عليه باعجاب وهي تضعه فوق جسدها
