زواج لدقائق معدودة الجزء الثاني ٨ بقلم زهرة الربيع

حليمه بقت تحاول تفك ايدها وهيه پتتخنق و بتكح بشده
بس غنوه كانت مسكاها بقوه وقالت بتحذير.... اشتري الكام يوم اللي فاضلينلك ..وعيشيهم براحه بدل ما اقول لهم على الاعيبك دي وميهمنيش اي حاجه واخليكي تتشردي في الشوارع..... الناس دول مش بس دفعوا عني وحاولوا يحلوا مشكلتي لا دول كمان خسروا ياما بسببي وجاهزه اخسر عمري علشانهم ..سمعتي
قالت كده ودفعتها پغضب ومشيت 
وحليمه قعدت على اقرب كرسي وهيه بتحاول تاخد نفسها وبتبص لطيفها بغل وحقد شديد وقالت بتعب....ماشي يا لمامة الشوارع الحق عليا اللي عملتلك قيمه ...اتلقي وعدك مني عاد
عند نوح كان هيطلع على اوضته وسمع صوت ضحك جاي من اوضة الجلوس بص لقى شروق قاعده مع نبيل وبيهزرو دخل پغضب وقال.... انا بقول نقفل البيبان والشبابيك احسن علشان تاخدو راحتكم
نبيل واقف پخنقه وقال...... يا رب صبرني عليه... هو احنا مش المفروض قاعدين في اوضة الضيوف... ولا انت ظبطتنا في اوضه النوم علشان تتكلم بالوقاحه دي
نوح قرب منه پغضب شديد وقال ....لهو انت متخيل لو ظبطتك في اوضة النوم هوقف اتساير وياك واخد وادي كده
شروق قالت بضيق.....ملوش لزوم الكلام ده يا نوح ....كل واحد هنا كبير وواعي وعارف الصح من الغلط واللي ينفع من اللي مينفعش
نوح بصلها پغضب وقال.... لا وانتي واعيه قوي الصراحه... قاعده معاه كده من غير اي محرم معاكم ولا كأنكم جوز عرسان في شهر عسلهم لا وبتبجحي كمان
شروق لسه هترد بس نبيل اتنهد وقال....استغفر الله العظيم يا رب.... يا بني ادم انت والله متخلف بقول لك بجد انت مريض عندك مشاكل صدقني كل ما تعرف اسرجع احسن ليك....طب بص كده
و طلع كارت من جيبه ومدو عليه وقال ...بص اسمع مني وشرفني في العياده في القاهره هتستفيد صدقني وعارف عشان حالتك مستعصيه انا ممكن اعمل لك جلسه هنا على حسابي
نوح قال ببرود... الكارت ده تحطه لا مؤاخذه في جيب بنطلونك الوراني ...وحاول متقعدش كتير مع المجانين اللي زيي عشان متحصلهمش
نبيل لسه هيرد نوح قال بسرعه...صوح انت قاعد هنه لحد دلوك ليه.... انت مش جيت واتعرفت واتونست مع نسايبك اللي لسه معارفينش اذا كانوا هيناسبوك ولا لا ...ولا انت ناوي حتى بعد ماتتجوزها تبلط هنه....وتزورنا 13شهر في السنه وتقول حق مرتي بقى وكده....اصلي شامم ريحة نطاعه في الموضوع
شروق شهقت بذهول وقالت..... نوح... ايه اللي بتقوله ده
نبيل بصلو پغضب وقال....سيبيه يا شروق الظاهر ان العمده خاېف على فلوسه او بمعنى اصح خاېف على فلوسه وفلوس غيره...على العموم متقلقش يا عمده انا ولا داخل على طمع ولا مستني حاجه من شروق...و لو قعدتي هنا مضايقاك مش مشكله انا ممكن امشي من النهارده
نوح وسع كده وشاور على الباب وقال..... الباب من هنه والمخرج