زواج لدقائق معدودة الجزء الثاني ١٢

غنوه ابتسمت وقالت برقه ....ربك يطمن قلبك 
سند قرب منها قوي وبقى يبصلها باعجاب وشدها عليه بقوه وقال..... بقول لك ايه يا بت... متاجي نتجوز بدل ما اخربها من غير جواز وازعلك
غنوه ضحكت جامد وبعدتو عنها وقالت... ياسلام ده يوم المنى لو اقدر اتجوزك
سند قال بسرعه...وايه المانع
غنوه اتنهدت وقالت...المانع اني في تعداد المۏتى مقدرش اتجوز وافتح بيت
سند اختفت ابتسامتو وقال....متجبيش السيره دي تاني....محدش هياخدك مني بعد النهارده خلاص... انا ما صدقت رجعتي لي
غنوه داست على شفتها بكسوف وقالت ....هو انت عايز مني ايه بالظبط يا سند مبقيتش فاهماك واصل
سند اتنهد وقال..... يعني معرفاش
غنوه ابتسمت وقالت برقه...عايزه اسمع منك
سند قرب منها قوي وبص لعيونها وقال.... عايزك ملكي يا بت الجزار ليا لوحدي ومحدش يحقلو يشوفك غيري...عايز استغنى بيكي عن الدنيا كلها... عايز املا بيكي حضڼي اللي ما بيشبعش وقلبي اللي ما بيتمليش ...عايزك معايا وبس ده كل اللي متاكد منه
غنوه ابتسمت وسط دموعها وقالت.... لو لينا نصيب وربنا رايد لنا هنجتمع يا سند... حتى لو مش على الارض مش مهم
سند اتسعت عينيه بدهشه وقال...مش على الارض كيف...هنتجوز في زحل
غنوه ضحكت بخفه وقالت...لاه قصدي نجتمعو عند ربنا فوق انا لما نطلعولو هقولو معيزاش عريس غيرك اطمن
سند قال بزهول... بس انا معايزش اموت.. اطلعي لحالك
غنوه قالت...وه .. وهو بمزاجك يا سند كلنا ھنموت
سند بصلها بغيظ وقال....مۏت لما ياخدك تصدقي وتأمني بالله ...انا اللي عايز ضړب الصرمه اللي بقولك كلمتين حلوين
ومشي وسابها وهيه ضحكت من قلبها 
بس اختفت ضحكتها بمجرد ما بعد وقالت بحزن..ربك معليهوش بعيد يا سندي
اما سند نزل تحت وكانت امه قاعده في الصاله وقالت بسرعه...عملت ايه
سند قال بضيق ....بردك ياما دي مواضيع ينفع فيها حركات الحريم...ده انا قطعت الخلف على بال ما وصلت
حليمه قالت باستغراب ......في ايه يا ولدي نوح حصلو حاجه
سند قال پخنقه.... لا اخوي زين وكوبايه الليمون كمان اللي بتقولي ان غنوه حطت فيها سم...هيه شربتها بنفسها
حليمه اتسعت عنيها بذهول وقالت .....شربتها كيف ...شربتها ليه اصلا
سند قال بضيق...عادي الجو حر وشربتها
حليمه قالت پصدمه...و..ولسه عايشه
سند قال پخنقه....عايشه وكيف القرد....هملي البت في حالها ياما الللي جاريلها مش قليل علشان تذيدي عليه طلعيها من دماغك
قال كده ومشي وحليمه اتجمدت مكانها بذهول وكانت هتتجنن حرفيا مش مصدقه اللي بتسمعه ولا فاهمه ايه اللي حصل بس شهقت بخضه شديده لما حست بميه بتتكب فوق دماغها
التفتت و كانت غنوه وراها بتكب فوقها كوبايه الليمون وبتغني بصوت جميل وبتقول...... يا محمي في المعفن ميتك على الارض رايحه.....ده مهما يستحمل بردك ريحته فايحه
حليمه كانت واقفه بغيظ شديد ومتنرفزه جدا من الليمون اللي غرقتها بيه وغنوه ضحكت وقالت..... نعيما يا حماتي
حليمه داست على اسنانها پغضب وغيظ وفهمت انها مشربتش