زواج لدقائق معدودة الجزء الثاني ٦ بقلم زهرة الربيع

رجلها بصت على الارض لقت فردة حلق مسكتها وبتبص لها باستغراب بس اتسعت عنيها بذهول شديد وبقى مش مفارق خيالها وقت ما شافت غنوه الصبح كانت لابسه نفس الحلق ده
الحلقه كان طويل ومميز ومتأكده انها شافتها لبساه بقت ترتجف پخوف وصدمه وقالت... يعني....يعني ايه....يعني انتي هنه صوح يا بت الجزار عايشه مموتيش كنت متاكده اني شوفتك متأكده
وراحت على اوضتها بسرعه وهي بتحاول تفكر يا ترى غنوه متخبيه فين في القصر ازاي ممكن تلاقيها
في يوم جديد كان نوح تحت هو وعمو ومعاهم راجل في الخمسينات وبنت محجبه في العشرينات
حكم قال بابتسامه.... منورينا والله يا حاج فاروق
فاروق قال.....بنورك والله يا حج حكم...و لو ان اللي بيحصل ده عكس عوايدنا صوح انتوا جيتوا واتقدمتوا واحنا وافقنا بس بردك اول عزومه المفروض تبقى في بيتنا 
بس مع ذلك مدام الامر يخصك انت والعمده يبقى البيت واحد ومتفرقش
نوح ابتسم وقال.... وانا متأكد ان البيت واحد وانك مهتعملهاش فرق الجيات كتير واكيد هجيب سند ونذوركم ونتغدى ونتعشى كمان....انا بس قولت الاولاد بردك من حقهم يشوفوا بعض قبل كتب الكتاب احنا ناس نعرف الله ونمشي على سنه رسوله
فاروق ابتسم وقال....اكيد واجب بردك يا عمده
حكم ميل على نوح وقال...ما نزلش ليه لحد دلوك انت متأكد هينزل خاېف يصغرنا وما ينزلش
نوح كان بيظهر ابتسامه للناس عكس اللي جواه وقال لعمو .....طب خليه ما ينزلش كده وهو عارف لو طلعت هعمل ايه
في الوقت ده نزل سند بضيق شديد و بص لهم پخنقه وقعد على الكرسي من غير ما يسلم على حد وقال....ها مين فيكم العروسه
نوح داس على اسنانه بغيظ منه والراجل وبنته بصوا لبعض بذهول
فاروق ضحك وقال..... يعني هكون انا يا ولدي مهي قدامك
سند بص للبنت من فوق لتحت وقال ....متفرقش عنك كتير يعني يا عم فاروق
نوح خبطه في رجله وبصلو بتحذير وقال بصوت عالي.... منورينا 
وزعق لسماح الخدامه وقال .....هاتي الشاي ولا نخليه شربات
سند قال بضيق..... لا خليه شاي عادي انا لسه قايم من النوم ومشربت الشاي ولا فطرت
وبص لشيخ البلد وبنته وقال..... انتوا جايين تبيعوا لبن هنه
نوح ميل عليه وقال بهمس من بين اسنانه.... لم روحك بدل ما اشربهم شاي في عزاك
سند نفخ بغيظ وسكت
و البنت كانت بتبص له بانبهار وكسوف في نفس الوقت
سند بص لها ورفع حاجب وقال بغمز..... عاجبك الطقم صوح... لسه اللي تحته احلى اقلع اوريهولك
البنت شهقت بكسوف وابوها واقف وضړب عصايته في الارض پغضب وقال .....في ايه يا عمده دي قله حيا دي
حكم ونوح وقفو ونوح رد بتوتر وقال.... حقك على راسي بس انا شرحت لك ظروفه من الاول
سند وقف وقال پغضب.... شرحت لهم ايه مالها ظروفي شايفني بخنق في الناس ولا ايه
نوح قال پغضب شديد .....ده انا اللي هخنقك بيدي الصبر طيب يا ود حليمه
شيخ البلد قال پغضب.... انا هاخد البت وامشي وانت و اخوك اتفاهمو براحتكم
نوح قال بتوتر...انت تعالى معاي عايزك في كلمتين ...لو مش علشاني ولا علشان عمي علشان ابوي الله يرحمه صاحبك وحبيبك
شيخ البلد اتنهد بضيق ونوح اخده على جنب وبقى يتكلم معاه
وسند قعد بضيق وبقى يشرب الشاي وهو بينفخ بغيظ بسبب العروسه اللي كانت رغم كل ده لسه بتبصلو باعجاب وعنيها بتطلع قلوب ابتسمت وقالت ....الشاي سخن تحب ابردهولك
