چحيم الغيرة

صاحي
بس ماقدرش يتحرك.
كان قاعد يتفرج عليها كأنها لوحة
وبيعد النفس اللي بتاخده
قرب وشه منها
وهمس بصوت يكاد لا يسمع
صباحك جنة يا أجمل حلم صحيت عليه.
ابتهال حركت رموشها شوية
فتحت عنيها ببطء لقت وشه قدامها
قريب جدا وفيه ابتسامة صغيرة
بتقول
أنا هنا ولسه هافضل.
قالت وهي بتتكلم بصوت ناعم
صاحي من إمتى
رد وهو بيحضن خدها بإيده
من قبل الشمس بس كنت مستني أشوفك وإنت بتفتحي عنيكي.
ضحكت وقالت وهي بتخبي وشها في صدره
ده حب ولا مراقبة
ده عشق .
ردها وهو بيحضنها أكتر
وحس بدقات قلبها
قعدتا وقالت وهي بتتمطى
أنا جعانة
وأنا كمان
قالها وهو بيشدها من إيدها
بس جعانلك.
ضحكت وهي بتخبطه بخدها وقالت
عيب يا عمران الصبح بدري.
قرب منها وباس طرف أناملها
وقال برقة
أنا بحب إيدي في إيدك وبحب صوتك وانتي بتقوليله اسمي
بحب تفاصيلك وإنتي لسه نايمة
وإنتي بتضحكي وإنتي بتتدلعي
وبحب فكرة إنك بقيتي لي.
سكتت وفضلت تبص له
نظرة ست حبت راجلها للآخر
من غير ولا كلمة قربت منه
وحطت إيدها على وشه
وقالت
وأنا لقيت نفسي لما لقيتك
بعد دقائق
كانوا قاعدين على التراس
قدامهم الفطار عصير فريش وعيش طازة وبيض وجبن.
بس هما ماكانوش مهتمين بالأكل.
كانوا بيأكلوا بعض بنظراتهم
ضحك هادي وكلام بسيط
وأحساس بيقول
لو اليوم ده اتكرر ألف مرة
أنا عايزه يعدي كده
وأنا ف حضنك.
اقتباس من البارت الاخير