مكتوبة على إسمي الحلقة التاسعة الجزء الثاني بقلم ملك إبراهيم

الشقة بتاعي.
اتكلمت ميرنا بغيظ لا مش هعيش معاك وانت اعمل حسابك هتشتغل معايا لان خلاص مبقاش في حد يدينا فلوس تاني ولازم نحافظ على الفلوس اللي معانا وهات الشيكولاته دي انت جايبها عشاني انا.
كوكو بص لها پصدمة وميرنا بصتله پغضب وقالت ومش عايزة اسمع صوتك وسيبني افكر في المشروع اللي هنفتحه.
كوكو بدهشة يعني معقول انا وانتي هنشتغل يا ميرو
ردت ميرنا بغيظ اه هنشتغل وانت هتسمع كلامي بعد كده وتنسى خالص صحابنا دول والسهر والخروجات وكل الحاجات دي تنساها خالص انت فاهم.
رد كوكو خلاص يا ميرو فاهم بس لو أصحابي عزموني علي حسابهم انا هروح معاهم.
ميرنا بصتله بنفاذ صبر واتنهدت بتعب وهي بتفكر في مشروعها الجديد اللي هتقدر بيه تعتمد على نفسها زي ما وعدت عامر. 
قاطع تفكيرها صوت خبط علي باب الغرفه ودخلت ممرضة ومعاها ولد صغير والولد اول لما شاف كوكو شاور عليه وقال ايو هو ده اللي اخد علبة الشيكولاته بتاعي.
كوكو حاول يخفي وشه عن الولد وميرنا اټصدمت وهي بتاكل قطعة الشيكولاتة وبصت ل كوكو وسألته انت سارق الشيكولاتة إللي جاي تزورني بيها يا كوكو!!
رد كوكو عليها لا انا اخدتها من الولد ده وقولتله هدخل ازورك بيها واخرج اديهاله تاني.. انا مش معايا فلوس اشتري شيكولاتة يا ميرو!! يعني ادخل ب أيدي فاضيه وتقولي عليا فقير!
الولد قال بعياط مليش دعوة انا عايز علبة الشيكولاته بتاعي!
رد عليه كوكو ميرو اكلتها خلاص بس متقلقش هي معاها شيك فيه فلوس أخدتها من عامر وهتدفعلك تمن الشيكولاتة الرخيصه بتاعك... 
وبص ل ميرنا وقالها ادفعيله يا ميرو.
ميرنا بصتله پصدمة وبصت للطفل الصغير والممرضه اللي منتظرين ياخدوا منها تمن الشيكولاتة. 
رواية مكتوبة على إسمي بقلمي ملك إبراهيم. 
بعد مرور أسبوع عند آيات في شقة البنات. 
آيات كانت قاعده في الغرفة وقافله على نفسها پتبكي وهي مقهورة من عامر وحزينه على ابنها اللي كانت سبب في مۏته وحياتها اللي ادمرت فجأة وخسړت كل حاجة.. 
بيسان خبطت عليها ودخلت وهي بتبصلها بحزن هتفضلي كده كتير يا آيات 
ردت آيات وهي بتجفف دموعها انا كويسه تعالي يا بيسان.
قعدت بيسان قصادها علي السرير وقالت انا جيت اودعك لاني مسافره بكره.
آيات بصتلها بحزن وقالت هتسافري تاني ليه معقول هتقضي عمرك كله هربانه كده!
ردت بيسان بحزن وهقعد هنا اعمل ايه يا آيات!! انتي عارفه ان انا وامجد مينفعش نكون مع بعض وكمان عشان مامت امجد.
اتكلمت آيات بحزن وڠضب وايه علاقة مامت امجد بوجودك هنا او سفرك!! هي ملهاش حكم عليكي ولو مش عايزة ابنها يرتبط بيكي يبقى تبعد ابنها عنك مش انتي اللي تبعدي عنه وتبعدي عن بلدك وكل الناس اللي بيحبوكي.
بيسان بصتلها وقالت وهقعد هنا اعمل ايه يا آيات!!
آيات بصتلها بتفكير وقالت نفتح شركة صغيرة انا وانتي..انا معايا فلوس الأرض بتاع ابويا اللي بعتها.. ممكن ناخد الفلوس ونفتح شركة صغيرة ونشتغل فيها انا وانتي ونكون شركاء.. انا برأس المال وانتي بالخبرة.
بيسان بصتلها بتفكير وقالت بس الموضوع مش سهل يا آيات عشان نفتح شركة ونشغلها! الموضوع محتاج تفكير وترتيبات كتير.
آيات اتحمست للفكرة واتمنت انها تقدر تحققها وكان هدفها الاول انها تنجح وتثبت ل عامر ان حياتها موقفتش من بعده وانها كملت وقدرت تنجح من غيره لان قلبها كان موجوع منه ونفسها توجعه زي ما ۏجعها ومكانتش قادره تنسى انه سابها في المستشفى وطلقها وهي في أصعب حالتها.. مكانتش تتوقع انه يعاقبها بالقسۏة دي رغم انها عارفه