سند رفع شفتو بقرف وقال..تبردهولي..لا انا عديت الخمس سنين خلاص...وبعدين هو اصلا بارد...متلج ...مبيحسش
فوق عند شروق كانت لبست وجهزت 
وكانت غنوه لسه هتلبس النقاب
بتاعها بس خدت بالها ان فردة الحلق مش موجوده قالت باستغراب.... ما شفتيش الحلق بتاعي يا شروق
شروق قالت ....لاه مشفتوش اجيب لك واحد من عندي
غنوه قالت بقلق.... لا انا عندي بس عايزه اعرف وين راح
شروق لسه هترد عليها الباب خبط فتحت الباب وكانت سماح قالت بضيق شديد.... ابوكي بيقول لك انزلي يا ست شروق عشان تسلمي على عروس سند بيه
شروق قالت باستغراب...عروسة مين... هو سنه هيتجوز
سماح قالت بضيق....معرفاش يا ست شروق نوح بيه جايبهالو و البت اصلا مش قد كده يعني ما تفتكرش سند بيه هيوافق عليها
قالت كده ومشيت وشروق ضحكت على شكلها
غنوه قالت..بتضحكي ليه
شروق قالت.... ما فيش اصل سماح جايه وشها مقلوب ومضړوب 100 صرمه وبتقولي ننزل نسلم على عروسه سند
غنوه التفتت لها بذهول و قالت..... قولتي مين.... سند هيتجوز
شروق لسه هترد عليها بس غنوه دفعتها بعيد عن الباب وجريت نزلت بسرعه 
وشروق جريت وراها وهي مصدومه وبتقول ....غنوه استني يا بت هتعملي ايه يا مجنونه انتي
بقلم...زهرة الربيع
تحت نوح كان بيتكلم مع فاروق وقال.... يعني انا صارحتك من الاول بكل حاجه يا حاج وقولتلك انو مبقاش زي الاول والدكتور قال هيتحسن لو اتجوز و محتاج نوقف جنبه وانت لما كلمتني قلت لي انك موافق وانو كيف ولدك وهتوقف معاه
فاروق اتنهد وقال..... ماشي يا ولدي بس البت اها شافها كده خلاص لو عايزين تكملو هنخلص كل حاجه انا وانت من غير ما ندخلوهم في الموضوع
نوح قال بسرعه...تمام... كلامك يمشي و.... 
ولسه هيكمل دخل نجاتي وقال بذهول.... نوح بيه فيه واحده عايزه تقابلك مضړوبه قوي ووشها مش باينله ملامح
نوح بصلو باستغراب وقال....بتقول ايه....وسايبها بره يا جحش خليها تدخل
بس قبل ما نجاتي يطلع دخلت واحده ووقعت على الارض من كتر التعب وقالت بصړاخ.... عايزه ولدي يا عمده خدوه مني ضړبوني وكانوا ھيموتوني وخدوا ولدي
نوح قرب منها واټصدم بشده لما شاف ملامحها وقال ....جنه ....مالك يا بت فيكي ايه
وجري عليها علشان يقومها وسند اول ما سمع اسمها راح جري هو وغنوه واتصدموا بمنظرها كان وشها متبهدل جدا
نوح نزل جنبها على الارض ونجاتي جاب له ميه بقى يغسلها وشها وقال پغضب رهيب من منظرها .... في ايه ..مين عمل فيكي كده
جنه نطقت بالعافيه وقالت... اخدو ولدي ...ضړبوني واخدو ولدي
نوح قال بسرعه...هما مين..مين اللي مدو يدهم عليكي كده اتكلمي
جنه قالت بتعب.....ولاد جوزي عرفوا ان مصطفى ولدي مش اخوهم عرفوا انه مش اخوهم وضړبوني واخدوه مني..في عرضك ھيموتوه يا عمده وو وووو
زواج_لدقائق_معدوده
الجزء_الثاني
السادس
بقلم_زهرة_الربيع
اللي فات كووم واللي جاي كوم تاني الاحداث بتولع والتفاعل ينقص فرق اول بارت من بارت امبارح الف شخص متفاعلش ده يرضيكم وانا بكتب علشان عيونكم وانا تعبانه...عايزه تعويض علشان استمر يوميا اقل حاجه البارت يوصل الفين تفاعل ده اقل من القليل ولا نخليها يوم من تاني يوم علشان يكون جمع تفاعل براحتكم