زواج لدقائق معدودة الجزء الثاني ١٤ بقلم زهرة الربيع
ده يا نوح كفاياك بقى انا مش صغيره وبقول لك عايزه اتجوزوا هو وراضيه بيه
نوح قال پغضب ...اه من لسه من شويه خدت بالي انك ريداه هو و راضيه بيه
شروق اتوترت جدا واتكسفت لانها فهمت انه قاصد لما كانوا فوق قالت پغضب.... انت قليل حيا وانا غلطانه اللي بتكلم وياك
ولسه هتمشي وقف قدامها وقرب منها قوي وقال.... طبعا انتي سمعتي اللي دار ببنا...ولاخر مره هقولك انهي اللعبه دي وخليه يغور من هنه انتي عمرك ما هتكوني لحد غيري وده وعد من نوح
شروق قالت پغضب.....و انا عمري ما هكون لعبه ليك يا نوح هملني في حالي واطلع من حياتي انا هتجوز نبيل وهقول لابويا ولو ما وافقش همشي انا ونبيل ونتجوز هناك عند اهله
وسابته ومشيت وهي مټعصبه جدا
نوح ابتسم بسخريه وقال بصوت عالي...نجاتي
نجاتي جيه وقال بسرعه.... امر جنابك
نوح قال بثقه..... عدي على صلاح الخياط وصيته على فستان واديته المقاسات جيبه منيه وعدي على ابو خالد الصايغ وصيته على دبله حريمي قوله عايز الدبله اللي وصاك عليها نوح بيه وهاتهم الاثنين وتعال بس بالراحه عليهم دي حاجات غاليه قوي ....ماشي يا نجاتي عشان انا عارفك
نجاتي قال بفرحه.....دا انا هحطهم في عنيا جنابك
نوح اتنهد وقال....طب ربنا يستر
نجاتي مشي ونوح ابتسم وقال ماشي يا بنت حكم انا عارف كيف ارجعك لعقلك
اما غنو فضلت مع جنه لحد ما نامت هيه وابنها
ورجعت على اوضتها ولسه هتقفل الباب سند حط رجله عند الباب وقفها وقال.... عايز اتكلم وياكي ضروري
غنوه قالت بتوتر..... انا قولت كل حاجه تحت يا سند وعايزه انام
سند دخل وقفل الباب وقال.... لا مقلتيش كل حاجه الجزء اللي يهمني مقلتهلوش
غنوه بصتلو باستغراب وقالت..... قصدك ايه مفهماش
سند قرب منها قوي وقال..... انا الحلم اللي كان كبير عليكي ومش طيلاه ...وعشان كده قبل ما تعملي مسرحية موتك في اليوم اللي اتصبتي فيه قولتيلي عشقاك في النور مش كده
بقلم...زهرة الربيع
غنوه اتوترت وحاولت تضحك بسخريه وقالت....واه...انت لسه فاكر اليوم اللي اتصبت فيه ده انت حالتك واعره قوي...يلا بطل كلام ملوش عازه واطلع لاحسن شروق تاجي يلا
بس شهقت لما شدها ليه بقوه وبص لعيونها بعشق وقال...الكدب باين في عنيكي...العيون دول اللي كل ما يبصولي احس نفسي سلطان زماني ومحدش يملا مكاني
غنوه ابتسمت بيعاده من جواها وقالت ....امم طب انت عايز ايه دلوك
سند قربها ليه وقال بهمس...اللي عايزه كتييير والصبر مر
ولسه هيلمس شفايفها دفعتو وقالت ...وبعدين بقى في قلة الحيا وعدم الربايه اطلع يلا ومتتعبش نفسك النحنحه دي مبتجيبش معاي واصل
سند اتنهد وقال بغيظ...قلة حيا وعدم ربايه كمان ماشي على العموم بقاش فاضي الا القليل وهكلم نوح وهتجوزك وساعتها هوريكي ان حليمه مربتنيش ساعه على بعضها
غنوه قالت بدهشه....طب ما انا عارفه
انها مربتكش ولا دقيقه حتى ..بس جواز ايه...انا مش قولتلك مينفعش نتجوز لاني مش عارفه موضوعي هيرسي على ايه و
سند قال بسرعه ....هتجوزك يا غنوه ڠصب عن عنين حسنين وكل قبيلته والدنيا باللي فيها
غنوه كټفت ايديها وقالت ....و عايز تتجوزني ليه بقى... ايه السبب.... شوف يا سند انا مش هبله اذا انا عاجباك وليك مزاج تاخد لك كام ليله معايا ولقيتني مصدرالك الوش الخشب فقولت تاخدهم بالحلال وبعد كده تطلقني...انسي انا الكلام ده مينفعش وياي واصل يعني شيلني من دماغك
سند اندهش من كلامها و قال ....انتي فاكراني هتجوزك علشان اقضي كام ليله ...ليه من قله الحريم اياك
غنوه ابتسمت بثقه وقالت....الحريم كتيره بس هي غنوه واحده
سند داس على شفته باعجاب و قرب منها وقال....في دي معاكي حق....وعلشان هيه غنوه واحده داخله مزاجي....بس اسمعي يا بت الناس انا صوح عايزك وقوي كمان ...بس عايزك للعمر كله لاني متأكد انك الوحيده اللي تسدي معاي عمر بحاله وتغنيني عن الدنيا بكل حريمها
غنوه كانت من جواها طايره بالسعاده وقالت..طيب..احم..طيب امشي دلوك ربنا يهديك احسن حد ياجي
سند بصلها جامد وقال طيب..ماشي بس عايزه اقولك حاجه اخيره .بمناسبة حلمك البعيد اللي مكنتيش طايلاه ...جيت اقولك ان حلمك اتحقق يا صبيه ..واللي كان في يوم حلمك بقيتي دلوك كل احلامه
غنوه اتفاجأت بكلامه و لمعت عيونها بالدموع وقلبها بيرقص جوه ضلوعها ولسه هترد الباب خبط وسمعو صوت شروق بتقول ....غنوه قافله الباب من جوه ليه... افتحي اخوكي حميد معاي عايز يسلم عليكي قبل ما يمشي
غنوه اتسعت عنيها بذهول وسند اتوتر وقال.... واخوكي جدع عاقل ورزين وهيستنى يفهم ولا مقفل كيف نوح كده
غنوه قالت پخوف وطريقه اشبه بالبكاء..... لا يا اخويا كيف نوح ...وشكلهم هينوحو علينا النهارده منك لله يا بعيد وووووو
زواج_لدقائق_معدوده_الجزء_الثاني
الربع_عشر
بقلم_زهرة_الربيع
عايزه تفاعل مدمر بقى علشان نشوف العمده ناوي على ايه وهل نبيل فعلا هيجيب اهلو ويطلبوها رسمي ..وياترى حميد هيعمل ايه لما يلاقي سند مع اخته اللي جاي دمااااار تفاعلو يا غوالي ومتنسوش المشاركات هيه اللي بترفع صفحتنا
