هيبة الكبير ١٦ملك ابراهيم

يحي الله يرحمه الا قلبتهالنا محزنه هنا
اتكلمت والدة رقيه بداخلها...
والدة رقيه لو عرفت بنتك وافقة على الجواز ليه هتعرف انها كانت بتفكر في نفسها مش تكبر جدها ولا حاجه 
اتكلم الحاج توفيق مع والدة رقيه...
الحاج توفيق انا بقول نروح نطمن عليهم النهارده ..ايه رأيك يا ام رقيه
ردت والدة رقيه بلهفه...
والدة رقيه ياريت يا عمي والنبي البنات واحشني اوي
اتكلم سعفان باعتراض....
سعفان وانت هتروح بنفسك يا ابويا دار الا ابنهم قتل ابنك
رد الحاج توفيق على ابنه....
الحاج توفيق يعني بنتك عايشه وسطهم وبرضه الا في دماغك في دماغك يا سعفان.. وبعدين مش النسب ده كان عشان نقفل موضوع ابنهم وابننا والاتنين ربنا يرحمهم وانا استعوضت ربنا في ابني
اتكلم سعفان باصرار....
سعفان برضه يا ابويا مهما حصل انت مترحش لحد عندهم والبنات يجو يقعدوا عندنا هنا يومين نشبع منهم ويرجعولهم تاني
نظر الحاج توفيق لابنه بقلة حيله ونظر لزوجة ابنه واتكلمت والدة رقيه بلهفه...
والدة رقيه ياريت يا عمي يوافقوا يقعدوا معانا يومين يعملوا حس للدار من تاني
اتكلم الحاج توفيق بهدوء....
الحاج توفيق البنات ميصحش يباتوا بعيد عن فرشت اجوازهم ..لو عيزينهم يجو هنا يبقى يقضوا النهار معانا والليل يرجعوا لجوازهم تاني ..هي دي الاصول
ردت والدة رقيه بتأكيد....
والدة رقيه عندك حق يا عمي
اتكلم سعفان وهو بيقف من مكانه...
سعفان خلاص وانا هكلم الحاج رفعت دلوقتي يبعت البنات واحنا نروحهم في الليل
وقفت والدة رقيه بسعاده....
والدة رقيه وانا هقوم اعملهم كل الاكل الا بيحبوه
ابتسم الحاج توفيق ووقف معهم واتجه الي غرفته ليرتاح قليل وينتظر مجيئ البنات
رواية هيبة الكبير بقلمي ملك إبراهيم
في منزل عائلة الشرقاوي...
في غرفة قاسم وزهرة...
وقف قاسم في شرفة غرفته وهو يتحدث بالهاتف مع صديق له ضابط شرطه ويطلب منه المساعده في ايجاد كامل
وقفت زهرة بداخل الغرفه امام المرآه وهي ترتدي حجابها ويوصل لمسمعها صوته القوى وهو يتحدث
اتكلم قاسم في الهاتف بتأكيد...
قاسم احنا بحثنا عنه يا امجد في كل مكان ممكن يكون راحه وعند كل قرايبنا واصدقائه يعني مسبناش مكان غير ما بحثنا فيه ..حتى تليفونه مش قادرين نوصله عن طريقه ومقدمناش دلوقتي غير اننا نحاول نوصله عن طريق نمرة عربيته
رد امجد كويس ..احنا فعلا نقدر نوصله عن طريق نمرة عربيته.. متقلقش يا قاسم انا هبلغ عن نمرة العربيه وهبحث عنها في كل البلاد الا حواليكم وفي كل المحافظات
اتكلم قاسم بتأكيد وانا برضه هبحث عنه في كل مكان والا يوصل لحاجه يبلغ التاني
رد امجد اكيد ياقاسم وان شاء الله هنلاقيه متقلقش
اتكلم قاسم من قلبه...
قاسم يارب يا امجد انا نفسي بس اطمن عليه
رد امجد متقلقش ان شاءالله خير
قاسم يارب.. انا متشكر يا امجد على مساعدتك
امجد متقولش كدا يا قاسم احنا اكتر من الاخوات وان شاءالله نطمن عليه قريب
قاسم ان شاءالله
اغلق قاسم