مأساة بقلم دنيا فوزي

أدق تفاصيلك وهخليني في حالك. 
_ أنت بالذات ياريت تخليك في حالي وبالنسبة بالمشاركه ف دي لعبتي متقلقيش هقرفك بيها. 
أحب إن معاملتك دي متبقاش بدايات بس. 
_ عيوني بس برضو نراعي إن هيبقى في شغل أغلب الأوقات وممكن أنشغل سيكا. 
لو على قد شغلك معنديش أدنى مشكلة. 
_ كده أقدر أخد فرصة 
هتبقى قدها 
_ قدها وقدود. 
أرجوك مش عايزة خسارة جديدة. 
_ أتمنى أغير فكرتك عن الناس والحياة عموما. 
يكفي إنك تثبتلي إنك قد ثقتي مش محتاجة منك أعمال بطولية. 
_ دخولي حياتك في حد ذاته بطولة أتمنى أفوز بيها والكاس يبقى جملة واحدة بارك الله لكما وبارك عليكما وجمع بينكما في خير 
ياسمين أنت قاعدة بتعملي إيه هنا!!!!!!! 
_ أنت...أنت إزاي تقطعي علينا قعدتنا كده!! 
قعدتكوا!!!!! 
_ معلش يا إسمك إيه أنت دي رانيا قطاعة أرزاق ولحظات سعيدة. 
بتكلمي مين!!! أنت رجعتي تخرفي تاني يا ياسمين.
جاوبت بهلع زي اللي خد جلسة كهربا فجأة والحياة الوردي بقت عتمة سودة لا لا أنا خفيت خفيت والله سبيني....سيبوني كلكوا مش عايزة أتكهرب تاني كفاية.
مسكت إيديها وأنا بقول برجاء ودموعي عامية الرؤية خليهم يسيبوني وأنا والله مش هكلم حد تاني هسكت هسكت خالص وهعمل نفسي مش شيفاهم بس بلاش يكهربوني.
قالتلي بنوع من المواساة لازم عشان تخفي يا ياسمين دا علاجك صدقيني هتاخدي مهدأ قبلها مش هتحسي بحاجة أنا هقولهم يعملوا كده.
_ هم...هم اللي لازم يتكهربوا هم اللي عملوا فيا كده...هم اللي وصلوني للحالة دي أنا...أنا كنت كويسة يا رانيا كنت..كنت جميلة...جميلة أوي والله..مكنتش كده..مكنتش باهته وبشعة أوي كده.
نهيت جملتي بعياط وشفقة على حالي وللي وصلتله بسبب تجارب فاشلة مقابلها كان غالي...غالي أوي...كان صحتي ومشاعري وحياتي ومستقبلي كله.
أخدوني ڠصب وأنا پصرخ بجملة واحدة هم السبب...هم السبب.
في إيه يا رانيا إيه حوار البنت دي 
_ دي حالة صعبانة عليا أوي يا رنا دخلت هنا من 6 شهور كانت بتتعالج عند ثيرابي بس حالتها تدهورت لدرجة إنها بتخلق لنفسها خيال وبتعيش جواه بتاخد جلسات كهربا عشان تفوق وتقدر تعيش على أرض الواقع من أول وجديد. 
الناس في المصحة هنا ضحاېا ناس تانية ويعالم مين برا الضحېة الجديدة!
يخلق المرء عالم من الأوهام لنفسه عله يجد به ما حرم منه بواقع قاس لم يرحم أحد
دنيا_سعيد_فوزي 
مأساة