چحيم الغيرة ١٨ أمانى سيد

مكنتيش هتعرفى تجبيه منه لو عملتى ايه
لكن فردوس ابتسمت ابتسامة مزيفة وقالت
لا عيب ولا حاجة أنا بس مش بستغرب!
يعني بعد ما أخدتي جوزى وضيعتيني
دلوقتي بترجعيلك للفلوس كأنك انتى اللي اتظلمتي
ابتهال بصتلها بهدوء وقالت بنبرة صافية
أنا ما أخدتش حد ماتضحكيش على نفسك
وإنتي اللي ما كنتيش شايفة الحقيقة.
انا مش برجعلك الفلوس دى عشان خاطرك انا برجعهملك عشان ولادك تخطيهم شهاده باسمهم
وتحاولى تشتغلى وتصرفى على نفسك وعليهم وتزودى الفلوس دى
يمكن تلاقى محامى يعرف يجبلك نفقه من ياسين
سكتت فردوس
لكن الغيظ كان واضح في كل ملامحها
ما بين كرامتها المچروحة وفلوس في إيدها مش قادرة ترفضها
وإحساس انها كانت أقل من أنها تخلى جوزها يحبها
ساد الصمت للحظات.
ابتهال كانت على وشك إنها تقوم وتدخل أوضتها
لكن صوت فردوس وقفها
على فكرة
إنتي مش أحسن من ياسين.
توقفت ابتهال التفتت لها ببطء.
فردوس كانت ماسكة الحقيبة في حجرها
لكن نظرتها كلها مرارة ولسانها بدأ يقطع
انتى فاكره كده بترضى حالك بعد ما خلصتي لعب بيه وخربتى بيتى وشردتى عيالى
جايه تردي الفلوس كأنك بطلة
فاكرة إن ده يخليكي أنضف
إنتي أكتر واحدة ۏسخة شفتها في حياتي.
ابتسام شهقت بصوت مكتوم
فردوس!! إيه اللي بتقوليه!
لكن فردوس كملت كأنها ما سمعتش حد
ما صدقت إنك لقيتي حد يعوضك عن سنين إحساسك إنك أقل مني.
وأول ما جالك رحتيله كأنك بټنتقمي مش بتحبي.
بس انتي عمرك ما هتعرفي تحبي.
لأن اللي اتحرم من الحنان طول عمره
بيبقى قلبه ناشف.
ابتهال ما تحركتش.
مفيش دمعة واحدة نزلت.
بس نظرتها كانت صاډمة نظرة واحدة قالت لفردوس
أنا فوقت وإنتي لسه.
قالت بهدوء
قولتي كل اللي عندك
فردوس بصت لها بغل وقالت وهي بتغرز الكلام
لسه
أكتر حاجة بحمد ربنا عليها إني ما بقيتش زيك.
رحت مستشفى أمراض نفسية
ولا وصلت للمرحلة دي ولا هوصل.
سكتت وابتسمت بتشفي
عارفة ليه
عشان أنا مش ضعيفة زيك.
سادت لحظة صمت
ثم ردت ابتهال بصوت هادي نقي لكن جارح
الفرق بيني وبينك
إني لما وقعت قومت نفسي.
وإنتي لسه بتسندي غرورك على مبرراتك القديمة.
كان الصمت في الغرفة قاټل.
كلام فردوس الأخير وقع كصڤعة مش بس على وش ابتهال
بل على وش ابتسام نفسها.
ظلت تنظر لابتهال
لبنتها اللي اتقال عليها ۏسخة ضعيفة منعدمة الحب
لكنها ما ردتش ما انفعلتش ما بكتش
وقفت بثبات
ابتسام قامت فجأة.
اقتربت من فردوس
نظرت لها نظرة لا تحمل الڠضب
بل شيء أشد
خيبة أمل.
قالت بصوت خاڤت لكنه مكسور
أنا ربيتك إزاي يا فردوس
ده يبقى كلام يتقال لأختك
ده يبقى أسلوب واحدة كبيرة عندها بيت وعيال
فردوس حاولت ترد لكن ابتسام رفعت يدها
اسكتي.
أنا خلاص شفت كل حاجة.
وشفت أكتر من اللي كنت مستعدة أشوفه.
نظرت إلى ابتهال
ولأول مرة عينيها كانت مليانة خجل.
حقك عليا يا ابتهال
يمكن عمري ما هعرف أرجعلك اللي راح
بس على الأقل
من النهارده مش هسكت تاني.
رجعت تبص لفردوس 
وإنتي
قبل ما تتكلمي عن أختك
بصي في المراية
هتلاقي واحدة بتتداري ورا