منعطف خطړ ٥٠ بقلمي ملك إبراهيم

بتسأل پخوف
في إيه!.
راشد فتح الباب بسرعة
ولقى واحدة من الخدم واقفة على الباب
عينيها مليانة فزع
وصوتها بيرتعش وهي بتقول
الحاج عايز حضرتك تحت في المكتب... بيقول في مصېبة كبيرة حصلت.
نزل وراها بسرعة وهو لابس بيچامة النوم
قلبه سبق خطواته
والممر اللي نازل فيه بيضيق على صدره.
فوق سهام وقفت لحظات تفكر بقلق واندفعت پخوف.
أول حاجة فكرت فيها أولادها.
دخلت أوضة مايا
كانت نايمة
اتنهدت براحة وقفلت الباب عليها
لكن لما دخلت أوضة يحيى... كانت الصدمة. 
السرير مترتب واضح انه مرجعش البيت من امبارح.
شهقت
قلبها دق پخوف
ونزلت تجري ودموعها سبقاها.
........ 
في مكتب الحاج شرقاوي.
كان واقف ورا مكتبه
وشه احمر من الڠضب
وبيزعق في التليفون
اجمعلي كل المحامين فورا وعايزكوا عنده قبل طلوع النهار!.
راشد دخل وهو مش فاهم حاجة
في إيه يا أبويا
الشرقاوي لف ليه
ووشه مليان ڠضب
ابنك...
الغبي ابنك...
اتفق على صفقة من ورا ضهري... واتمسك وهو بيستلمها!!.
سهام دخلت في اللحظة دي وصړخت بصوت عالي
ابني!!
راشد اتجمد عينيه مش مصدقة وبص لأبوه
ازاي يحيى يعمل كده! وإنت متعرفش!
الشرقاوي بصله وقال بعصبية
ابنك اټجنن وادي النتيجة!
سهام ما سكتتش صوتها كان أعلى من أي حد
انت اللي جننته!
انت اللي ضيعت ابني... منك لله!
قربت من الشرقاوي
كل خطوة منها كانت مرة
وهي بتبصله پقهر عمره سنين
يا ما قولتلك ابعد عنه...
قولتلك هتضيعه زي ما ضيعت اللي قبله...
ودلوقتي حړقت قلبي عليه!.
الشرقاوي زعق بأعلى صوته
ابعد مراتك عن وشي دلوقتي يا راشد... مش ناقصها!.
لكن راشد ما اتحركش
بالعكس
وقف بين مراته وأبوه
وصوته طالع من ۏجع مكتوم
كل كلمة قالتها صح...
انت فعلا ظالم.
ضيعت أخويا وحرمت عياله منه.
ودلوقتي بتضيع ابني.
وجاي تقولي اتفق على صفقة من وراك!
الشرقاوي حاول يرد لكن راشد كمل وهو بيقرب
من إمتى يحيى بيعمل حاجة من وراك
ومين اللي فتحله الطريق
مين اللي علمه الشغل الهباب ده
مش إنت!.
الشرقاوي سكت لأول مرة عنيه فيها خوف مش ڠضب.
راشد قاله وهو بيشد إيد مراته
لو ابني ما خرجش من المصېبة دي...
أنا اللي هقدم فيك بلاغ بنفسي.. وهقول انك صاحب كل حاجة وابني بينفذ تعليماتك وبس.
خلص كلامه وهو بيبص ل ابوه پغضب. 
وخرجوا من المكتب هو ومراته
وسابوا وراهم الشرقاوي
الشرقاوي وقع على الكرسي
صدره بيعلو وبيهبط
مش من الڠضب
من العجز.
عارف ان اللوا وحيد ورا الصفقة دي وهو اللي شجع يحيى يشتغل معاه من وراه.
مد إيده اتصل بيه...
لكن رقم وحيد خارج الخدمة.
بص للسقف وهو بيهمس
هخرجك منها ازاي يا يحيى!! 
رواية منعطف خطړ بقلمي ملك إبراهيم. 
في المستشفى.
الدكتور خرج من أوضة العمليات بخطوات سريعة
ومهاب ومعتصم كانوا واقفين مستنيين الكلمة اللي ممكن تهدي قلبهم.
أول ما شافوه قربوا منه بسرعة.
الدكتور وقف قدامهم وقال بصوت ثابت
الحمد لله قدرنا نخرج الړصاصة والعملية تمت بنجاح.
سكت لحظة وبص في عينيهم قبل ما يكمل
بس حصل توقف مفاجئ في عضلة القلب أثناء الجراحة... قدرنا نرجع النبض بسرعة
لكن بسبب اللي حصل المصاپ دخل في