زواج لدقائق معدودة الجزء الثاني البارت الاول

نبيل دفع ايد نوح پغضب وقال... انت ماسكها كده ازاي بأي حق... انا اقول لك انا مين معاك دكتور نبيل عز الدين دكتور في الطب النفسي تخصص المجانين امثالك وخطيب شروق... اكيد انت نوح طليقها مش كده
نوح اتسعت عنيه بزهول وقال .... خطيبها 
وبص لشروق وقال بصوت رعبها...خطيبك
شروق بلعت ريقها بتوتر ورغم كل الثقه اللي كانت بتعاملو بيها لكن ما قدرتش تخبي خۏفها منه وخصوصا نظراته لنبيل كانت فعلا تقلق جدا 
وقفت قدام نبيل بسرعه وقالت بتوتر بتحاول تخبيه.... ايوه خطيبي
نوح بص لنبيل پحده وشروق اتوترت جدا وقالت بسرعه... بس هو ما لوش صالح ..انا اصلا قولتله على الطريق واحنا جايين
نبيل بص لها بدهشه وقال.... هو مين اللي قولتيلو على الطريق
شروق بصت له وداست على شفتها بمعنى يسكت 
ونوح كان هيتجنن من اللي بيحصل زعق بشده وقال... خطيبك خطيبك كيف ...اتخطبتي وانا مدراش
و بص لعمو پغضب و قال.... وانت كنت عارف كمان يا عمي ومقولتليش
حكم قال بسرعه وخوف...لاه معرفش.. انا كمان قالت لي على الطريق
شروق بصت لابوها بغيظ وقالت.... وبعدين يا ابوي
نبيل ضحك بسخريه وفهم ان هما الاثنين خايفين منه شد شروق من قدامه خباها ورا ضهره وقرب من نوح بتحدي وقال ...الظاهر انهم كانوا حابين يعملوها لك مفاجاه... مش هتبارك لنا ولا ايه يا عمده ...ومد ايده يسلم عليه
نوح ابتسم بطريقه تخوف ومسك ايده وداس عليها بقوه شديده
نبيل حاول يسحب ايده لما حس انها هتتكسر بس في ثواني نوح لفها ورا ضهره وضغط عليها بقوه بطريقه مؤلمھ جدا
نبيل قال بزعيق.... دراعي يا حيوان والله العظيم احبسك فيها
شروق وحكم جريو عليهم وبقم يحاولوا يبعدوه عنه بس كان ماسك دراعه بقوه ومصر يكسره ..ونبيل بيتالم بشده ومش قادر يحرر دراعه 
شروق قالت پخوف شديد..همله يا نوح... يا نوح بقول لك همله
نوح قال پغضب شديد.... فيه ايه بتعرف عليه... مش كان رايد نتعرف
نبيل اتالم جدا و زعق فيه وقال بالم شديد...سيب دراعي ياطور بقول لك هوديك في 60 داهيه
بس كان كل ما يتكلم نوح يضغط على ايده بقوه حكم زعق في نبيل وقال.... اسكت متتحدتش واصل عشان يهملك
نبيل كان بيتالم جامد ونوح مش سامع لاي حد فيهم بس لحسن حظه سمعه صوت زعيق اخوه سند من جوه السرايا وسماح الخدامه بتصرخ بعلو صوتها
الكل اتخض ونوح دفع نبيل على الارض وجري بسرعه على السرايا
نبيل نام على الارض من شدة الالم وهو ماسك دراعه بايده الثانيه وبيقول بالم شديد..... اشهد ان لا اله الا الله واشهد ان محمد رسول الله
شروق اخدت نفسها اخيرا وقعدت على الارض بتعب
في السرايا كان سند ماسك سماح من شعرها پغضب شديد وبيقول انا مش 100 مره قولت لك معايزش اشوف نقطه د..م هنا