زوجة بتوكيل عام بقلم اسراء ابراهيم
اسكربت
زوجة بتوكيل عام
انا مش هقدر يا خالد اتجوز بعديها وبابا مصمم انه يجوزني اول ما انزل مصر وانا مش عارف اخرج من الورطة دي ازاي
كان بيتكلم ايوب بعصبية مع خالد ابن عمه و صديق عمره اللي ماسك شغله كله في مصر
خالد بتنهيدة وانت لحد امتي هتفضل تهرب يا ايوب قولتلك الف مرة قبل كدة انت لازم تواجه وبعدين عمي حالته الصحية سيئة جدا وكل مرة في النازل
ايوب بحيرة انا لو جيت يا خالد هبقي بفتح مجال لقولنا وقالو وانا اصلا سافرت عشان اريح نفسي من كل ده وانت عارف ان بابا مش هيرتاح الا لما اتجوز هو كدة فاكر انه بيحل المشكلة واني هرجع مصر اعيش حياتي عادي
خالد باقناع يا ايوب اللي حصل ده فات عليه سبع سنين انت لازم تنسي بقي وبعدين هي فين ماهيتاب دلوقتي دي سابت الڤيلا ومشيت من وقت ما انت مشيت
ايوب بجدية تمام يا خالد بس صدقني انا لو رجعت مصر و حصل وشوفت ماهيتاب مضمنش رد فعلي وممكن ارتكب جناية
خالد بتوتر لا متقلقش هي خلاص مشيت بعد ما انت مشيت وبعدين انت كل اللي يهمك حالة عمي اللي هو ابوك وانت راجع عشانه وعشان تريحه بقي اللي باقي من عمره وانا متأكد انه لما يشوفك هيرتاح يا ايوب
ايوب بقلة حيلة ماشي يا خالد بس فكر معايا بقي من هنا لحد ما ارجع مصر في حجة اخلع بيها من الجوازة اللي بابا مصمم اني اتجوزها دي
خالد بتوتر ها حاضر يا حبيبي اكيد هشوفلك حل بس يعني انت انزل بسرعة وان شاء الله كله هيتحل
بعد يومين كان داخل خالد من باب فيلا عاصم ويبقي عمه وابو ايوب
خالد بتوتر ازيك يا عمي
عاصم بابتسامة اهلا يا خالد اتفضل يابني يا شمس اعملي شاي لخالد
شمس بطاعة حاضر يا عمو عاصم من عيوني
خالد بتوتر عمي انا كنت عاوز اتكلم مع حضرتك في موضوع ضروري
عاصم بهدوء ايوب كلمك مش كدة اوعي تكون غلطت بلسانك معاه
خالد بسرعة لا يا عمي متقلقش انا قولتله زي ما حضرتك فهمتني انك يعني بعد الشړ تعبان اوي وانه لازم يرجع بس كللمه بصراحة خوفني
عاصم بضحك انت خاېف من ايوب يا واد يا خالد طب بزمتك تاخد علقة وايوب يرجع وسطنا ولا نسيبه كدة عايش لوحده برة من غير اهل ولا ونيس
خالد بحيرة يا عمي حضرتك عارف ايوب عصبي ازاي وبعدين لو جه واكتشف ان حضرتك مش تعبان ولا حاجة واننا كدبنا عليه عشان يرجع مصر هيتجنن ويعمل مصېبة ما بالك بقي بالمصېبة الكبيرة لما يعرف ان حضرتك يعني
عاصم بثقة اني جوزته يعني بالتوكيل اللي معايا
خالد باندفاع ايوة طبعا انا مش نتخيل رد فعله اكيد هيعمل مشكلة كبيرة
عاصم ببرود يعمي اللي يعمله هو يجي بس الاول والباقي امره سهل وبعدين انا عملت الصح منا مكنتش هسيب شمس تعيش بعيد عني دي بنت الراجل اللي عاش عمره كله يخدمني
خالد بتوتر ايوة يا عمي بس يعني كان في الف طريقة تانية غير موضوع الجواز ده انا معرفش ليه حضرتك عملت كدة
كانت خارجة شمس بصنية الشاي وكانت سامعة كلامهم عن ايوب وخاڤت اوي من جواها وخصوصا انها حست من كلام خالد عن شخصية ايوب انه صعب اوي
شمس بهدوء انا شايفة ان خالد عنده حق يا عمو وانا مش هرضي ان يحصل مشكلة بينك وبين ايوب بسببي وبعدين انا كدة كدة
عايشة
