اسكريبت بقلم رحمه حواله
علشان تقدر تصالحك
بص علي الساعه وابتسم
للأسف الدقيقه خلصت وانا مقبلتش اعتذارك
مسكت مريم في ايدي واستعديت إني امشي لكنها سابت ايدي
ماما لازم تعملي اللي هيطلبه لازم تصالحيه
في ثواني ندمت علي التربية الإيجابية قرب مسلم مننا ووطي قدام مريم
انا هصالح ماما بس علي حاجه واحده بس تعملها
ايه هيا يا عمو
ولازم مترفضهاش
ماما مش هترفض يلا قول يا عمو
عايزها تجيبك كل يوم هنا
رفعت حواجبي وبصيت في عينه... نيجي علي طول!
ايوه
خده بعيد بعيدا عن البنت.... آيه اللي اختارته ده المفروض تقول خلاص او اي حاجه مش تستغل الفرصة وتطلب
ابتسم.. عايزة البنت تقول ماما مببتعملش اللي هي بتعلمهولي
ضيقت عيوني واخذت نفس عميق.. تمام اما نشوف اخرتها
ضحك ضحكة استفزتني واحنا بنرجع لمريم
تاني يوم كنا عند البحر معاه بعد ما اصرت علي مريم فرشنا مفرش علي الشط وقعدنا
قوليلي بقي يا مريم
تقولك ايه يا مسلم
سر يا ماما
سر علي ماما يا مريوم
ضحكت مريم وهي بتقوله حاجه في ودانه ابتسم لما همستله وقال بجد يا مريوم ربنا يرحمه.
طلعت فراخ بانيه ومكرونة بشاميل عملاهم ساعدني مسلم وحط الاكل معايا في اطباق
الله تحفه تسلم ايدك
شكرا اجبلك تاني
ياريت.
قرب طبقه من صنية المكرونة بعد ايده لما لمست ايدي بالغلط
بصلي في عيوني قبل ما احطله مكرونة في الطبق.
هتيجوا بكرة!
مش عارفه الحقيقة
متفكريش كتير وتعالي هستناكوا
بعد يومين كنت قاعدة انا مسلم علي الفارشة علي الشط شايفين مريم وهي قاعده جوا المياه
بس ازاي عندك ٢٧ سنة بس
انا اتجوزت وانا عندي عشرين سنه وولدت مريم بعد سنة
وانا عندي ٣٠ الحقيقة ان عمرنا متقاربين جدا وده حاجه كويسه
.بصتله في عينه مباشرة ولسه هسأله عن السبب لكني الټفت لمريم بعد ما صوتت.
جري عليها مسلم پخوف واضح
مالك يا مريم في ايه!
القنديل قرصني يا عمو
شالها و
حطها جمبه وجاب مرهم ودهنه علي ايديها ومسح دموعها
خلاص يا حبيبتي شوية ومعدش هتوجعك
بصيت علي تعامله مع مريم وخوفه عليهاقبل ما افيق من شرودي حضنتها وانا بمسح
