بنات الحارة ١٧بقلم نسرين بلعجيلي

محتاجاكم ضروري اللي فاضية تيجي.
بعد ساعة كل بنت وصلت لوحدها.
نورهان جت وهي لابسة بيچامة زينب كانت لسه راجعه من الشغل صفاء جاية ووشها قلقان رحاب كالعادة جاية تشوف فين الڼار.
دخلوا الشقه كإنهم متفقين يوصلوا في نفس الوقت. أسماء وقفت قدامهم وقالت 
أسماء أنا محتاجة تساعدوني. مش بكلام ولا دموع أنا محتاجة نتحرك.
نورهان خير! في إيه خضتينا.
أسماء أختي حنان محتجزة ممنوعة من الزيارة وتليفونها مش في إيدها واللي حطاها في الوضع ده ست إسمها فتنةحماتها.
صفاء محتجزة تقصدي إيه
أسماء مش حابة أقول سجن بس اللي شفته بعنيا چحيم.
رحاب بصوت ساخر وإنت ناوية تعملي إيه نروح نكسر الباب وناخذها
أسماء بصوت ثابت لو لزم الأمر آه. بس قبله عايزة أفهم القانون بيقول إيه.
زينب أسامة ممكن يفيدك هو محامي وممكن يدلك.
أسماء عايزة أقابله.
رحاب قعدت على الكنبة وابتدت تضحك.
نورهان بتضحكي ليه
رحاب باضحك علشان كلام الهبل اللي سمعته. المصېبة طالعة من واحدة هتبقى محامية. يا هانم أختك متجوزة يعني تحت حماية جوزها ودي حماتها.
أسماء أختي إتجوزت ڠصب عنها وهربت وأبويا رجعها. أو الله أعلم إيه اللي حصل. بس أنا لازم أنقذ أختي.
وابتدت ټعيط...
صفاء قامت حضنتها.
صفاء يا حبيبة قلبي إهدي كده واحكي لنا إيه اللي حصل.
أسماء إبتدت تحكي لهم كل حاجة.
زينب يا ساتر يا رب! فتنة دي عاملة زي صفية بس الفرق إنها مستقوية بالفلوس.
نورهان لا حول ولا قوة إلا بالله العلي العظيم.
رحاب إسمعيني يا أسماء عارفة إن كلامي مش هييجي على هواك
بس هي دي الحقيقة. كلام أبوك صح. وأختك حنان لازم تبقى ذكية وتستغل طاقة القدر اللي اتفتحت ليها.
أسماء نعم! طاقة القدر!
رحاب أيوه. أختك اتجوزت حد بيحبها وفرضها على أمه وأبوه وكمان غني عايزة إيه أكثر من كده
عارفة الراجل لما بيحب بجد بيكون عايز يشوف حبيبته سعيدة. جوز أختك غني وجواز أختك جاب الخير عليكم. أبوك بقى من أصحاب الفدادين وغيرتوا بيتكم ومعاكم فلوس. فيها إيه لو أختك ضحت شوية علشان إنتوا تعيشوا!
أسماء مسحت دموعها بسرعة وبصت لرحاب بنظرة حادة.
أسماء يعني إيه ضحت شوية هي الكرامة دلوقتي بقت رفاهية أختي كانت بتبعثلي مسچات تقوللي أنا مش قادرة أتنفس تخيلي. مش قادرة تتنفس!
رحاب بتتأفف يعني نعمل إيه نهد الدنيا
أسماء بنبرة ڠضب هادي آه لو الدنيا هي اللي خنقت أختي أنا ههدها.
زينب بتحاول تهدي يا بنات كفاية أسماء مش طالبة مننا لا رأي ولا شفقة هي عايزة تقف وإحنا يا نقف معاها يا نقعد نسقف للي بيكسرنا.
صفاء أنا معاها. واللي هيتكلم في سكة تانية أحسن له يسكت.
رحاب بصوت واطي أنا ماكانش قصدي بس أهو قلت اللي عندي.
أسماء وإنت حرة بس أنا مش هرجع أختي لبيت ما فيهوش نفس.
أنا هكلم أسامة وأشوف أبدأ منين.
نورهان بقلق طب لو الموضوع دخل في