مكتوبة على إسمي الحلقة 3 الفصل 2 بقلم ملك ابراهيم

انت تقصد كده.. وبعدين انت عارف انا مش قادرة اركز ليه عشان انا حامل يا باشمهندس والمفروض انك بابا الطفل إللي أنا شايله مسؤليته لوحدي والطبيعي إنك تساعدني وتذاكرلي عشان انا بفهم منك انت اكتر من اي حد تاني لكن انت مش مهتم بيا ابدا وكل تركيزك واهتمامك ب شغلك وبس وانا اخر اهتمامتك!!
عامر قفل اللاب وقالها آيات حبيبتي هو الحمل بيقلب معاكي بفقدان ذاكرة ولا ايه!! مش انا قولتلك أساعدك في مذاكرتك وإنتي رفضتي وقولتي انك فاهمة كل حاجة ومش محتاجة مساعدة!
ردت آيات اه انا مش محتاجة مساعدة بس محتاجة اهتمام.. محتاجة احس اني مهمة في حياتك.. شوف شريف بيعمل ايه مع هاجر واتعلم منه.. شريف كل يوم يتصل ب هاجر بالساعات ويفضلوا يتكلموا في التليفون طول الليل ويقولها كلام حب!
عامر طب دول مخطوبين وطبيعي يتصل بيها ويقولها كلام حب.. انا بقى اتصل بيكي ليه يا حبيبتي وانتي قدامي اهو وبقولك كل كلام الحب وانتي قدامي.
آيات لا طبعا المشاعر بتكون مختلفه بين المخطوبين والمتجوزين وانا من حقي اعيش مشاعر المخطوبين دي!
عامر ااااه هي هبت معاكي.. آيات هو انتي مش ناويه تولدي بقى وتخلصيني من الجنان ده!
آيات شهقت پصدمة انا مجنونه.
عامر لاااا دي هبت خالص انا خارج تكوني خلصتي برحتك.
وقرب عامر من باب الشقة واول لما فتح لقى كوكو وميرنا في وشه عااااامر احنا رجعناااا.
عامر رجع ل ورا پصدمة وقال انتوا إيه اللي رجعكم.
ميرنا وكوكو دخلوا الشقة وعامر واقف وآيات دخلت اوضتها بسرعة تلبس اسدال وتغطي شعرها وميرنا وقفت قدام عامر بحماس دي كانت أجمل رحلة اطلعها في حياتي.. شكرا يا عامر.
واتكلم كوكو بحماس ايه رأيك في الأوت فيت بتاعي انا اشتريته من باريس.
آيات خرجت من الغرفة وهي لابسه اسدال الصلاة وميرنا جريت عليها ايااااات وحشتيني. 
وضمتها وآيات كانت مستغربه وابتسمت لها بمجاملة. 
كوكو كان واقف قدام عامر ولسه هيجري علي آيات ويعمل زي ميرنا لكن عامر مسكه من لبسه وقاله انت رايح فين
رد كوكو بصوته الناعم هسلم علي آيات.. انا خلاص بقيت بحبها عشان هي هتجيب لنا بيبي.
عامر بتحب مين اتظبط بدل ما اظبطك انا وبعدين ايه هتجيبلنا بيبي دي انت مالك اصلا!
رد كوكو ايه ده انت مش هتسمي البيبي كوكو!
آيات شهقت پصدمة وعامر اتكلم پغضب بقى أبني انا هيبقى كوكو!! انتوا ايه اللي جابكم هنا
ردت ميرنا اومال انا هروح فين يا عامر!! انت عارف ان بابا اتسجن ومبقاش عندي بيت !
عامر بصلها وكوكو اتكلم بعصبيته الناعمه متقولش اخدها تعيش معايا في بيتي انا زهقت وعايز اعيش في بيتي برحتي.
عامر تعيش في بيتك ازاي لوحدها وهي بنت وانت..!!
سكت عامر وهو بيبصله وقال مش عارف احدد نوعك ايه بس مينفعش تعيش معاك ومينفعش تعيش لوحدها!
اتكلمت آيات بعد تفكير ممكن تعيش في شقة البنات مؤقتا.. هما رجعوا يعيشوا في الشقة عشان الجامعة.
عامر بصلها بتفكير وقال والبنات هيوافقوا
ردت بتردد مش عارفه بس انا ممكن اكلمهم.
وبصت ل ميرنا وقالت المهم ميرنا هتوافق تعيش معاهم.. هما نفس البنات اللي كانوا معايا لما ميرنا خبطتنا بالعربية زمان لو تفتكر!
ميرنا بصت ل عامر بتردد واتكلم كوكو اه هتوافق طبعا المهم متجيش تعيش معايا في بيتي!
اتكلم عامر مع كوكو طب ما تيجي اجوزكم لبعض وخلاص يا كوكو.
كوكو پصدمة جواز ايه!! انا كوكو اتجوز ميرنا الفقيرة بنت عزيز المسجون.
ميرنا صړخت في كوكو كوكو عيب تقول كده.
كوكو سوري يا ميرو بس