چحيم الغيرة ١٦ ل أماني سيد
فعلا خلى جدار الصمت ده يتكسر... كان عمران.
جبران ارتبك
عمران!
هو فعلا راح أنا كنت لسه هكلمك.
أيوه جه بنفسه وكان مصر يشوفها...
ورغم إن القواعد بتمنع كده
لكن تحت ضغطه وافقت... بس بشروط.
وشافها
أيوه شافها...
وهي في الأول كانت باردة جدا ما قالتش حاجة حتى ملامحها ما اتغيرتش.
لكن لما خرج
بدأت تبكي... وبدأت تتكلم.
جبران بصوت مندهش
يعني هو اللي فتح الباب!
أيوه... إلحاحه ووجوده خلاها تحس إن فيه حد في ضهرها
وإنها مش لوحدها في العالم ده.
والله يا دكتورة عمران عمره ما كرهها...
بس الدنيا لفت بيه وغلط وزي ما بيقولوا
اللي بيحب مش دايما بيعرف يحب صح.
فعلا بس كفاية إنها حست بالأمان...
وإحنا هنا هنكمل على ده.
طيب لو هي ارتاحتله...
هل ينفع يزورها تاني
مش دلوقتي بس لما نبدأ أول جلسات جماعية وتكون ثابتة نفسيا ممكن نفكر.
دلوقتي وجوده كان دفعة... لكن التكرار ممكن يفتح چروح أكتر.
جبران قال بنبرة ممتنة
شكرا ليكي يا دكتورة بجد شكرا.
ابتهال تستاهل كتير...
ولازم ترجع أقوى مش علشان حد...
علشان نفسها.
فى منزل ابتسام كانت تجلس فى الصالون وامامها فردوس
بدأت ابتسام تتحدث معها بعتاب
ليه كده يا فردوس ايه اللى خلاكى تتصلى بياسين وتقوليلوا وضع ابتهال
مش خطيبها ومن حقه يطمن عليها ويوقف جمبها
لأ مش من حقه المفروض كنتى ترجعيلى الأول قبل ما تعملى كده
صمتت قليلا واكملت حديثها
فردوس انتى فعلا ده اللى كان فى نيتك
مش عشان تقوليله إن اللى فضلها عليكى طلعت ..
لم تكمل حديثها ففى الاخير ابتهال ابنتها وفردوس ابنتها
ماكا انتى قصدك ايه
ولا حاجه انا داخله ارتاح حاسه انى تعبانه
تركتها ابتسام مسرعه قبل أن تتحدث معها او توقفها
وقررت أن تتصل بوفاء
وبالفعل اتصلت بها
وكانت وفاء تنتظر تلك المكالمه
ازيك يا دكتوره
أهلا بحضرتك يا مدام ابتسام
ابتهال عامله ايه
يعنى لسه شويه
ينفع نزورها
حاليا مستحيل
ورفضت ان تبلغها بزياره عمران فهى لا تثق بها ولا تثق فى حبها لابتهال
دكتوره كان فى حاجة حصلت وعايزه اقولك عليها
اتفضلى
فردوس اتصلت بياسين وقالتله حاله ابتهال بس بشكل صعب قالتله انها اتحجزت فى مستشفى المجانين
كان متوقع من فردوس انها تعمل كده
وانتى عملتى ايه معاها د
ولا حاجه
وفاء قالت بعد صمت قصير
مدام ابتسام...
أنا عارفة إن اللي حصل كان صعب
بس رد فعلك مهم جدا دلوقتي.
أعمل إيه يا دكتورة
أنا فعلا ماعرفتش أتصرف... وكنت مصډومة.
عارفة...
بس لازم تتكلمي مع فردوس
وتوصليلها إن اللي حصل ماكانش تصرف بسيط
وإنه لو أختها عرفت ۏجعها هيزيد وقت هي أضعف ما تكون.
أنا خاېفة أفتح الموضوع يحصل مشكلة.
مش لازم يكون مواجهة عڼيفة...
بس لازم توصل رسالة إنكم بقيتوا شايفين اللي بيحصل
وإن السكوت مش دايما حل.
سكتت ابتسام لحظة
ثم قالت بصوت أهدى
هو حضرتك شايفة إن فردوس عملت كده
بقصد الأڈى
وفاء تنهدت بهدوء
بصراحة
أنا شايفة إن في حاجات جوا فردوس لسه متقريتش
وفي دوافع يمكن هي نفسها مش مدركة تأثيرها.
بس في كل الأحوال اللي حصل غلط.
ولما الغلط ما يتصلحش بيكبر جواه صاحبه.
طيب... ينفع حضرتك تشوفيها
وتفهمي منها أنا حاسة إني مش قادرة.
لما تبقى مستعدة... ممكن أقعد معاها
بس دلوقتي خلينا نركز على ابتهال.
هي محتاجة تحس إن في حد بيحميها ولو من بعيد.
إن شاء الله...
وفاء ابتسمت بخفة وقالت
وكل حاجة هتيجي خطوة خطوة...
أهم حاجة إنك بدأتي تشوفي الحقيقة.
