چحيم الغيرة
وكمان خليها تروح تخلص ورق المعاش وتاخد معاش ابوها هى اولى بيه والمعاش هيساعدها كتير
بتروح وعماله تلف حوالين نفسها ومش عارفه تعمله
خلاص هعدى عليكم بكره الصبح اخدها اوديها وارجعها تانى
ربنا مايحرمنا منك يا عمران يارب
نظر لها عمها بحنيه
وانتى يا ابتهال عامله ايه
انا بخير يا عمى وكنت جيالك انهارده فى موضوع مهم
خير سامعك
أنا جايلى عريس
بجد طيب حد نعرفه
اه ياسين طليق فردوس
صمت تام حل على المكان الجميع ينظر لبعض هل ما سمعوه حقيقة
انتى قولتى ايه قالتها ابتسام بتوعد
ايه بقول ياسين عايز يتجوزنى على سنه الله ورسوله لا هعمل حاجه حرام ولا غلط
انتى اتجننتى صح دونا عن كل الناس ملاقتيش غير ده
تحدثت فردوس بقهره وغيره
مش جديده عليكى طول عمرك بتاخدى البواقى بتاعتى مبروك عليكى
كادت امها أن تتهجم عليها لكن وقف عمها فى المنتصف
اقعدى يا ابتسام اقعدى محدش يكلمها
ثم أشار لها
تعالى يا ابتهال عايز نتكلم لوحدنا
دخل جبران مع ابتهال غرفه عمران ودخل عمران خلفهم لكن ابتهال رفضت تتكلم فى وجوده وضغط عليه جبران وخرجه
اقعدى يا ابتهال
اتفضل يا عمى
انتى فعلا عايزه تتجوزى ياسين انت شوفتى عمل ايه مع اختك وممكن يعمل معاكى كده
متقلقش انا هعرف أأمن نفسى منه كويس
انتى فعلا عايزاه بتحبيه سؤالي ده مهم بتحبيه يا ابتهال
صمتت ابتهال لا تعلم ماذا تقول
ظل جبران ينظر لها فى صمت فهو كان على يقين أن ذلك اليوم سيأتى اليوم الذى ستقرر فيه ابتهال اخذ حقها منهم جميعا فالضغط يولد الانفجار فهى كانت بالنسبه لاهلها طفل زجاجى كان اهتمامهم الكامل بفردوس وتسبب فى تروما لديهم من أن يعود ذلك المړض اليها مره اخرى فحتى بعد شفائها كانوا دائما يروا أن صحتها ضعيفه فاصبح ذلك وسواس دائم لهم
جعلهم لا يروا ابتهال وخاصه بعدها عندهم لم تكبر أمامهم فاصبحت مشاعر عاطفه الابوين فقط لفردوس واصبحت ابتهال منافس لها ولا يحق لها المطالبه بأى حقوق او التفوق عليها
حاولت زوجته كثيرا التحدث مع ابتسام لكن للأسف دائما ما تجيبها ان المشاعر ليست بيدها وانها كثيرا حاولت لكنها لم تستطع
فاق من شردوه على رد ابتهال
الحب مش كل شئ بس إحنا مناسبين لبعض
طيب لو قولتلك انا مش موافق عشان خاېف عليكى
خاطرك على راسى يا عمى بس ارتباطى من ياسين هيفرق معايا انا مقتنعه بيه وشايفاه مناسب
خلاص يا ابتهال هعملك اللى انتى عايزاه بس انا اللى احدد تاريخ الخطوبه والجواز اتفقنا
اتفقنا
هى مش فارف معاها ارتباط او جواز بس هى عايزه تغذى داخلها احساس الانتصار عليهم
خرجوا من الاوضه وعادوا للجلوس معهم مره اخرى
ها يا جبران كلمتها
أه هى مش
صغيره وعارفه هى عايزه ودى حياتها وهى مش هتعمل حاجه حرام انا هاخد رقم ياسين وهتكلم معاه بنفسى انتوا ليكم راحل المفروض ترجعوله
يعنى ايه عشان ترضيها تقهر اختها
ربنا مايجيب قهر وبعدين فردوس عايشه كويسه معاكى ومش ناقصها حاجه وعمران قالك هيجيبلك حقها
بس انا مش موافقه يا عمى
دى مش حياتك يا فردوس عشان تقررى فيها اظن انتى فهمانى
جذبت فردوس والدتها وغادروا منزل عمها متوعدين لابتهال فبدأت الشكوك تهاجمهم أن ابتهال سبب طلاق فردوس
نظر جبران لابتهال بحنيه
ماتقلقيش انا معاكى واللى انتى عايزاه هيتم
طيب استاذن انا يا عمى
خليكى بايته معانا مش هيسبوكى فى حالك
ماتخفش عليه خاف عليهم منى
يابنتى اسمعى الكلام وباتى معانا انهارده بس
لأ معلش مره تانيه
تركتهم ابتهال لتذهب لمنزلها فهى على يقين انهم منتظرينها حتى يوبخوها ولكن هى مستعده لهم وستكمل ما بدأته
فى منزل جبران كان عمران يتحدث مع والده بعصبيه
ازاى يا بابا توافق بكده كنت امنعها وهى هتسمع كلامك وازاى هى تفكر أصلا تعمل كده فى اختها دى مريضه
ماتشغلش بالك بيها يا عمران ضرورى عايزك تشوفلى دكتور نفسى
ابتهال مش مجنونه وعارفه هى بتعمل ايه
تصدق اللى عملك دكتور ظلمك ابتهال عقلها يوزن بلد بس الماضى مأثر عليها لازم تتخطاه عشان تعرف تكمل حياتها ولو إحنا عاندناها الموضوع هيقلب عكسى ابتهال بدات تفتح الماضى والله اعلم هتعمل ايه وممكن عقلها يوصلها لايه
انا ياسين هعرف اتعامل معاه واثبته بالكلام انما ابتهال ال
لى محتاجة فعلا علاج الاول
ياترى ابتهال هتوافق تروح لدكتور نفسى
وامها واختها هيسكتوا
