چحيم الغيرة بقلم أماني السيد

غدا 
دخل عمران مسرعا لابتهال فهو يريد أن يراها 
وجدها جالسه شارده امامها 
جلس عمران على المقعد الذى بجوارها 
ازيك يا ابتهال وحشتينى اوى 
الحمد لله انا كويسه وهخرج بكره 
وحشتينى اوى اوى اوى وانا موحشتكيش
بصراحه لأ 
ايه الكبسه دى ... بس انا عارفه انك كدابه وانى وحشتك 
مش هتبطل غرور وبعدين يا عمران انت ابن عمى بس ياريت نتعامل من المنطلق ده 
بلاش بقى كلامك ده 
انا وافقت انى اقابلك عشان عمى بس غير كده لأ
سكت عمران لحظة وبص لها بعيونه اللي دايما كانت بتفضحه أكتر من كلامه.
ابن عمك
ماشي بس ابن عمك اللي كل يوم كان بيجيلك هنا ومش بيقدر ينام غير لما يعرف إنك بخير.
ما ردتش بس عضت شفايفها وهي بتحاول تمسك نفسها.
وابن عمك ده...
اتعلم من غلطاته
وعارف إن اللي بينكم مايتبنيش على لحظة ضعف
لكن على احترام وصدق وده اللي أنا جايلك بيهم دلوقتي.
نظرت له اخيرا بنظرة فيها شجن وتحدي
أنا مش البنت اللي كنت تعرفها يا عمران.
قرب شوية وقال بصوت واطي
وأنا كمان مش نفس الشخص...
بس لو هنبقى إحنا من جديد
لازم نبدأ من جديد
مش كابن عم وابنة عم
ولا كحبيبين مكسورين
لكن كاتنين... اختاروا يكملوا الرحلة سوا بإيدهم مش بظروفهم.
ابتهال انا غلط زمان بس كان ڠصب عنى 
مش هبررلك أى حاجة عملتها 
بس ملخص الماضى 
انى لو كنت سبت مكانى يوم ورجعت كنت هلاقى مېت واحد واخدينه 
وقتها كان هيبقى عليا ديون كانت ممكن تسجنى انا كنت واخد قروض واقساط بأسمى وباسم بابا 
غير صاحبى اللى مشاركنى 
كنا ماسكين فى شغلنا بإدينا وسننا وكنا بنشتغل بدل الشغلانه اتنين وتلاته عشان نخلص من الاقساط اللى علينا 
لما كنت ببنى نفسى كنت شايفك معايا مستنيانى 
كنت بقول ده مستقبلنا ولما احكيلك اكيد هتعذرينى
يمكن غلط .... لا اكيد غلط أنى سبتك لواحدك 
بس ماكنش ينفع ارجع وقتها كنت هخسرك وانا مقضى عمرى فى السچن 
بس المره دى صدقينى انا مستعد احارب عشانك واستناكى تاخدى كل الوقت اللى انتى عايزاه بس
وانتى جمبى تحت عينى 
خلاص فاضل اسبوع والمركز الطبى هيتفح 
وعايزك تكونى جمبى وتشوفى نجاحى ونجاحك 
تشوفى الحلم اللى كنت بوصله وانتى كنتى معايا وشاغله تفكيرى 
لو عايزه تبعدى مش هتعرفى وأنا مش هسمحلك أصلا إنك تبعدى 
هتحبسنى ولا هتخطفنى 
انا حابس حبك جوايا من سنين 
ولو على الخطڤ انا مچنون وهعملها 
صمتت ابتهال مبتسمه على طريقه حديثه الجديدة عليها 
سيبها بظروفها يا عمران انا عندى اخطاء محتاجه تصحيح عشان اقدر افكر فى ارتباط تانى 
هستناكى حتى لو هقعد عمرى كله من غير جواز 
بس الله يرضى عليكى فكرى بسرعه لحسن خلاص بقيت عانس 
امال خطيبتك فين 
مش خاطب انا قولت كده لماما عشان ارتاح من ضغطها عليه فى موضوع الجواز كل شويه تجبلى عروسه لحد مازهقت فقولتلها انى خاطب 
ولما تعرف الحقيقة 
هتكونى انتى عروستى ووقتها مش هتقول حاجه.
واثق اوى انى هرجعلك 
عارفه ليه انا واثق لانى هسعدك وهكون عايش بس