جمعتهم الأقدار البارت 21 بقلم فريدة احمد

زين ماسك دعوة الخلع بهدوء بالغ لدرجة ان صاحبه كان بيبصله بقلق من هدوءه مصدرش منه اي رد فعل حتي تعابير وشه 
هتتصرف ازاي يازين 
قالها صاحبه بقلق فهو كان عارف ان هدوءه ده مش استسلام كان عارف ان زين رد فعله هيبقي قوي
فكمل علطول وقال بتفكير.... انا شايف تكلم سيادة اللوا باباها و
بس قاطعه زين لما بصله وسأله بشك ... انت كنت عارف 
ليقول صاحبه بحذر.... هي جات توكلني ارفعلها الدعوة ولما رفضت راحت ل محامي تاني ونفذت اللي في دماغها
كان بيسمع للكلام بهدوء عكس العاصفة اللي في داخله كان متفاجأ من جرأتها مكانش متخيل ان جاتلها الجراءة تعمل كده 
بص لصاحبه وقال ....هي قصدها معرفتش ادخل عليها. اني مش راجل يعني!! 
كان بيقولها وهو مش مصدق ان توصل بيها البجاحة لحد كده 
ليقول صاحبه بسرعة.... انت اكيد عارف هي ليه عملت كده.. هي اكيد عملت كده بس بتردلك اللي عملته فيها وشويه و هتهدي وهترجع عن اللي في دماغها.. وانا ايا كان هخليها تسحب الدعوة قبل ما الصحافة تاخد خبر.. بس ممكن تهدي
بصله و قال وهو بيتوعد لها بداخله علي عملتها..... انا هادي خالص اهو 
وقام وهو بياخد تليفونه ومفاتيحه 
قام عماد وهو بيبصله بقلق وقال... هتعمل ايه 
بس زين مردش عليه فقط اتجه للخارج ليحاول عماد يوقفه
ولكن بدون فايدة
............ 
في شركة مراد 
فتح مراد مكتبه ليتفاجأ ب ليالي واقفة مع موظف في الشركة بيهزرو وبتضحك بطريقة ملفتة
قرب مراد عليهم بهدوء وقال... تحبو اطلب اتنين لمون
سكتو الاتنين بتوتر لما اتفاجأو بيه وليالي حرفيا بقت مړعوپة وبقت متأكدة ان مراد مش هيعدي ليلتها علي خير
فاقت علي صوته وهو بيقول بحدة.... سايبين شغلكو وواقفين تتمسخرو هنا.. شركة دي ولا كباريه
الشاب قال بحرج وخوف .. اسف يامراد بيه.
مراد بحدة... اتفضل علي شغلك 
عن اذنك 
قالها الشاب ومشي بسرعة
ومراد بص لليالي بطريقة تخوف وقال... علي البيت.. استنيني لما اجيلك 
قالت بړعب.... انت فاهم غلط احنا كنا و
بس قاطعها لما قال بحدة.... سمعتي.. علي الشقة 
وبتحذير ... لو روحتي عند امك هاجي اخدك من شعرك.. ترجعي علي الشقة 
بلعت ريقها بړعب وقالت... ح حاضر
.............. 
عند مرام
انتي ازاي عملتي كده.. انتي مش خاېفة!! 
قالتها اخت مرام الكبيرة اللي كانت قاعدة قصادها مش مصدقة اللي اختها عملته 
لترد عليها وتقول ببرود..... لا مش خاېفة 
لتقول اختها .. ما هو لو مش خاېفة تبقي مش مدركة حجم اللي عملتيه.. انتي عارفة انتي عملتي ايه.. طب عارفة زين ممكن يعمل فيكي ايه نتيجة اللي عملتيه ده 
ثم اكملت بسخريه..... دا لو ق تلك علطول من غير ما يعذ بك يبقي كويس
لترد عليها بلامبالاه وتقول... و لا هيقدر يعمل حاجه.. 
بعدين بصتلها وقالت بتعالي.... انتي ناسية انا بنت مين.. ناسية ابوكي يبقي ايه
لتقول اختها بسخرية.... ابوكي اللي