حكاوى يونس بقلم ايمان محمود
أنا هنزل عند خالتو شوية
لأ
ليه!
زعقت هو كدا اتفضلي خشي ذاكري
بصتلها بجمود ودخلت على أوضتي من غير كلام الكلام مش هيغير حاجة
قعدت أذاكر شوية وبعدين مسكت الفون وقعدت أقلب فيه
فرح
نعم يا خالتو!
منزلتيش إمبارح تقعدي معايا ليه!
بتوتر معلش يا خالتو كان عندي شوية مذاكرة كدا
طب ابقي تعالي النهاردة
حاضر
سبتها ونزلت أشتري اللي كنت عايزة أشتريه وأنا حاسة إني مش كويسة مبحبش الكذب بس مش هينفع أبقى السبب في مشكلة بين ماما وأختها وكل دا بسبب شوية هلاوس!
اتأخرتي ليه!
متأخرتش دول يدوب خمس دقايق
عديتي على خالتك وانتي طالعة!
أيوا
يونس كان تحت!
اتنهدت بس جاوبتها بضيق
لا يا ماما مكنش تحت ممكن بقى تسيبك من الحوار دا
علت صوتها انتي هتقوليلي أعمل إيه ومعملش إيه!! لا والله عاال أوي ونعم الأدب والأخلاق
محبيتش أجادلها فسيبتها ودخلت أوضتي أقلب شوية في التليفون كالعادة كل دا بسببي أنا اللي قلتلها من الأول!
عاملة إيه يا فرح
الحمد لله بعد إذنك
سبته وطلعت بسرعة من غير ما استنى رده قابلته صدفة وأنا طالعة من تحت ومعنديش أي استعداد أدخل في نقاش متعب من تاني بسببه كفاية كدا
جدتك جاية بكرة
هتنور
طيب اعملي حسابك ان خالتك هتيجي تتغدى هنا
أنا عارفة هي بتلمح لإيه بس برضه عملت نفسي عبيطة
أيوا أعمل إيه يعني!
بغيظ ملكيش كلام مع يونس
وأنا من إمتى وأنا ليا كلام معاه!
بصتلي باستهزاء بس أنا سيبتها ودخلت أوضتي بسرعة حقيقي بتعب من المناهدة قصادها
ما تبقي تخلي فرح تيجي تقعد معايا شوية يا سعاد
إن شاء الله
عاملة إيه في كليتك يا فروحة
الحمد لله يا تيتا
مكلمتيش أبوكي وعرفتي منه هينزل من السعودية إمتى
مش بيفتح كتير يا تيتا
ربنا يوفقه ويصلح حاله
يااارب
هقوم أذاكر شوية
سبتهم وقمت ودخلت أوضتي أراجع شوية عقبال ما يحضروا الغدا وينادوني
فرح
أفندم!
اتنهد ممكن أفهم انتي بتعامليني كدا ليه!
بعدت وشي ومعرفتش أرد أقوله إيه! أقوله إني زي الهبلة رحت قلت لأمي إنه اعترفلي بحبه! أقوله إنها بقت بتعاقبني على حبه دا!! أقوله إن أمي هي السبب في بعدي دا!
اتنهدت جامد ومردتش فاتكلم بهدوء
فرح أرجوكي بلاش تبعدي لو مش متقبلة حبي ف على الأقل خلينا نفضل قرايب ونتعامل عادي
ابتسمت بتحفظ شوية وأنا بعاملك عادي أهو يا يونس
هز راسه وأنا راضي بالعادي بتاعك
خلص كلامه ودخل من البلكونة وأنا أخدت نفس طويل يونس ابن خالتي وأكبر مني بسنتين بس بيحبني من واحنا صغيرين وأنا ك فرح ممكن أكون اتعلقت بيه شوية عشان كان بيهتم بيا واحنا صغيرين اعترفلي بحبه من شهرين وأنا جريت على ماما وقلتلها ومن
ساعتها وأنا حاسة إني بتعاقب على ذنب أنا معملتهوش
فرح اوعي تكوني لسة بتفكري في يونس
اتنهدت بتعب لا يا ماما مش بفكر في حد ممكن تسيبيني أذاكر شوية بقى !
طبطبت عليا ذاكري يا حبيبتي ذاكري
سابتني وطلعت وأنا قعدت واتنهدت بإرهاق أنا حاسة بضغط
