فلانتيمو ٦ بقلم عادل عبدللله

.
معتز وخالتي عملت معاك ايه 
وهنا يفتح باب الغرفة وتدخل ام تامر ضاحكة خالتك عملتلكم صنية مكرونة بشاميل هتا كلوا صو ابعكم وراها .
تامر ايه يا ماما ده !! خضت ينا !! حد يفتح الباب فجأة كده !
ام تامر وقيها ايه !! فتحت الباب علي ولادي يلا انا هجيبلكم الاكل لحد هنا .
معتز ولازم تاكلي معنا يا خالتي .
ام تامر طبعا يا عيون خالتك .
يجلسون جميعا يتناولون الطعام وتقول ام تامر ايه رأيك يا معتز عايزين نجوز تامر  
تامر يا ماما قولتلك حاضر بس اصبري عليا شوية .
ام تامر لأ مش هصبر اكتر من كده اول ما تقف علي رجلك لازم اخطبلك واجوزك .
معتز صح يا طنط معاكي حق عايزة تجوزيه مين 
ام تامر عايزة اجوزه اختك مليكة 
معتز يقف الطعام في حلقه ثم يضحك لا يا طنط مينفعش .
ام تامر ليه علشان انت وتامر تبقوا ولاد خالة ونسايب .
معتز يا طنط مليكة صغيرة علي تامر اوي دي لسه عندها ١٩ سنة .
تامر ايوه صح يا ماما مليكة صغيرة اوي عليا .
معتز ايه رأيك يا طنط في شيماء بنت خالتي نور اهي دي مناسبة لتيمو اوي عندها ٢٧ سنة والفرق مش كبير بينهم .
ام تامر بصراحة شيماء حلوة لكن انت عارف ان انا وخالتك نور مش بنتفق مع بعض طول عمرنا !!!
معتز المهم ان تامر و شيماء هما اللي يتفقوا مع بعض ويكون بينهم تفاهم انا شايف شيماء اكتر واحدة مناسبة لتيمو .
تامر يا ابني اسكت اطلع منها انت .
ام تامر معاك حق يا معتز انا فعلا هخطبلك شيماء .
تامر يا ماما ا....
ام تامر خلاص مفيش كلام تاني هخطبلك شيماء انا هقوم اعمل الشاي علي ما تخلصوا اكل براحتكم .
تنصرف ام تامر يغضب. تامر ويقول يعني لازم تتسحب من لسانك وتقول نجوزه شيماء اهي مسكت في الكلمة ومش هتسكت الا لما تجوزهالي !!!
معتز وفيها ايه يا ابني شيماء حلوة وبنت حلال ومش غريبة .
تامر يا ابني بعد اللي حكيتلك عليه ده كله وعايزني اتجوز !!!
معتز صوابع ايدك مش زي بعضها وشيماء بنت خالتك نور مش هتلاقي زيها اسمع كلامي .
تامر لا يا عم متشكر مش عايز .
معتز المهم يلا كمل باقي مغامراتك .
تامر بعد ايه !! انا نفسي اتسدت احكي حاجة تاني .
معتز لأ انا مش هسيبك الا لما تكمل باقي مغامراتك خصوصا الاخيرة اللي بسببها حصلك كده !!!