زواج لدقائق معدودة الفصل التاسع بقلم زهرة الربيع

نسيت... نسيت ان عينك كانت منها معلش ما انت عارف تكون في بقك وتقسم لغيرك 
ونفض اديه وضحك وسابه ومشي
نوح مسح على وشه پخنقه وتوتر وهو مش عارف يعمل ايه ونادى لنجاتي وقال ....نجاتي انت يا هباب
جه نجاتي جري وقال ...امر جنابك
نوح اخدو على جنب بعيد من حليمه وقال ...خد واحد من الرجاله وروحو ورا سند بيه واعرفو راح على فين بالظبط من غير ما يحس بيكم و اوعو يغيب عن عينكم فهمت
نجاتي قال بسرعه ...امر جنابك ومشي بسرعه
نوح اتنهد وقال...استرها يا رب
ولسه هيطلع على السلم حليمه قالت بخبث... مبروك يا عمده
نوح قال پخنقه.... الله يبارك فيكي يا مرت ابوي 
وطلع على اوضته بسرعه وهو اصلا مش قادر يتناقش معاها
عند شروق كانت في الحمام ماسكه قميص النوم اللي والدتها قالت لها عليه وبتبص له بتوتر لانه كان قصيره مكشوف ومكسوفه جدا تطلع بيه قدام نوح
بس ظهرت ابتسامه جميله على شفايفها لما افتكرت كلام والدتها لما قالت ان نوح عمل اللعبه دي كلها علشان يتجوزها ابتسمت بسعاده شديده وقلبها بيرقص من جواها وبدات تبدل هدومها بسرعه وتلبس الطقم ده قالت لها عليه
نوح طلع الاوضه ولقى باب الحمام مقفول وعرف انها جوه اتنهد پخنقه وقعد على السرير وهو مش عارف ازاي كل ده حصل وخسر كل حاجه فجاه 
خسر اخوه وعمو واحترام الناس وخطيبته وحتى فرح اخوه اللي كان عايز يعملهوله ويفرح بيه اضطر يعمله على حطام قلبه وكل ده كوم وغنوه كوم لوحدها خاېف عليها جدا لحسن سند يأذيها كل حاجه حاسس انها اتطربقت فوق دماغه في يوم وليله بس قطع حبل افكاره خروج شروق من الحمام بص لها بطرف عينه ولسه هيتكلم وقف بزهول شديد وهو بيبص لها پصدمه
شروق قربت منه بهدوء وكانت زي الحوريات تعجب اي حد
نوح اټصدم جدا وحس انه مش من حقه يبص لها اصلا طول عمرها في نظره مرات سند و بس بص بعيد عنها وقال پغضب ..ايه المسخره اللي انت عاملاها دي
شروق اتوترت قوي وقالت بحرج...ايه وحشه ما عجبكش اغيره لو معجبكش فيه غيره كتير
نوح قال پغضب.... ولا هو ولا غيره ...اسمعي يا بت الناس انت عارفه احنا اتجوزنا ليه
شروق قالت بسرعه..... عارفه وما صدقت اني اتجوزتك ما عايزهاش اعرف ايه اللي حصل مهاممنيش اي حاجه انا ممكن انسى اي حاجه عشانك المهم اننا سوا دي امنية حياتي كلها و
بس قطعت كلامها پخوف لما الټفت لها بسرعه وصدمه وقال ....يعني ايه ما همكيش ما همكيش كيف مهمكيش فضيحتك وڤضيحة اهلك ...مهمكيش عمي اللي قاطعني واخوي الي عاداني مهمكيش ۏجع قلبنا كلنا
شروق لسه هتتكلم قال پصدمه اشد....يعني اللي فكرت فيه صوح.. انا كدبت نفسي كتير قولت انتي مستحيل تعمليها