مأساة بقلم دنيا فوزي

يسترك متخلنيش أندم إني حكيتلك. 
_ أبدا والله أنا بجد عايز أساعدك. 
أبعد عني دي أكبر خدمة ممكن تقدمهالي. 
_ قلبي مش ملكي يا إسمك إيه أنت. 
إيه 
_ إيه! 
متخاطرش بمشاعرك صدقني أنا مش الشخص اللي تأمنله على مشاعرك.
_ وأنا صغير لما كنا نلعب استغماية كنت أحب أدور ف الأماكن المستحيلة وأسيب الأماكن المباشرة. 
ودا إيه علاقته 
_ إني هفضل أدور على نفسي جواكي لحد ما الاقيني. 
لا متقولش هتبقى هزيمة جديدة! 
_ مش ممكن اليأس اللي متملك منك دا!!!!
دا مش يأس دي تروما. 
_ عندي ليكي علاج هايل. 
أيدي على كتفك. 
_ بس أنا مش عايز أيدك أنت أنا عايز أيد أبوكي في أيدي والمأذون تالتنا.
دمك خفيف يا إسمك إيه. 
_ برضو! براحتك بقا بس هجيبك برضو. 
ربنا يعينك على ما بلاك. 
_ لو بلوتي أنت ف أنا راضي بيها لأقصى درجة.
أنت إيه حكايتك 
_ مليش حكاية بس أتمنى أبدأها معاك. 
ياربي مش طبيعي!! أنت دايما ردودك جاهزة كده! 
_ والله ولا محضر لأي حاجة الفكرة بس إن الكلام بيتقال من القلب. 
قلبك صعبان عليا يدخله حد زيي.
_ خليك في قلبك لو سمحتي أنا أدرى بمين يدخل قلبي.
غلبان أوي. 
_ والله أنت اللي مش قادرة تفهمي إن مش كل الناس زي بعض.
صح كل الناس مؤلمة بصور مختلفة. 
_ دا حقيقي بس بيختلف من شخص للتاني. 
يعني إيه
_ يعني في ناس پتألم وترجع تداوي علطول وفي ناس پتألم وتسيب العلامة لحد ما تبقى أثر غير قابل للمداواة. 
في الأخر إسمه ألم. 
_ هرجع وأقولك إن في ناس بتداوي مفيش حد مثالي طبيعي يحصل طاتش بيني وبينك المسئلة مسئلة إن رغم اللي بينا إلا إننا نخاف على مشاعر بعض ونراعيها ومنعايرش بعض بلحظات ضعف اعترفنا بيها وأظهرناها إني أجي أعتذر لو غلطان بجد وإن الطرف التاني ميستغلش دا ويعتبره ضعف إننا نتعلم نعدي لبعض عشان مركبنا تمشي متغرقش. 
مش عايزة أبقى ضعيفة ببقى كائن سخيف وأنا بظهر ضعفي ببقى نسخة باهته من شخصية مرحة. 
_ أنا راضي وزي ما قولتلك لا مجال للمعايرة.
هحتاج أطمن كل 10 دقايق إني لسه مرغوب فيا. 
_كل 5 دقايق لو تحبي. 
مش عايزة أتساب لأفكاري ودماغي. 
_ هحشر نفسي معاهم ويا أنا يا هم. 
ممكن هرموناتي تطلب نكد وأفضل أحكي كتير عن حاجات زعلتني. 
_ هسمعك ونشوفلها حل سوا. 
هتدخل في كل تفصيله في حياتك وهبقى عايزاك تشاركني