زواج لدقائق معدودة الجزء الثاني ١٧

بقول لك كل حاجه اول باول وانتي طمنتيني انك محتاجيش هنه واصل ...يعني عاجبك الحريقه اللي ولعتيها في البيت دي... كان ايه لزمتها جيتك دلوك
صابحه قالت بضيق.... كيف يعني ايه لازمتها ..نوح ولدي وطالت ولا قصرت كنت هاجي عشان اشوفه
هويدا قالت بدهشه ....مهو علشان ولدك كنتي لازم تفكري كيف هيحس لما يشوفك كده فجاه قدامو ....انا مفاهماش ايه اللي جد... احنا مش كنا متفقين انك محتاجيش هنه واصل واني هبلغك باخباره اول بأول
صابحه قالت بضيق....جيت افهم الدنيا ماشيه ازاي... انتي قولتيلي كذا مره ان بتك بتحب نوح ...بس دلوك احنا جايين على اساس نخطبها لنبيل.... ايه الموضوع ...البت رايده مين فيهم
هويدا قالت پغضب...وحتى بخصوص الموضوع ده انتي بردك غلطانه ...انا ريحتلك ولدك وخليت بالي عليه وحافظتلك عليه من الحيه اللي اسمها حليمه ...وانتي مشيتي على اساس اني انا هخلي بالي معاه وانا عملت كده ومقصرتش 20 سنه وانا بعامله على انه ولدي واديكي شايفاه راجل طول بعرض وبقى عمده ومحدش يقدر يقول له تلت التلاته كام .. وكنت عايزه اجوزو شروق ومش عيزالها اي راجل غيره ...بس قوليلي في المقابل انتي عملتي ايه... البت لما اصرت انها تسافر كلمتك من اول يوم وقولتلك تخلي ود جوزك يخلي باله معاها تقومي تقوليله هخطبها لك ويرجعولي حبيبه من هناك....كيف ممنعتهوش عنها انا قولتلك انها رايده نوح كيف تفضلي ود جوزك على ولدك انا مفاهماش
صابحه قالت بضيق....متقوليش ود جوزك دي...نبيل ولدي انا مربياه من وهو عيل ميوعاش...وبعدين انا ذنبي ايه انا عملت كيف ما قولتي لي قلت لنبيل ان شروق بت واحده صاحبتي ووصيتو عليها ..وهو مقصرش وفعلا خلي باله معاها ونجحت سنتين بامتياز.... ايش دراني بقى انهم هيتفقوا على جواز
هويدا لسه هترد نزل نبيل وقال بضيق.... هي شروق فين ...عايزه اتكلم معاها شويه
هويدا قالت بضيق...ليه هيه مش في اوضتها
نبيل قال باستغراب ....لا انا خبطت على اوضتها انا وجاي ومكانش فيها حد
هويدا استغربت و نادت على سماح وقالت.... سماح شوفتي شروق
سماح قالت.... ايوه لسه من شويه مشو سوا هيه والست غنوه
الكل بصلها بذهول ونبيب قال....مشيو راحو فين دلوقتي في الليل ده
سماح قالت... معارفاش انا كت فاكره انهم قايلينلكم
بصو لبعض بذهول و هما مش فاهمين راحوا فين وبدأ نبيل يتصل على شروق پخوف وقلق
عند شروق كانت بترجع لورا بړعب وتليفونها رن مسكتو بسىعه ولسه هترد الشاب شدو منها وداس عليه كسرو و 
شروق بقت تبكي جامد پخوف شديد وقالت بدموع ...خليني امشي...هملني الله يكرمك ..امانه عليك
استجمعت كل قوتها وضړبته برجلها في
بطنه
الشاب اتراجع شويه وحط ايده على بطنه پألم وبصلها پغضب شديد لما عملت كده وھجم عليها 
شروق صرخه جامد بكل قوتها