فلانتيمو الحلقة العاشرة بقلم عادل عبد الله
فلانتيمو
للكاتب_عادل_عبد_الله
الحلقة ١٠
ام تامر : يكون في علمك يا تامر قدامك يومين وهرجعلك لازم تراضي مراتك وتدخل عليها وتحسسها انها عروسة والا مش هتكون ابني ولا اعرفك !!!
تنصرف أم تامر ويبقي تامر ساخطا علي ذلك الموقف الذي لم بخطړ بباله يوما !! ولكن في ذات الوقت تذكر موقف شيماء الرائع امام أهلها
نهض واتجه الي غرفة النوم ودق بابها
تامر : شيماء افتحي بعد اذنك
شيماء لم ترد
تامر : انا عارف اني غلطت !! ارجوكي افتحي انا عايز اعتذرلك
شيماء لم ترد
تامر : طيب افتحي هقولك حاجة واقفلي تاني
لا يوجد اي رد
عاد تامر يجر ذيول الخيبة خاصة مع شعوره بتسببه في عدة جراح متتالية لشيماء التي كل جرمها انها وافقت علي الزواج منه !!!
بينما هو يجلس كذلك اذ يسمع دقات جرس الباب فينهض و يفتح الباب ليجد معتز وزوجته امامه !!!
معتز " يحتضنه ضاحكا " : ألف مبروك با تيمو اخيرا دخلت سجنن الزوجية !!!
زوجته " ياسمين " : بقي كده !!! هو الجواز سجنن بردو ؟؟!!
يضحك تامر : معتز بيحب يهزر
تمد يدها ياسمين بصندق هدايا وتعطيه له مبتسمة : الف مبروك يا تامر
تامر : اتفضلوا يا جماعة واقفين ليه ؟؟
يدخل معتز وياسمين وبعد جلوسهم متجاورين امامه
ياسمين : خلي بالك يا ميزو انا مش هعديها لك
معتز " يضحك " : خلاص سوري يا حبيبتي ، قصدي عش الزوجية
ياسمين " تبتسم " : ايوه كده ، اللي يسمع كلامك يفتكر اني معيشاك في سجن !!!
معتز : اصل انتي متعرفيش تيمو !!! تامر مستحيل كنا نتوقع انه بتجوز !!!
ياسمين : ايوه ما انت حكيتلي كتير
معتز : يادي الفضايح !! انت مبتتبلش في بوئك فوله ؟!!! علفكرة جوزك ده كداب وبيزود في الكلام
معتز " ضاحكا " : انا كداب !! تحب احكيلها علي البت
تامر " مقاطعا " : هسسسسس ، خلاص يا ميزو ،ايه انت ما صدقت !!!!
ياسمين : اومال فين شيمو ، دي وحشاني اوي ومعرفتش اسلم عليها في الفرح ؟؟
تامر : حاضر ، هنادهلها ثواني
يقف تامر امام باب غرفة النوم المغلق يتكلم بصوت منخفض
تامر : افتحي يا شيماء معتز ابن خالتي ومراته قاعدين بره علشان يباركولنا
لا يوجد اي رد
تامر : كده هيبقي شكلنا وحش اوي قدامهم !! ارجوكي افتحي
لا يوجد اي رد
يقف تامر حائرا لا يعرف كيف سيتصرف وماذا يقول لمعتز وزوجته !!!
ينفتح الباب وتخرج شيماء غير مبالية بوجوده !!! وتذهب الي معتز وزوجته
بمجرد دخولها ټحتضنها ياسمين مبتسمة : شيمو حبيبتي عسولة يا قمر ، الف مبروك يا روحي
شيماء : الله يبارك فيكي يا قلبي
معتز : الف مبروك يا شوشو
تامر : ما تلم نفسك يا ابني ، ايه شوشو دي !!! اسمها شيماء
معتز : انت ناسي انها بنت خالتي بردو وطول عمري بقولها يا شوشو ؟!!
شيماء : الله يبارك فيك يا ميزو
معتز : شوفت يا عم اخرج منها انت بقي ، انا وبنت خالتي متعودين علي كده
يشعر تامر بحرج شديد !!!
ياسمين " تضحك " : بقولكم ايه ، خليكوا انتوا اقعدوا مع بعض وانا وشيمو هندخل نقعد مع بعض جوه
تدخل شيماء وياسمين الغرفة بينما يبقي تامر ومعتز
معتز : ايه يا عريس طمنا عليك ، رفعت راسنا ولااااا ؟
تامر " بأسي " : انت عارف يا ميزو اني مڠصوب علي الجوازة دي !!
معتز : يعني ايه ؟؟؟
تامر : لااا مفيش حاجة
معتز : اوعي تكون قولت الكلام ده لشيماء ؟؟
تامر : ايوه قولتلها
معتز : يخربيت سنينك !!! ده انت كده بهدلت الدنيا !!!
تامر : يعني كنت عايزني اغشها ؟!!!
معتز : ومقولتش ليه في الخطوبة ؟؟ جاي تقولها كده في الليلة اللي بتستناها كل بنت ؟!!! ده انت جاحد !!!
