مكتوب على اسمى الجزء الثانى بقلم ملك ابراهيم

على الاقل عشان نعرف نتكلم.
واتكلمت مع كل الطلاب بصوت مرتفع من فضلكم الباشمهندس عامر جاي يقابل العميد وعيب اللي بيحصل ده اتفضلوا بعد اذنكم.
آيات سمعت صوت الدكتورة وهي بتزعق في الطلاب وآيات كانت واقفه بعيد ولسه مش شايفه هو مين واتحركت عشان تبعد عنهم وفجأة لقت تليفونها رن برقم عامر.. بصت للتليفون وبصت علي التجمع اللي عند الطلاب وقالت يبقى هو مش عامر فعلا لان اكيد عامر مش هيكلمني في التليفون وهو هنا وسط الزحمة دي.
وفتحت المكالمة وقبل ما تقول الو سمعت صوت الطلاب اللي حواليه وشهقت پصدمة وقالت هو انت اللي هنا في الجامعة!!
رد عامر عليها اه يا حبيبتي انا هنا انتي فين
منال بصتله پصدمة وهي واقفة جمبه لما سمعته بيكلم بنت في التليفون وبيقولها حبيبتي!
آيات ردت عليه پصدمة انا واقفه في نفس المكان اللي انت فيه بس بعيد عن الزحمة عشان خۏفت اقرب.
عامر لا متقربيش من الزحمة انا هجيلك.. عرفيني بس انتي واقفة فين بالظبط.
منال كانت واقفة جنب عامر وبتبصله پصدمة وعامر انتهى من المكالمة وهو بيبحث بعينيه عن آيات واول لما شافها واقفة بعيد اتحرك بسرعة وقرب منها وكل العيون كانت متابعاه!
آيات كانت بتبص علي المكان وسط الزحمة ومش شايفاه وفجأة لقت الطلاب بيوسعوا الطريق وعامر ظهر وهو بيبصلها وبيقرب منها وهي بتبصله وقلبها دق پعنف اول لما شافته وكأنها اول مرة تشوفه.. وشها احمر من شدة الخجل والتوتر وعامر سايب كل اللي حواليه واللي بيتمنوا منه كلمة واحدة وبيقرب منها هي..
قرب منها وهو بيبتسم ووقف قدامها واتكلم وهو بيضحك هو الواحد اللي يفكر يعزم مراته على الغدا يتبهدل كده!
آيات كانت بتبصله بعمق ومش قادرة تنطق ومش مصدقه ان ده جوزها وملكها لوحدها وكل الناس بيتمنوا منه كلمة واحدة.
منال قربت منهم بفضول لانها كانت عايزة تعرف مين البنت دي اللي عامر الچارحي جالها بنفسه الجامعة ووقفت جنب عامر وقالت دي اختك يا عامر
عامر بصلها وضحك وقال آيات مراتي.
منال شهقت پصدمة وقالت نعم!...مراتك!!
اقتباس
الجزء_الثاني 
مكتوبة_على_إسمي 
الكاتبة_ملك_إبراهيم
وحشتوني جدا أجمل متابعين 
موعدنا ابتداء من السبت القادم ان شاء الله والنشر يوميا بأمر الله 
انتظرونا اااا
عايزة تفاعل جااااااامد علي الاقتباس يليق ب عامر وآيات وكل متابعيني
حكايات AS 
قصص وروايات 
روايتك كاملة عندنا