حين تبكى الجدران ١٧ للكاتب عادل عبد الله

ينظر جاسر له بدهشة و ذهول انت عرفت يابا 
دياب بمكر انا كنت بعرف كل حاجة بتحصل في غيابي وانا في السچن وكأني عايش وسطكم بالظبط . 
جاسر يبتسم سيد المعلمين طول عمرك يابا سيد المعلمين كلهم .
دياب انت فاكر لما تقولي كده هرضا عنك !! تبقي غبي ومتعرفش ابوك كويس .
جاسر معلش يابا انا غلطان اعذرني كنت بحب البت .
دياب طيب انت وكنت بتحب البت واتجوزتها من ورايا وبدون رضايا لكن امك تطلق مني وانا في السچن وتتجوز وكمان تجيبه يعيش في بيتي !!! 
جاسر انا وافقت!! خوفنا من كلام الناس .
دياب ده الكلام اللي ضحكوا به عليك يا اهبل !!! امك ما صدقت اني اتسجنت وراحت اتجوزت حبها القديم وضحكوا عليك يا اهبل !!!
جاسر عليا النعمة انا ما وافقت الا علشان سمعتنا وسمعتك يابا .
دياب وسميت ابنك علي اسم حماك بردو علشان سمعتنا !!!!
جاسر يصمت وينظر في الارض ولا يستطيع الرد !!!
دياب بمكر انا مش جاي اقلب في القديم واللي حصل انا عايز اشوف حالي ومش هشغل نفسي باللي حصل 
جاسر بفرح عين العقل يابا .
دياب عايزك تيجي معايا بكره الصبح علشان نلغي التوكيل العام اللي كنت كاتبهولك .
جاسر حاضر يابا بس فيه شوية حاجات كده عملتها علشان الظروف .
دياب قصدك الفلوس اللي القهوة والبيوت اللي كتبتها باسمك 
جاسر پخوف ايوه يابا .
دياب بكره الصبح تيجي معايا ونرجع كل حاجة زي ما كانت .
جاسر حاضر يابا لكن انت ....
دياب انا ايه اتكلم .
جاسر هتنام فين 
دياب طبعا امك وجوزها قاعدين دلوقتي في بيتي !! متخافش يا جاسر علي ابوك انا عندي بدل البيت عشر بيوت هنام في اي بيت منهم .
جاسر انا هبعت حد ينفضلك اكبر واحسن شقة ساعة بالكتير وتلاقيها جاهزالك .
دياب بكره لما نرجع بعد ما نلغي التوكيل فكرني علشان عايز اخد حاجة كنت مخبيها في البيت .
جاسر حاجة ايه يابا 
دياب ملكش فيه !! اللي اقولك عليه تنفذه وانت ساكت .
جاسر حاضر يابا لكن هتطلع البيت ازاي وامي فوق !!
دياب لأ مش هطلع البيت الحاجة انا شايلها في البيت من تحت .
رواية_حين_تبكي_الجدران
ألف_قصة_و_قصة
للكاتب_عادل_عبد_الله
روايات_و_قصص_حقيقية
سلطان_القصص