مكتوبة على إسمي بقلم ملك إبراهيم الحلقة العاشرة الجزء الثاني
في شغلنا المتواضع يا باشمهندس.
مالك ابتسم وآيات قالت بتوتر أكيد دكتور مالك مش هيقتنع برأيي لانه تقريبا مش مقتنع ان انا هكون مهندسة اساسا.
مالك ابتسم وقال مين قال كده..! انا مقتنع انك هتكوني اشطر واحسن مهندسة.
امجد عيونه كانت على بيسان ومش مركز مع كلامهم أبدا وبيفكر جواه انه لازم يتكلم معاها ويحط حد لبعادهم عن بعض إللي مش لاقي له اي تفسير او سبب وخصوصا انه كل مره بيشوف فيها بيسان بيشوف الحب في عيونها لكنه حاسس ان في حاجز بينهم وبيسان طول الوقت بتبعد عيونها عنه.
بيسان كانت واقفه متوتره من نظرات امجد ليها وبتفكر في طريقه تهرب بيها من قدامه.
وهاجر كانت مركزه جدا مع كلام مالك ونظراته ل آيات وحاسه ان في حاجة في قلب مالك اتجاه آيات.
اتكلمت آيات بستغراب وهي بترد على مالك انا اسفه بس دايما بحس ان حضرتك مستقصدني عشان كده قولت ان حضرتك مش هتقتنع برأيي.
رد مالك عليها ممكن فهمتي اهتمامي غلط.. انا بهتم بس بالطلبه اللي بشوفهم هيكون لهم مستقبل كبير.
آيات اتفاجأت من كلامه وبيسان اتوترت اكتر من نظرات امجد وتركيزه معاها وبعدت عنهم بخطوات مرتبكه وكأنها بتتفرج على ديكور الفيلا.. امجد استأذن منهم وراح ورا بيسان ومهندس الديكور طلب من هاجر انها تروح معاه على المطبخ عشان تشوف التعديلات اللي عملها.
آيات ومالك وقفوا لوحدهم ومالك كان بيبص ل آيات وهي متوتره جدا وقالت انا فعلا كنت فاهمة اهتمام حضرتك غلط وكنت فاكره انك مستقصدني.
اتكلم مالك وهو بيبتسم لو هستقصدك هيكون في الخير متقلقيش.. هي العروسة صحبتك متهيألي هي نفس اللي كانت معاكي في الكافيه.
ردت آيات بأبتسامة اه هي.. فرحها قرب واحنا مشغولين معاها الايام دي.
مالك وايه رأيك في ديكور الفيلا
آيات بصت حواليها وقالت بأبتسامة واضح ان الباشمهندس عادل بيحب شغله وعنده ذوق راقي جدا.
اتكلم مالك وهو بيضحك طب بلاش تمدحي فيه اوي كده عشان هيشوف نفسه علينا.
آيات ضحكت هي ومالك وفي نفس الوقت ده كان شريف وصل الفيلا ومعاه عامر ودخلوا الفيلا وكانت آيات واقفه مع مالك وبيضحكوا.
عامر اول لما شاف المشهد ده قدامه اتجمد مكانه وشريف اټصدم لما شاف آيات واقفه تضحك مع شاب ميعرفوش وواقفين لوحدهم وبص علي عامر اللي كان واضح عليه الڠضب الشديد وهو شايف شاب واقف مع آيات وبيبصلها بأعجاب وهي بتضحك بخجل.
في الجانب التاني كان واقف امجد قدام بيسان واتكلم معاها پغضب نفسي اعرف انتي ليه بتهربي مني
ردت بيسان بتوتر انا مش بهرب.
رد امجد پغضب اومال اسميه ايه كل ما اقرب ان علاقتنا تبقى رسميه تهربي!
ردت بيسان بحزن انا بعمل كده لمصلحتك.
امجد بدهشة يعني ايه بتعملي كده ل مصلحتي انتي شايفه ان من مصلحتي اننا منبقاش مع بعض
بيسان بصت له بحزن وقبل ما تتكلم شافت عامر اول لما دخل الفيلا وشاف آيات واقفه مع مالك وقالت ل امجد هو عامر رجع!!
امجد اتفاجئ هو كمان بوجود عامر وشاف نظراته الغاضبه اتجاه آيات ومالك.
آيات وهي بتضحك شافت عامر فجأة قدامها واټصدمت لدرجة انها فكرته خيال مش حقيقه للحظة حست ان قلبها وقف وكل جسمها اتجمد ووشها شحب من شدة الصدمة..
مالك لاحظ ان ملامح وشها اتغيرت فجأة ووشها شحب بشدة .. سألها بقلق آيات انتي كويسه
بصت ل مالك وهي لسه مصډومة وهزت راسها ب لا ومالك قلق عليها اكتر وبعفويه مد أيديه ليها وقالها تعالي اقعدي ارتاحي هنا.
في اللحظة دي
جن جنون عامر وبدون ما يفكر اتحرك بخطوات سريعة يقرب منهم.
امجد وبيسان وشريف كلهم فاقوا من صدمتهم مع خطوات عامر إللي كان واضح عليه الڠضب... بقلمي ملك إبراهيم.
.... يتبع
استر يارب في حريقه هتحصل هنا دلوقتي تفتكروا عامر ممكن يعمل ايه والموقف ده هيعدي بينهم ازاي منتظرة رأيكم في التعليقات ومتنسوش لايك بعد القراءة وتعليقات كتير ارفعوا البوست
