طفلة سړقت قلبى

مسك وكانت بتدور بعنيها علي ياسين ولاحظت حسنية ده
حسنية بخبث بتدوري علي ياسين 
مسك بزعل ها اه اصل كنت نسيت اقوله علي حاجة يجبهالي بس خلاص بقي مش مهم
حسنية بابتسامة خلاص رني عليه ده مأكد عليا لما تحتاجي حاجة تكلميه
مسك لنفسها مشي من غير ما يسلم عليا حتي ماشي يا ياسين
عدي اليوم وكانت مسك بتساعد حسنية وندي اللي كانت مضايقة من حسنية عشان مش مدياها فرصة تستفرد بمسك
حسنية بجدية انا خلصت الاكل يلا يا بنات طلعو الاكل عالسفرة
خرجت ندي ومسك وطلعو الاكل عالسفرة بس ندي تليفونها رن فجريت عالتليفون وبعدين بصت لمسك وابتسمت بخبث
ندي بخبث ده ياسين حبيبي اكيد هيسألني عاوزة ايه اجيبهولك معايا الو ازيك يا حبيبي
مسك كانت متابعة ندي وهي بتبعد بالتليفون ومن جواها مخڼوقة اوي ودخلت المطبخ تكمل اللي بتعمله وبعد ما خلصت استأذنت تدخل اوضتها تريح لحد ما عمها وياسين يجو من برة وفعلا دخلت اوضتها وفضلت فيها لحد ما جه ياسين ودخل البيت وهو بيدور بعنيه عليها وكانت متابعاه ندي بغيظ سلم ياسين علي ولاده وسابهم ودخل لامه المطبخ 
ياسين بقلق اومال مسك فين يا ماما 
حسنية بابتسامة طب حتي سلم علي امك الاول مسك في اوضتها خلصنا وقالت هتريح شوية
ياسين باس ايد امه وسابها وراح لاوضة مسك وخبط عليها ودخل وكانت قاعدة هي وباين عليها الزعل
مسك پغضب ايه ده انت ازاي تدخل كدة من غير ما تستأذن هو مش عيب كدة يا ابيه ياسين ولا ايه 
ياسين ببرود والله انتي مراتي وادخل زي ما انا عاوز وبعدين مش قولتلك بلاش ابيه ياسين دي 
مسك بعند لا مش هبطلها واتفضل اطلع برة عشان مينفعش كدة
ياسين باستغراب هو في ايه يا مسك انتي زعلانة مني ولا ايه بتعامليني كدة ليه 
مسك بحزن ايوة زعلانة ومش هقولك ليه اتفضل بقي اطلع برة
حسنية بصوت عالي يلا يا ولاد الاكل هيبرد
مسك بتكشيرة اوعي بقي خليني اروح ولو سمحت متتكلمش معايا تاني
مشيت مسك وسابت ياسين مستغرب وباين عليه الضيق وعمال يفتكر هو عمل ايه زعلها ومش لاقي سبب فخرج وراها وراح قعد جمبيها عالسفرة فقامت هي بضيق وراحت قعدت جمب نبيل فاضايق ياسين وقبض علي ايديه پغضب وهو بيحاول يتحكم في غضبه ومحبش يعملها مشكلة قدام ابوه واكل بهدوء وعنيه علي مسك اللي كانت متجاهلاه اصلا ومش بتبصله فكان هيتجنن
في المطبخ كانت واقفة مسك بتشطب المطبخ واول ما خلصت اتنهدت براحة ولفت عشان تخرج بس اتفاجأت بياسين واقف قدامها فشهقت بخضة وهي بترجع لورا ووقتها ياسين 
مسك بخجل ابيه ياسين ممكن تسيبني عيب كدة علي فكرة 
ياسين بخبث اهو عشان كلمة ابيه دي مش هسيبك ابدا الا لما تقوليلي زعلانة مني في ايه انا عمالة اراجع نفسي واسأل نفسي انا عملت ايه من الصبح مش عارف ده انا حتي مرضتش اضغط عليكي لما طلبتي تنزلي تعيشي هنا رغم اني مكنتش موافق اصلا
مسك بصوت مخڼوق لو سمحت سبني انا مخاصماك
ياسين بلهفة مالك طيب يا مسك اتكلمي والا بجد همشي ومش هرجع تاني هنا ابدا
مسك بدموع انت سبتني ومشيت وحتي مستنتش تسلم عليا الصبح وفضلت طول النهار مستنياك تكلمني مكلمتنيش وكلمت ندي وانا لا
ياسين كان مصډوم من كلام مسك وفجأة ضحك بصوته كله وهو لسة متبت في مسك اللي سرحت في ضحكته وابتسمت بتلقائية
ياسين بتوهان بقيهو ده كل الموضوع ياشيخة خضتيني
مسك پغضب انت مستهون باحزاني طب سيبني بقي انا مخاصماك
ياسين بتنهيدة انا الصبح مرضتش اتكلم معاكي لاني كنت مضايق من موضوع نزولك ده فمرضتش تشوفيني وانا دمي تقيل ثانيا بقي انا مكلنتش ندي دي حركة منها بس عشان تغيظك لكن انا متصلتش بيها يا مسك
مسك بفرحة واندفاع بجد يعني انت مكنتش ناسيني طول اليوم
ياسين بتوهان وهو مركز في عيون مسك انا طول اليوم كان بالي مشغول بيكي انتي وعاوز اخلص بسرعة عشان ارجعلك
مسك كان قلبها طاير من الفرحة وحاسة انها طايرة في السما بس كأن الوقت الحلو مش بيكمل انتبهو لصوت ندي من وراهم
ندي پغضب الله الله طب حتس كنت قولتولي كنت شطبت انا المطبخ عشان تاخدو راحتكم
ياسين بحدة ندي