مكتوبة على إسمي الحلقة الرابعة الجزء الثاني بقلم ملك إبراهيم
وكمان لبسك واسع مش مبين انك حامل اصلا!!
آيات ضحكت والبنت كملت كلامها وقالت بس الحمل صعب مع الجامعة تفتكري احنا هنقدر نكمل الجامعة بعد الولادة
آيات ان شاء الله نقدر
البنت مدت أيديها وقالتلها احنا لسه متعرفناش انا نادين
آيات وانا آيات
نادين دي اول سنه ليا في الجامعة دي ومعرفش حد هنا خالص آيات احنا ممكن نبقى أصحاب
ردت آيات اه طبعا
نادين ابتسمت وقالتلها مبسوطة اني اتعرفت عليكي يا آيات قوليلي انتي الدكتور بتاعك اسمه ايه اصل انا مش مرتاحة مع الدكتور بتاعي اللي انا متابعة معاه الحمل وبفكر اروح لدكتور تاني
آيات بدأت تتكلم معاها عن الدكتور بتاعها ونادين كانت بتسمعها بتركيز وبعد كلام كتير بينهم قعدوا مع بعض وآيات كانت مرتاحة في الكلام مع نادين جدا واتكلموا في مواضيع كتير ونادين حكتلها ان جوزها مسافر وانها عايشه هنا لوحدها وآيات اتعاطفت معاها وقررت تكون معاها طول الوقت وتساعدها لو احتاجت أي حاجة
رواية مكتوبة على إسمي بقلمي ملك إبراهيم
بعد مرور أسبوع
عامر وآيات راحوا للدكتور اللي آيات بتتابع معاه الحمل
الدكتور شاور ب أيديه علي الشاشه إللي قدامهم وقال بأبتسامة البطل الصغير بتاعنا ظاهر قدامكم اهو شايفينه
آيات بصت على صورة الجنين في الشاشه اللي قدامها وعيونها دمعت وعامر بص عليه وابتسم بسعادة وسأل الدكتور هي الولادة هتكون إمتى يا دكتور
رد الدكتور بأبتسامة هانت يا باشمهندس كلها اربع شهور وابنك يجي للدنيا ان شاء الله بس مدام آيات لازم تهتم ب أكلها شويه وتحاولي ترتاحي لان المايه حوالين الجنين قليله شويه
آيات بقلق يعني في خطړ عليه يا دكتور
الدكتور ان شاء الله مفيش اي خطړ انا هكتبلك علي ادويه تاخديها في مواعيدها
آيات قامت بعد انتهاء الكشف واخدو صور الجنين وعامر كان بيبص للصور وهو بيبتسم بسعادة واشتياق انه يشوف ابنه ويضمه في حضنه
آيات قعدت قدام الدكتور وسألته بفضول في واحدة صاحبتي إسمها نادين كانت عايزة تتابع حملها مع حضرتك يا دكتور هي كانت متابعة الحمل مع دكتور تاني بس بتقول انها مش مرتاحة معاه
رد الدكتور بأبتسامة تمام ممكن تكلم السكرتيرة وتحجز معاها ميعاد
آيات ابتسمت وعامر سألها بدهشة مين نادين
آيات دي زميلتي في الجامعة اللي كانت تعبانه وانا حكتلك عنها
عامر بص ل آيات وهز راسه بالايجاب وشكر الدكتور وخرجوا اول لما خرجوا آيات اتصلت على نادين وقالتلها انها كلمت الدكتور وقالها تكلم السكرتيرة وتحجز ميعاد للكشف
عامر كان مستغرب ان آيات علاقتها بزميلتها دي تطورت بسرعة كده وسألها باستغراب مكنتش اعرف ان علاقتك بزميلتك دي تطورت للدرجة دي!
آيات بأبتسامة نادين بنت كويسه وانا متعاطفه معاها لأنها حامل وجوزها مسافر وعايشه هنا لوحدها
عامر بستغراب وازاي جوزها واهلها سايبنها تعيش لوحدها هنا وهي حامل !
