چحيم الغيرة البارت الرابع بقلم اماني سيد

البارت الرابع 
فاقت ابتهال من شرودها على صوت الموبايل كانوا اصدقائها بيرنوا عليها عشان اتاخرت 
ردت عليهم ابتهال بسرعه لقتها فرصه تخرج بيها من زكرياتها 
الو يا منى انا طالعه اهو خلاص وصلت 
تمام بس صاحبه الجيم بتسال عنك 
ليه 
مش عارفه هى مستنياكى 
طيب انا هدخلها الأول و بعدين اطلع أبدا تمرين
وصلت ابتهال الجيم و دخلت على غرفه صاحبه الجيم و سلمت عليها 
اقعدى يا ابتهال عايزاكى فى موضوع مهم 
اتفضلى 
انتى عارفه إن كابتن سماح مشيت صح 
اه للاسف 
أنا كنت عايزاكى تمسكى الجيم بدالها 
أنا 
اه انا بشوفك فى التمرين عندك طاقه و حماس كبير اوى من اول يوم جيتى فيه هنا من سنتين 
يعنى انتى عارفه التمرين بيمشى ازاى و الحركات صح وكمان بشوفك بتساعدى الناس الجديدة انها تعمل التمارين صح و بتشجعيهم فبصراحه مش هلافى احسن منك 
بس يا كابتن انا بشتغل 
وانا مش هعطلك انا عايزاكى اربعه ايام فى الاسبوع من الساعه ٧ للساعه ٩ ها قولتى ايه وهتاخدى مرتب حلو 
و اعتقد ده مش هيأثر على شغلك لان منهم يوم الجمعه والسبت ودول انتى اجازه فيهم 
سكتت ابتهال تفكر في العرض اللى اتقدم لها و لقته فرصه عشان تقعد فتره اطول بره البيت 
تمام يا كابتن انا موافقه 
طيب يلا بقى نطلع نفرحهم 
طلعت ابتهال مع صاحبه الجيم و عرفت البنات إن ابتهال هى اللى هتكمل معاهم و هما فرحوا أوى بيها و هنوها و بدأت فى تدريبهم و بعدها خلصت و وصلت البيت 
دخلت البيت لقت مامتها وفردوس قاعدين بيتفرجوا على التلفزيون تجاهلتهم ودخلت المطبخ لقت مامتها عامله سمك 
دخلت اوضتها و طلبت أكل دلفرى 
بعد فتره بسيطه وصل الاكل وخرجت ابتهال وحاسبت الدلفرى واخدت الاكل منه 
وهى فى طريقها لاوضتها وقفتها امها
هو كل الاكل اللى جوه ده مش مكفيكى وراحه تطلبى دلفرى ده بدل ماتحطى فلوس الاكل اللى بتحبيه من بره ده فى البيت 
أولا انتى معاشك على معاش بابا كبير و مش محتاجه اساعدك 
ثانيا انتى عامله سمك تونه وانا مابكلوش 
ليه يا صغننه مش هتبطلى دلع
لأ عندى حساسيه منه وانتى عارفه كده ومش مشكلتى انك بتنسيه  
طيب المفروض اعمل ايه اكله واڼتحر عشان ابسطك 
انتى ماتعرفيش تتكلمى عدل غورى فى داهيه من قدامى سديتى نفسى
تنهدت ابتهال بملل وسابتها ودخلت اوضتها وهى بتعد الأيام اللى هيعرفوا فيها 
خلصت أكل وخرجت تقعد معاهم عشان تتأكد 
خرجت ابتهال الصاله وراحت قاعدت معاهم وبدأت فى الكلام بشكل عام
ايه يا فردوس مرتاحه فى القاعدة هنا 
أه طبعا 
ماما حبيبتي مريحانى و مش مخليانى أعمل حاجه حتى الولاد هى بتقعد معاهم 
لما القاعده هنا حلوه كده ليه من زمان 
اتكلمت أمها بعصبيه
انتى جايه تقعدى معاها تعصبيها روحى اوضتك