بنات الحارة ٢٦ بقلم نسرين بلعجيلي
كنت باقول إزاي صفية جهزتك بالسرعة دي وأبويا مديون وما حلتوش. جبتوا الأجهزة منين
رحاب أقولك أنا يا حبيبتي مرات أبوك الطيبة خذت كل الأجهزة بتوعك البوتاجاز الغسالة التليفزيون التلاجة كله راحت لمحل الأجهزة غيرتهم وجابت الأجهزة الجديدة لأختك وكل حاجة كانت خالتك جايباها ليك يا زينب راحت لهاجر. أنا سمعت الكلام ده من أمي صح يا هاجر!
هاجر إنت مالك بتدخلي نفسك في مواضيع مش بتاعتك ليه عايزة بس مشكلة تحصل بيني وبين أختي
رحاب أختك! دلوقتي إفتكرت إنها أختك! لما أمك عملت كده في حاجتها سكتي ليه ليه ما كلمتيهاش كملتي وإنت عارفة إن ده مش من حقك دي حاجة اليتيمة اللي أمك أكلت حقها. هتروحي فين من ربنا إنت وأمك لا وكمان عايزة الجوازة تنجح وربنا يبارك فيها
زينب واقفة في نص الصالة عينها بتلمع من القهر وصوتها بيترعش وهي بتزعق إنت خذتي جهازي يا هاجر وسكتي وانا اللي كنت فاكرة إنك أختي طلعت عارفة وساكته
هاجر بترجع خطوة لورا وشها بيحمر والله ما كنت عايزة أمي قالتلي خلاص خالتك ماټت وإنت مش هتتجوزي دلوقتي.
زينب بصوت عالي ودموعها نازلة مين قالك إني مش هتجوز وحتى لو مين إداكم الحق تاخذوا حاجتي اليتيمة اللي مالهاش سند كل واحد يقطع من لحمها على مزاجه
رحاب دخلت فجأة أنا قلت من زمان إن صفية دي ست ما عندهاش ضمير بتاكل حق الغلبانة وبتضحك علينا كلنا.
هاجر صړخت ما تتدخليش إنت مالك
رحاب قربت منها بعصبية أنا مالي أنا اللي شايفة الظلم وساكتة عليه سنين والنهاردة ربنا كشفكم خذتوا حق البنت دي وبتقولولي ما تتكلميش لا أنا هتكلم وهاقول للناس كلها.
نورهان صړخت كفاية بلاش تتكلموا عن أهل بعض بالطريقة دي.
زينب قربت من هاجر بعين كلها ڠضب عارفة يا هاجر أنا كنت بقول يمكن عندك قلب بس شكلي غلطانة. إنت كنت شايفة كل ده وساكته حتى ما قولتيليش حقك اتاخذ ليه علشان تفرحي على حسابي
هاجر اڼهارت أنا كنت مخڼوقة كنت حاسة إني لو فتحت بقي حيضيع كل اللي باحلم بيه. كنت ضعيفة وخفت بس والله يا زينب ما كنت راضية.
زينب بحدة وهي بتشاور عليها بس سكت وسكوتك ده خېانه. أنا مابقتش شايفاك أختي أنا شايفاك وحدة غريبة سړقت مني حاجه أغلى من المفارش سړقت الأمان.
رحاب تصرخ آه والله! ولا إنت ولا أمك تستاهلوا البنت دي.
صفاء حاولت تدخل طب خلاص بقى حرام اللي بيحصل ده.
رحاب مافيش خلاص الظلم لما يتعرى لازم يتفضح.
هاجر وقعت على الكنبة بټعيط بصوت مسموع وزينب وقفت على باب الشقة وقالت بصوت مخڼوق أنا مش هاحضر الفرح الفرح اللي إتبنى على قهرتي خليك مبسوطة بحاجتي.
وخرجت والباب اتقفل بقوة.
سكتت الحارة وسكتوا البنات بس القلوب كانت بتصرخ.
في البلد كانت
فتنة قاعدة وجات بطة جنبها.
فتنة إطمنت على إبنك
بطة وهي مبسوطة يكثر خير الحاج والله قالي إنه راح سكن جديد مع 4 في السكن والراجل أخذه لمحاميه علشان يقدم له لجوء والله مش فاهمة. وقالي إن الراجل دفع له 6 شهور في السكن وشاف له شغل.
فتنة كويس بس يا رب إبنك يهديه ربنا ويعرف الواجب اللي بيتعمل معاه ويبطل سرمحة مع النسوان ويشتغل.
بطة ما كنتش فاكرة إن إبني اللي دفنت عليه حياتي يطلع كده.
فتنة ماعلش دي برضك أوروبا كل حاجة موجودة والستات ببلاش.
بطة وإنت ناوية تاخذي حقك
فتنة أيوه أجرت رجالة وبعد بكره كل حاجة تتنفذ زي ما أنا عايزة.
بطة والمزغودة التانية عاملة إيه مالوش حق الحاج يبعدها.
فتنة لا الحاج عنده حق. ما شفتيش الوليتين اللي جم يسألوا عليها آخر الزمن تيجي واحدة تقولك حقوق الست من إمتى يا أختي الكلام ده ياما ستات اتبهدلت ولا عمرنا سمعنا عن الجمعية دي. أنا اللي هيطلع البرج من نافوخي البت المعفوصة اللي لسه ما طلعتش من البيضة عرفت الناس الوصلة منين بس وحياة مقاصيفي دول ومسكت شعرها
لأبهدلها وأفضحها في البلد وإلا ما بقاش فتنة.
روايات نسرين بلعجيلي Nisrine Bellaajili
بطة هو إنت ناوية على إيه!
فتنة هاتعرفي كل حاجة أنا ما حدش يدوس لي على طرف.
اللي يسكت على حقه بيدي للظالم تصريح يسرق تاني.
اللهم إن كان في قلبي مظلمة لا يعلمها إلا أنت فأنصفني يا عادل واجبرني جبرا يليق بلطفك ورحمتك ورد لي حقي وأبدلني بعد الضعف قوة وبعد القهر عزة وبعد الدموع فرحة لا تنطفئ.
يتبع ......
ماتنسوش لايك و غون و كومنت التفاعل بتاعكم وحش بس انا بنزل اللي بيقرا اكثر من اللي بعلق
موعدنا يوم الاثنين