آيات انا معرفش تفاصيل كتير عنها بس هي طيبه اوي وانا حبيتها
عامر باستغراب طب هي اسمها ايه بالكامل
آيات ليه بتسأل اللي اعرفه ان اسمها نادين
عامر عايز اسأل عنها واعرف هي كويسه فعلا ولا لا!
آيات بعناد من غير ما تسأل يا عامر انا بقولك انها بنت كويسه جدا انا متأكدة وبعدين مش كل الناس اللي في الدنيا أشرار عشان تخاف عليا من اي حد يقرب مني الدنيا لسه بخير وفي ناس كتير كويسين
عامر بص ل آيات بعمق وقالها عموما انا هعرف اسمها بطريقتي
آيات پغضب عامر انا مش صغيرة على فكرة عشان تتعامل معايا بالطريقة دي!
عامر آيات انا بحبك ومن حقي اخاڤ عليكي واحميكي وبعدين مفيش حاجة لو انا اطمنت انها بنت كويسه
آيات عامر انت مش ملاحظ ان انت بتخنقني بكل اللي انت بتعمله ده حاطت حرس ورايا بيعدوا عليا النفس إللي بتنفسه أنا حاسه إني متراقبه طول الوقت ومش عارفه أتنفس
عامر احنا اتكلمنا في الموضوع ده آكتر من مره وقولتلك ان الحرس دول لحمايتك
آيات حمايتى من ايه!! مش خلاص كل المشاكل اللي كانت عندك انتهت ومبقاش لك اعداء!
عامر مفيش حد ناجح ملوش اعداء يا آيات
آيات سكتت لانها مش مقتنعه ب كلامه وعامر تعب من كتر ما هو بيحاول يقنعها وهي عنيده ومش عايزة تفهم انه بيعمل كل ده عشان خاېف عليها
آيات بعصبيه عموما انا تعبت وزهقت من موضوع الحرس ده ونفسي اعيش حياة طبيعيه زي كل الناس ومش اي بنت اتعرف عليها واصاحبها تبقى شريره وعايزة تأذيني! لو سمحت يا عامر من فضلك انت لازم تحط حدود للموضوع ده ولو انت عندك اعداء انا معنديش!
عامر بنفاذ صبر وانا ايه وانتي ايه يا ايات!! احنا الاتنين واحد واي حد هيفكر يأذيني انتي اول حد هيفكر يأذيني فيه لانك نقطة ضعفي الأولى يا آيات
آيات بتعب خلاص يا عامر انا تعبت كفايه كلام في الموضوع ده لو سمحت
عامر بص قدامه علي الطريق واتنهد بتعب وفي نفس الوقت خالته ميرفت اتصلت عليه وعامر رد عليها وكان واضح على صوتها القلق عامر حبيبي عامل ايه وآيات عامله ايه طمني عليكم
عامر بقلق احنا الحمدلله بخير صوتك مش طبيعي في حاجة حصلت
ميرفت بتردد ميسرة
عامر بقلق مالها امي
ميرفت مش عارفه اقولك ايه يا عامر بس شكل ميسرة بتحب جديد وانا قلقانه عليها اوي
عامر وقف بالعربيه پصدمة وآيات بصت له بذهول وكتمت ضحكتها بقلمي ملك إبراهيم
يتبع
آيات وميسرة هيجيبوا اجل عامر ويجننوه
عايزة أتكلم معاكم علي التفاعل لأني كنت بتمنى تتفاعلوا معايا وتشجعوني اكتر من كده عشان انشر فصول اكتر ونلحق نخلص الرواية قبل رمضان ياريت اللي يقرأ البارت يتفاعل عليه لاني عايزة اعرف العدد الحقيقي ل متابعين الرواية ضروري
الكاتبة ملك إبراهيم
