فلانتيمو ١٦ للكاتب عادل عبد الله

ياسمين وهقعد أعمل أيه 
معتز كنتي كملتي قعدتك معانا . 
معتز لأ مفيش حاجة تستاهل أنك تقومي .
ياسمين لأ سيبني أنا مرتاحة كده واسيبكم علي راحتكم أحسن .
عاد معتز الي تامر تاركا هم كبير لها ! 
بعد يومين 
في الطريق ...
منال تلتقي مصادفة بأم تامر !!!
لم تفكر طويلا وأتخذت قرارها سريعا .
أبتسمت لها فصافحتها ..
أم تامر ازيك يامدام منال عامله ايه 
منال الله يسلمك يا ماما طمنيني عليكي انتي عاملة ايه 
أندهشت للحظات من كلمة ماما ولكنها لم تعيرها أهتماما كثيرا الحمد لله اخبار ابنك ايه تامر لسه بيروح يذاكر له ولا بطل يروح لو بطل قوليلي وملكيش دعوة بأي حاجة .
منال لأ طبعا تامر مش مقصر وخصوصا أنه دلوقتي في حكم باباه .
أم تامر بدهشة ممزوجة پغضب باباه !!! الله يرحمه وليه تفولي علي ابني أنه يحصله اللي حصل لأبو ابنك
منال لا يا ماما مش قصدي تامر ربنا يطول في عمره يارب ويملا علينا حياتنا .
تزداد ام تامر تعجب و دهشة أنا مش فاهماكي النهاردة !! أنتي بتتكلمي عن تامر بطريقة غريبة !!!
منال لأ أنا بتكلم جد ابنك تامر مش قالك أننا متجوزين 
أم تامر لأ 
منال أحنا متجوزين من حوالي ست شهور .
أم تامر متجوزين أزاي يا بنتي !! متجوزين من غير ما أعرف ولا حد يعرف !!!
منال أحنا أتجوزنا
أم تامر وأزاي متجوزة تامر و جيتي فرحه وباركتيلي بنفسك !!
منال تامر قالي أن جوازه من شيماء بنت أختك دي رغبتك وهو مش عايز يزعلك علشان كده وافقت وباركت كمان 
أم تامر أنا حاسة أني بحلم !!! أنتي بتتكلمي بجد ولا بتضحكي معايا 
منال يا ماما بتكلم بجد ده أنا كمان حامل في شهرين .
عادت الأم الي المنزل تكاد أرجلها أن تحملها بصعوبة !!
صعدت الي شقة ابنها ودقت بابها ...
شيماء صباح الخير يا طنط تعالي اتفضلي .
أم تامر تامر عندك ولا نزل 
شيماء نزل راح شغله من بدري .
أم تامر طب تعالي ندخل عايزاكي في كلمتين .
دخلت الأم وجلست ثم سألتها عاملة أيه مع جوزك يا شيماء 
شيماء جوزي !! قصدك تامر 
للكاتب عادل عبد الله
أم تامر ايوه أنتي ليكي جوز غيره !!
شيماء تامر جوزي علي الورق بس يا طنط وأكيد أنتي عارفة .
أم تامر لأ معرفش يعني ايه علي الورق بس 
شيماء لأ أنا وتامر كل حد فينا في حاله 
أم تامر ليه كده 
شيماء هو قالي مڠصوب علي الجوازة دي واتفقنا نطلق بعد فترة علشان كلام الناس .
أم تامر وأنتي عايزة تطلقي منه أنتي مش بتحبيه 
شيماء الصراحة أنا حبيته لكن كرامتي يا طنط !!
أم تامر بلاش هبل !! مفيش كرامة بين الرجل ومراته .
شيماء أزاي يا طنط يعني بعد ما كسر فرحتي
أم تامر أيوه لازم تنسي كل ده وتحافظي علي بيتك .
شيماء بيتي !! أنا لحد دلوقتي مش حاسة أنه بيتي !!!
أم تامر لما يكون جوازكم حقيقي وتنسي كل اللي فات وتبدئي معاه صفحة جديدة هتحسي أنه بيتك .
شيماء أنتي شايفة كده يا طنط 
أم تامر أيوه طبعا هو ده الصح