خلود

حصل هروح استحمى واجي نفطر سوا ...فل
ابتسم بسعاده وقال....ده انت اللي فل وياسمين مستنيكي
خلود ابتسمت و راحت الحمام  وهو اتنهد بارتياح شديد وقال ....الحمد لله يا رب
بعد شويه خرجت وكانت لابسه بيجامه رقيقه وشكلها قمر قوي
اكرامي بقى يبصلها باعجاب و  قرب منها وقال..... ايه يا بنت العسل ده مش قلت هنفطر
خلود ضحكت وقالت..... انا بقيت عسل عشان فطار بقى وكده 
اكرامي ابتسم بيأس وقال ...ايه يا بت خفه الډم دي فصلتيني بصي متهزريش تاني 
خلود ضحكت وقالت ....طب يلا علشان نفطر جعانه قوي بقى 
اكرامي قرب منها قوي وقال...بس انا في مسكن لازم اخده قبل الفطار 
خلود بصتلو بزهول وقالت...ايه مسكن  مالك فيه حاجه ۏجعاك ولا ايه 
اكرامي مسك ايدها وحطهاعلى قلبه وقال...قلبي .
اكرامي قال باستغراب...فيه ايه...مين بيخبط  خبط المخبرين ده
وراح يفتح وكانت والدته
اكرامي قال باستغراب...خير يا ماما
امه قالت بتوتر...احم صباحيه مباركه يا ابني..... حماك تحت وعايز يسلم على بنته 
اكرامي ضحك وقال باستغراب .....طب وماله يا ماما في ايه خليه يطلع لها هنا مالك متوتره ليه
امه قالت بالتوتر ....ها....لا معلش خليها هي تنزل احسن لانو...لانو  معاه ضيوف هو مش لوحده 
اكرامي قال باستغراب ...ضيوف ضيوف مين يعني
امه قالت بتوتر....واحد يا حبيبي 
كرامي قال باستفهام...ايوه يعني مين يا ماما
امه نزلت عيونها في الارض پخوف 
وهو احتدت عنيه وقال ..... اوعى يكون اللي في بالي
امه بلعت ريقها وقالت.... وانبي ما تعمل مشاكل تاني  يا ...
بس ما كملتش جملتها  ونزل بسرعه بقت تنادي عليه بس ما ردش 
خلود لبست راحت لها وقالت باستغراب....هو  في ايه يا طنط 
امه قالت پخوف....البسي هدومك وانزلي معايا والنبي ابوكي جه وجايب معاه محسن ابن عمك
خلود  لطمت على خدها وقالت.... يا لهوي ابويا مش ناوي يجيبها لبر.... دقيقه بس يا حماتي البس حاجه واجي لك
وجريت بسرعه لبست هدومها ونزلو هم الاثنين تحت
اكرامي  نزل پغضب
ومحسن اول ما شافه وقعت كباية القهوه من ايده وجري استخبى ورا عبد الموجود 
عبد الموجود قال ....في ايه يلا ما تخافش انت ضيفي
اكرامي قال پغضب....ضيفك  تضايفه في بيتك يا حمايا مش في بيوت الناس
عبد الموجود قال پغضب.... اه ودلوقتي ما بقاش بيتي لما اتجوزت مش كده ... الاول لما كنا على البر مكنتش تقول غير البيت بيتك يا عمي
اكرامي قال پغضب ...عمي ما تستفزنيش الزفت ده ممنوع يجي هنا ولا يدخل بيتي ولا يلمح مراتي يلا خليه يغور من هنا احسن والله العظيم اخليكم تروحوا تتعرفوا عليه في المشرحه 
عبدالموجود قال بضيق ....هنسلم على البنت ونمشي على طول ما تعملش مشاكل
اكرامي قال پغضب ....انت اللي بتعمل مشاكل خذه من هنا بدل ما هقتله وحاول يضربه بس كان بيستخبى كل شويه ورا عمه
نزلت خلود وجريت عليه وقالت ....اهدى بس يا حبيبي اهدى يا اكرامي ده بابا يعني
اكرامي قال پغضب.... وسعي انت يا خلزد.... نزلت ليه انا سمحت لك تنزلي امشي اطلعي فوق
ابوها قال پغضب..... انت لحقت تزعق فيها وتقول لها تطلع فوق وتنزل تحت كمان 
اكرامي قال پغضب....قولتلك  مليون مره ملكش دعوه بعلاقتي انا وخلود احنا احرار مع بعض اطلعها انزلها احطها في علبه ملكش دخل 
