فلانتيمو الحلقة العاشرة بقلم عادل عبد الله
تامر : اللي حصل يا معتز ، كان لازم اصارحها بالحقيقة بدل ما اغشها !!
معتز : دي المسکېنة دي عمرها ما هتنسي اللي انت عملته ده ابدا
تامر : مش عارف بقي اللي حصل ، المهم دلوقتي انا حاسس ان الجوازة دي حبل واتلف حوالين رقبتي !!!
معتز : غبببببي !!!
تامر : ليه كده ؟؟
معتز : يعني بدل ما تقول لعروستك كلمتين حلوين وتعيشوا مع بعض اجمل ايام عمركم كسرت بخاطرها وسببتلها پألم عمرها ما هتنساه طول العمر !!!
تامر : اللي حصل بقي ، والنبي يا معتز مش عايز كلام يسمالبدن !!!
معتز : خلاص يا تامر مش هتكلم ، انت كفاية عليك اللي هيحصلك الايام الجاية
في غرفة النوم
تجلس شيماء فتسألها ياسمين " بأبتسامة " : ها ؟ احكيلي بقي
شيماء : احكيلك ايه ؟؟
ياسمين : احكيلي يا شيمو عملتوا ايه البارح ؟؟
شيماء : ايييه !!! لا طبعا
ياسمين " بأبتسامة " : ايه مكسوفة ؟؟ يا بت خلاص انتي اتجوزتي والكسوف خلاص راح ، يلا احكيلي
شيماء : لأ بجد ، عيب !!!
ياسمين : طيب قوليلي قالك ايه وقولتيلة ايه اول لما اتقفل عليكم الباب
شيماء " بخجل " : قالي كلام حلو
ياسمين : ما انا عارفة انه كلام حلو ، قصدي قالك ايه بالظبط ؟؟
شيماء : يووووه ، كلام حلو وخلاص
ياسمين : لأ لازم تقوليلي قالك ايه بالظبط ، اصل انا عارفة تامر ده مقطع السمكة وديلها !! اكيد قالك كلام يدوخ !!!
شيماء : ايوه قالي كلام يدوخ اوي
ياسمين : ايوه ، قالك ايه بقي ؟ احكي يا شيمو
شيماء : قالي قالي قالي انا بحبك اوي ووو ودي اللحظة اللي بستناها من زمان ووووو وانتي اجمل حلم حلمته واتحققلي ثم اڼفجرت في البكاء بحرارة !!!!!!!!!
ياسمين : ايه ده ؟؟ انتي بټعيطي ؟؟؟ بټعيطي ليه يا شيمو ؟!!!!
تستمر شيماء في البكاء بحرارة وتفشل كل محاولات ياسمين لتهدئتها !!!
وبعد مرور عدة دقائق من البكاء المستمر من شيماء تتوقف اخيرا
ياسمين : خلاص بقي اهدي يا شيماء مش كده يا حبيبتي !!! قوليلي اللي حصل وكل حاجة ولها حل با حبيبتي
شيماء : مفيش حاجة
ياسمين : انتي مش بتحبي تامر ؟؟
شيماء : بحبه
ياسمين : اومال ايه اللي حصل ؟؟ قالك حاجة زعلتك ؟!!
تظل شيماء صامته !!!
ياسمين : سكوتك ده كده مش هيعمل حاجة ، بالعكس لو فيه مشكلة هتكبر وتزيد !! اتكلمي ولو فيه اي مشكلة نحاول نحلها من الاول
بعد اقل من ساعة
تخرج ياسمين وشيماء من الغرفة
ياسمين : يلا يا معتز احنا مش هنقعد مع العرسان طول اليوم !! اكيد عايزين يقعد مع بعض شوية
يضحك معتز " بسخرية " : ايوه عندك حق
ياسمين : يلا باي يا شيمو ، سلام يا تامر
تامر : الله يسلمك ، اقعدوا شوية لسه بدري
ياسمين : لأ كده كفاية اوي
ينصرف معتز مع زوجته ياسمين ويبقي تامر جالسا بينما تدخل شيماء الي غرفتها وتغلقها !!!
يفتح تامر هاتفهه ليجد عشرات الرسائل من منال !!! ليرد عليها
تامر : معلش يا منال كان عندي ضيوف
منال : ضيوف ؟؟؟ ولا كنت ، بالراحة شوية علي نفسك علشان صحتك
تامر : لأ مفيش الكلام ده
منال : والعروسة كمان مش هتستحمل كده !!! ولا العروسة طلعت خبرة ؟؟؟
تامر : احترمي نفسك وبطلي قلةادب !!
منال : انا قليلة الادب يا تامر ؟؟ بتشتمني علشانها ؟!!!
تامر : متنسيش انها بنت خالتي !! والكلام اللي بتقوليه ده عيب !!!
منال : اذا كنت بتعمل معايا كده من اول يوم جواز !! هتعمل معايا ايه بعد كده ؟؟؟
تامر : انا معملتش حاجة يا حبيبتي ، انتي كلمتك استفذتني لأنها بنت خالتي مش علشان انها مراتي
منال : انت كداب !! انت كده حطيت نهاية علاقتنا بأيديك
تامر : لأ اوعي تقولي كده
منال : لا لا لا انت لازم تطلقني النهاردة ، مش النهاردة ، انت لازم تطلقني حالا
تامر : اوعي تقولي كده انا مقدرش اعيش من غيرك !!
منال : لأ قدرت ، واتجوزت ، وشتمتني كمان علشانها !!
تامر : طيب خلاص يا حبيبتي انا اسف
منال : لأ مش قابلة اعتذارك كده
تامر : طيب اعمل ايه علشان تقبلي اعتذاري يا روح قلبي ؟؟؟
منال : تعالي اعتذرلي هنا
تامر : اجيلك دلوقتي ؟؟!!!
منال : ايوه ، تعالي دلوقتي تعتذرلي هنا او تطلقني حالا ، قولت ايه ؟؟؟
