زواج لدقائق معدودة الجزء الثاني ١٩ بقلم زهرة الربيع

بالطريقه دي ومش بيرد قالت... في حاجه يا ولدي
نوح اتنهد ونفض اي افكار من دماغه وقال... مفيش.... بحاول افكر يا ترى خطوبه ود جوزك حاجه مهمه لدرجه انك ترجعي وتتجرأي توقفي قدامنا تاني
صابحه اتنهدت بحزن قالت.... بس انا مجيتش علشان نبيل انا جيت علشانك انت
نوح ضحك بسخريه وقال ....اممم... هو انت لسه فاكراني طب زين والله...على العموم خير... انا اصلا كنت مستني رجوعك في اي يوم من الايام كنت متاكد انك مسيرك هتاجي عشان تطلبي حقك
صابحه بصت لو باستغراب وقالت ...حقي
نوح قال بسرعه...اه حقك... مش الحاكم ماټ وانتي على ذمته عموما حقك محفوظ ..اتفقنا ولا اختلفنا حق ربنا واجب وحاسب كل قرش ليكي بالذايد كمان 
صابحه ابتسمت باعجاب وقالت..... تشبه ابوك قوي يا نوح... كان كيفك تمام كده
شرب من فنجانه بلا مبالاه وقال.... ما افتكرش لو كان زي تمام مكانش اتجوز واحده زيك
صابحه اتنهدت وقالت.... انا مهبررش اي حاجه ومهشرحش كتير لاني متاكده ان نظريه العيل اللي عنده 11 سنه تفرق كتير عن نظريه العمده اللي عنده 31 سته...انا دلوك عايزاك تنسى يا نوح اني امك لاني واحده جايه طالبه منك حقها طالبه منك تنصفها وتظهر حق ربنا... انا مظلومه يا نوح اتخدت غدر
نوح قال پغضب.. مظلومه ...انا بعيني شوفت اللي حصل وكمان سوفت ابوي لما جيه يضرب عليكي بالړصاص يومها طب واقع من صډمته وعلى بال ما فوقناه وجبناله الدكتور انتي هربتي... لو كان معاكي حق صوح مكنتيش هربتي صاحب الحق عينه قويه وميسيبش حقه ويهرب
صابحه اتنهدت وقالت ....عينه قويه لما يكون في حد واقف معاه وهينصفه....انا اتغدر بيا واللي عمل كده اشترى الكل عشان يشهدوا ضدي ....عايزاك تفكر في حاجه واحده بس يا نوخ ... يا ترى لو انا واحده خاينه وبخون جوزي وعيشو وملحه ومسألاش في ولدي ولا في عيشتي اللي كانت كيف عيشه الملوك هجيب عشيقي في دار جوزي ضاقت عليا الدنيا عشان اعمل كده في الاسطبل عندنا في البيت ضاقت عليا الدنيا عشان ادخل راجل غريب وابقى مأمنه ان محدش هيسال ده دخل هنه ليه...لا وشوف الصدفه بقى حليمه اللي مكانتش تخدم ولا تبص بره الدار وبتتامر على اللي فيه وتدوس عليهم بجزمتها لاجل الحظ يومها تطلع تبص على الخيل وتشوفني هناك... الحظ كتير قوي في الحكايه دي
نوح بقى يفكر في كلامها اللي كان قريب لتفكيره ومنطقي جدا بالنسباله و بيتمنى من كل قلبه يكون معاها حق 
وهيه طبطبت على كتفه وقالت..... انا هربت مش لاني خۏفت من المۏت يا ولدي انا خۏفت اموت واسيب لك عاري خۏفت اموت في حاجه شينه زي دي مكانش معايا حد يوقف وياي ولا حد هيصدقني عشان كده هربت وصبرت