اسكريبت بقلم رحمه حواله

دموعها.
عدا ساعتين واخد مريم في ايدي 
مع السلامة يا بابا
بصيت لمريم باستغراب وخدها من ايدها وروحنا البيت طلعت ليها هدوم وبدأت اغيرلها 
مريوم انت قولتي لعمو مسلم يابابا النهاردة 
اه 
ليه يا حبيبتي 
هو شبه بابا وبيخاف عليا زي ما كان بيعمل
مسحت دموعي اللي نزلت بس هو مش بابا يا حبيبتي 
قالت بدموع بس بابا وحشني 
انا عارفه يا روحي هو وحشني انا كمان بس لازم نرضي بقضاء ربنا. 
حضنتها وكنت بعيط مع عييطها
طب هو احنا هنروح لعمو مسلم تاني
المفروض لا يا مريم وجودنا معاه ده غلط
ليه يا ماما 
علشان هو غريب عننا مينفعش نبقي معاه كده ولازم نوقف ان احنا نروحله
طب ما عمو يتجوزك ومش هيبقي غريب
حطيت ايدي علي شعرها وابتسمت.. الحاجه مش بالسهولة ديه با مريم الكلام ده كبير عليك يلا علشان تنامي.
وفي يوم كنا بنتمشي سوا كنت شيلا مريم علي ايدي
ماما نزليني عايزة اقول حاجه لعمو 
نزلتها وخدت مسلم علي جمب وهمستله بكلام مش مسموع 
بتتوشوا في ايه تاني 
ده سر يا ماما 
طب السر ده ليه علاقه بيا
اه بيكي انت
حطيت ايدي علي راسي بقلق... اوعي يا مريوم تفتحي الموضوع اللي حكيتيلي عنه 
انا قولتله خلاص
لقيت مسلم ضحك وهو بيشيل مريم 
بقي كده يا مريم عايزة ده 
اه يا عمو 
وانا كمان علي فكرة
رفعت حاجبي وبصتله... متاخدش بكلامها هي لسه طفلة 
ابتسم وهو بيمشي معانا من غير كلام 
وليه مناخدش بكلامها البنت بتفكر صح علي فكرة
بصتله من غير كلام كانت مريم نامت علي كتفه وقف عند صخور علي البحر وقعد علي صخرة منها 
كل اللي يشوفنا هيقول علينا عيلة يا مسك انا عايز ده يحصل عايز نبقي عيلة.
بصيت وانا متنحة لكلامه بعدين اتكلمت لما لقيت الكلام طلع علي لساني 
مينفعش مش هينفع 
ليه بقي مش هينفع
ليه عايز تتجوز واحده كانت متجوزة ابدأ مع بنت انت اول واحد في حياتها مش كانت متجوزة ومعاها بنت. 
وايه يعني وعلفكرة انا كنت متجوز وانفصلت 
بجد
مسك تقبلي
تتجوزيني
قالها بدون مقدمات وهو بيبص في عيني رافع حاجبه ومستني الرد اللي عايز يسمعه.
فضلت بصاله وانا متنحه مش قادرة اتكلم ولا عارفه اقول ايه 
مسك تقبلي تتجوزيني
سأل للمرة التانيه لكن المرة دي اتنهدت وانا بخرج الكلام بالعافيه من لساني وانا لسه مترددة
لا مش عارفه يا مسلم.
هتضحكي علي علفكرة عيونك بتقول غير كده 
ابتسمت.. وبتقول ايه بقي عيوني
بتقول ان قلبك اتحرك اول لما شوفتيني زي ما حصل معايا بتقول انها شيفاني عوضها واب لبنتها وبتقول كمان انك حبيتني وانها شايفه الحب في عيون مسلم اللي قدامك وان مسك نصيب مسلم وبس مش ناوية بقي!
قولت وانا بقوم من الصخرة وبرسم قلب علي الرملة
والله صدقت العيون مهما داري القلب موافقه انك تكمل عيلتنا الصغيرة اكيد طبعا...
اسكريبت 
بقلمي رحمه_حواله