طبيب ثم حبيب هاجر نورالدين

بعيط على اللي عملته في نفسب والموقف اللي بقيت فيه ولا مني عارفة أخرج منه ولا هعرف أبرره إتكلم بابا وقال
_الحمدلله لولا أمك دخلت تاخد الهدوم من عندك عشان تغسل مكناش لحقناكي والحمدلله إن سليم إشتغل في المستشفى القريبة مننا أول واحد جه في بالي على طول.
إتكلم أخويا وقال وهو مبتسم بيحاول يلطف الجو
بس باين سليم واقع أوي يابابا شوفت اللهفة بتاعته أول ما شاف مريم في الحالة دي.
إتكلم بابا وهو مبتسم وقال
_سليم إبن حلال إن شاء الله أختك تقوم بالسلامة بس وبعدين ربنا يقدم اللي فيه الخير.
إتكلمت وأنا بعيط وقولت
أنا أسفة ياماما ويا بابا أسفة بجد على اللي عملته
فيكم مش عارفة إزاي عملت كدا بس أنا ندمانة أوي والله.
زدت في العياط وإتكلم بابا وقال
_المهم إنك بخير ياحبيبتي والحمدلله على سلامتك وإن شاء الله لو إنتي في فترة صعبة أو مكتئبة هنعديها سوا.
بعد ما بابا خلص كلام حسيت أنا قد إي مستاهلهومش هما بيعملوا كل حاجة عشاني وأنا عملت أكتر حاجة ممكن تخلي وشهم في الأرص طول عمرهم مفكرني بعتذر عن الإنتحار بس أنا بعتذر عن اللي هببته بعد شوية كلهم خرجوا عشان أرتاح ودخل بعدها سليم عشان يتطمن إن كل حاجة تمام خلص وقال
_هو مين وإسمه إي?
بصيتله وقولت بتوتر
ليه?
_ممكن تردي من غير ليه بعد إذنك.
أيوا عايزة أفهم ليه برضوا?
إتنهد وقال پغضب
_عايز أعرف يامريم بعد إذنك قولي إسمه إي?
بصيت قدامي بتفكير وتردد وقولت بعد شوية
إسلام ياسر عبدالرحمن.
بصلي پصدمة وقال
_إي!!!
بصيتله بعدم فهم وقولت
إسلام ياسر عبدالرحمن!!
رد عليا بتوتر وقال پغضب
_إنتي معاكي صورة ليه?
رديت عليه بتوتر
أيوا في التليفون بتاعي.
_هو فين?
رديت عليه بعدم فهم وحيرة
تليفوني في البيت بتسأل ليه مش فاهمة?
إتكلم وقال وهو بيمسح على وشه پغضب
_هو في سنة رابعة أثار?
ضيقت بين حواجبي وقولت
أيوا تعرفه منين?
حط إيديه الإتنين ورا راسه وقال پغضب
_يبقى إبن عمي.
بصيتله پصدمة ومعرفتش أرد أقول إي حقيقي الموقف زي الزفت أتمنى لو يرجع بيا الزمن مكنتش هتعرف حتى عليه سابني وخرج من المستشفى ومعرفش هو ناوي على إي بس أنا مش متطمنة.
هاجر_نورالدين
طبيب_ثم_حبيب
يتبع
_في إي يا سليم في مصېبة حصلت ولا إي
كانت مرات عمه اللي سألته السؤال دا بخضة وهي بتفتح الباب بعد ما وصل بيت العيلة وطلع على بيت عمه على طول.
رد عليها بسرعة
إسلام موجود
رديت عليه بعدم فهم
_لأ خرج يجيب حاجات وجاي.
تمام.
سابها ونزل وهي مش فاهمة حاجة قعد تحت في بيت جده قدام الباب ومستنيه ييجي أول ما شافه طالع إبتسمله إسلام ولسة هيتكلم قام سليم ومسكه من لياقة التيشرت بتاعه پغضب وخده وطلع على السطح بعده إسلام وقال بعدم فهم وڠضب
_في إي ياسليم ماسكني كدا ليه??
رد عليه سليم بضړبة في وشه وقال پغضب
إي اللي إنت هبتته في مريم دا!!
إتكلم إسلام بتوتر
_مريم