عبد الموجود لص لخلود وقال....مبسوطه كده ابوكي بيتهان في بيتك
خلود  بصت الاكرامي وقالت.... اكرامي ما يصحش كده ده ابويا 
اكرامي قال پغضب .....مش شايفاه جايب الجربوع ده معاه انا مش قلت لك ده بالذات مش عايزك تشوفيه امشي اطلعي فوق 
محسن قال باستفزاز.... ما كنتش اعرف اني حراق كده 
اكرامي رد عليه وقال بسرعه.... والحړقان ده جاي لك فين لا مؤاخذه قل لي متتكسفش انا اعرف دكتور شاطر
محسن  بص له بغيظ وابوها قال..... خلي جوزك يعتذر لي انا وابن عمك لاننا جاين نسلم عليكم ونعتبر ضيوفكم والا مش هتشوفي وشي هنا تاني
خلود  قالت بارتباك...يا بابا استهدى بالله انت بتحطني في موقف وحش
ابوها  لسه هيتكلم دنيا قالت.... موقف وحش ليه يا حبيبتي انت المفروض تقفي جنب جوزك مش ده اللي كنت عامله هليله عليه امبارح علشان لقتيني في اوضتو بالغلط...المفروض دلوقتي تقفي جنبه ولا اكمن الموضوع يتعلق باهلك
خلود كانت على اخرها هجمت عليها وقالت پغضب شديد ....انتي مالك دخلك ايه  ياطويله يا هبله
ولسه عايزه تضربها اكرامي مسكها بقوه وقال بزعيق ....بس بقى يا خلود بلاش جنان ما تضربيهاش تاني
دنيا استخبت ورا والدتها وقالت..... سيبها يا ابن خالتي ما انت متجوز واحده مجنونه اصلا اكلت لحوم البشر
خلود  قلعت الجزمه بتاعتها وحذفتها عليها وقالت پغضب.... وهو ماسكها بقوه..... اصبري عليا يا حربايه انا هعرف اظبطك ان شاء الله 
اكرامي قال پغضب.... بس بس بقى هتتخانقو وانا واقف 
خلود بصيت له بغيظ وقالت.... ده اللي قدرت عليه مشي الحربايه دي هي وامها هي قاعده لحد دلوقتي ليه
اكرامي  قال بغيظ شديد منها ...عشان هما قرايبي بقالي ساعه اقول لك مشي ابوكي واللي الزفت اللي معاه ده بس ليه موجودين

خلود قالت بزهول.... انت بتساوى دي بدي...ده والدي ازاي امشيه يعني مچنون
اكرامي قال بغيظ اكبر .....ودي كمان خالتي وبتها ومش همشيهم
ابوها قال بسرعه..... شايفه يبقى فعلا في بينهم حاجه عايزها تفضل هنا
اكرامي قال پغضب ...عمي عمي ما تدخلش تاني خد الزفت اللي معاك ده مش عايز اشوفه في العماره كلها يلااا
ابوها ضحك وقال.....بس للاسف محسن  هيقعد معايا في البيت ابن اخويا وعايز يقعد معايا كم يوم لك دخل في بيتي كمان يلا بينا يا محسن 
محسن قال بخبث... يلا بينا يا عمي الظاهر ان انا غلطنا لما افتكرنا ان بنتك بقى ليها بيت هتقابل فيه حد بس واضح كده انها زيها زي اي كرسي هنا لا ليها بيت ولا ضيوف..... ومشيوا سوا 
خلود بصت لاكرامي وقالت ....سمعت قال ايه...عاجبك الللي  قاله  شكرا بجد على اللي وصلتهلهم 
قالت كده وطلعت على اوضتها بسرعه
اكرامي اتنهد و طلع وراها وقال بسرعه.... خلود انا ما كانش قصدي كده انتي عارفه انهم بيقولوا كده عشان يوقعوا بينا 
خلزد قالت بسرعه.... لا هو معاه حق لو كان عندي بيت فعلا كنت استقبلت ابويا وابن عمي زي ما حضرتك مستقبل السنكوحه اللي قاعده تحت ... وبتقولي بمنتهى الهدوء خالتي وبنتها
خلود  قالت  پغضب..... لازم تعرف اني انا كمان بيبقى ده احساسي لما بشوف بنت خالتك ولا ناسي اني لقتها هنا في سريرنا 
اكرامي اتنهد