ظل حب قديم ٥

بقالك خمس سنين بټحرقي قلبي مش كفاية لحد كدا 
_ انت كداب 
قولتها و طلعت من المكتب قبل ما يتكلم تاني 
مفرحتش لما قالي انه مش متجوز بالعكس اتلخبطت اكتر
مليون فكرة كانت في دماغي اهمهم ان كدا ممكن يكون ليا فرصة جديدة مع طارق ولا لأ 
انا مشاعري ناحيته خلصت لكن مقدرتش اتخطاه 
طيب هو معقول اكون غلط و اكون لسه بحبه! 
 
_ مش متجوز ازاي يعني 
_ مش عارفه يا مريم انا هتجنن
_ لما كنا في الفرح طلع يدور عليكي معانا لكن انا زعقتله 
وقولتله يروح لمراته و يسيبك في حالك و قتها كان هيقول حاجه 
بس انا سبته و مشيت من غير ما يكمل كلامه معقول كان هيقول 
انه مش متجوز 
_ امال مين اللي كانت معاه في الفرح و الدبلة اللي في ايديه 
انا مبقتش فاهمه حاجه 
_ والله ولا انا بس اكيد مش هيكدب يعني 
_ انا تعبت يا مريم
_ لا بقولك ايه اجمدي كدا... بس هو انتي ممكن ترجعيله تاني 
_ سألت نفسي السؤال دا النهارده و مكنتش لاقية اجابة 
لحد ما افتكرت خيانته وقولت مستحيل 
_ كوين يا ديچا انتي كوين 
قضيت بقية اليوم مع مريم و طلعت من عندها بليل 
وانا في طريقي للبيت كنت ماشية سرحانه لحد ما سمعت صوت حد بينادي عليااااا 
الټفت لمصدر الصوت و لقيته امير المچنون
اول ما وقفت مشي ناحيتي وهو بيبتسم 
_ ازيك 
.... يتبع
منتظرة رأيكم وتوقعاتكم في التعليقات مع أجمد تفاعل عشان اكمل نشر الرواية ومتنسوش تفاعلكم هو اللي بيشجعني اكمل عايزين نوصل البارت لتعليق