جمعتهم الأقدار البارت 29 بقلم فريدة احمد

سمعت الصوت نزلت تشوفهم 
وقالت بمرح... يا اهلا بالغصن الجديد اللي ظهر في الشجرة 
وقربت سلمت عليهم 
وفي نفس اللحظة مراد دخل اتفاجأ بيهم
بصتله ليالي بضيق ووفاء كمان 
... 
في نفس الوقت زين بره كان بيوقف بعربيته بعد مارجع 
دخل وهو شايل مرام اللي كانت نامت في الطريق
اتخضو كل الموجودين ما عدا سهي اللي كانت لسه واقفة مكانها علي السلم الغيرة بتاكل فيها
كلهم اتقدمو عليه بقلق والحاج همام قال... مرتك مالها ياولدي 
زين بعد ما اخد بالو من وفاء وليالي واتضايق جدا . رد علي ابوه وهو طالع وقال... تعبت شوية يا حاج
...
دخل نزلها في السرير برفق وغطاها كويس 
بعدين جاب ماية سقعة وقعد يعملها كمادات 
.. 
في الاسفل 
قام مراد وقال... استأذنكم بقا اخد مراتي نطلع نريح 
وبيمسك ايد ليالي اللي سحبتها منه پغضب. وفي نفس اللحظة همام قال... اسمع يازفت انت. بليل هبعت اجيب المأذون. هتطلقها
قال مراد... نعمم. بتقول ايه يا عمي 
قال همام...زي ما سمعت.. الماذون هييجي وتطلق 
بس مراد قال ببرود..مفيش طلاق هيحصل 
وطلع علي فوق پغضب مكبوت 
...
بعد وقت 
سهي في اوضتها بتاكل في نفسها حرفيا بعد ما زين دخل بمرام اوضتها كانت ھتتجن وهي بتتخيل انه حن ل مرام
.....
فتحت مرام عيونها لاقته جمبها قال... بقيتي احسن 
قالت بدون ما تبصله.. الحمدلله 
وهي بتقوم... بس هو قال.. هتعملي ايه 
قالت... لازم امشي
بص علي شنطة هدومها اللي كان واخد بالو منها من وقت مارجع بيها من عندالدكتور.. فهو فهم انها كانت ماشية 
لكن قال بغباء مصطنع... تمشي فين
قالت... عند اهلي.. مش هينفع افضل هنا يوم واحد خلاص. لازم امشي 
وهي بتقوم بتعب وتقول... وانت علي مهلك بقا لحد ما يجيلك مزاجك ابقي ابعتلي ورقتي
بس هو منعها قبل ما تقوم وقال...انتي لسه تعبانة. لما تخفي
وقام اخد الجاكيت بتاعه من علي الكرسي وقال... هبعتلك حلا تفضل معاكي 
.....
عند سميحة 
كانت سهي قاعدة معاها بعد ما عرفتها ان الحاج همام جاب وفاء وبنته وحكتلها كمان علي اللي زين عملو مع مرام وازي كان ملهوف عليها 
وسميحة برغم ڠضبها بسبب اللي عرفته بصت ل سها وقالت... وانتي قاعدة جمبي ليه ياروح امك. ماتقومي ترجعي السرايا 
ولا عايزة تسبيه للي ماتتسمي
قالت سهي بيأس.. هعمل ايه ياخالتي اكتر من اني قلعت له. ومرضاش حتي يبصلي 
بصتلها وقالت... ابنك لسه بيحبها ياخالتي
كملت وقالت بغل... اااه يناري. لو اعرف اخلص منها 
بقت الغيرة تاكل فيها وتقول... طول اليوم وهو معاها ورايح جاي شايلها تقولش اتشلت 
......
تاني يوم 
دخل زين عند سها اتفاجأ بيها علي السرير لابسة قميص طويل مفتوح من الجمب بطول رجلها اللي ظاهرة منه بشكل مثير جدا
بصلها پغضب وقال.... انا مش منبه عليكي بلاش اللبس ده 
قامت قربت ليه وقالت بجراءة.... انا في اوضتي. طبيعي البس كده ولا هنام بالجلابية يعني 
وهي بتقرب ليه جامد قالت.. لو انت مش قادر تتحكم في
نفسك. متبصش وغض بصرك
ابتسم بسخرية وقبل ما يتكلم فجأة الباب اتفتح مرة واحدة وكانت مرام واللي بمجرد ماشافتهم كده اتجمدت مكانها بزهول
فاقت علي صوت زين اللي اصتنع الڠضب وقال.. مرام. ايه اللي قدامك ده 
قالت بزهول... مسخرة وقلة ادب 
فكانت سهي قريبة منه جدا بعد ما استغلت الفرصة عشان تغيظها وقربت من زين اكتر
كانت مرام واقفة مكانها مزهولة من المنظر انتبهت لزين اللي اللي شاور علي الباب وقال انا بتكلم علي ده ....مش المفروض تخبطي علي الباب عشان متتحرجيش علي الاقل
اتحرجت جدا لكن بصتله وقالت بجمود... انا عايزاك.. اقصد عايزة اتكلم معاك 
وهي بتبص علي سهي اللي عمالة تساوي شعرها وبتبصلها بكيد 
كتمت ڠضبها جواها وقالت لها بسخرية... بطلي تمثيل
انا وانتي وكلنا عارفين هو اتجوزك ليه 
وبصتلها بقرف وخرجت وهي في شدة ڠضبها. وهي مش مصدقة اللي شافته بقت تقول في نفسها بغيرة.. شكله متجوزها بجد ولا ايه 
ورجعت قالت وهي بتحاول تشيله من دماغها ... ما يولعو
.. 
دخل زين كانت واقفة في الاوضة مستنياه 
بمجرد ما سمعت الباب اللي كان ظهرها ليه بيتفتح لفت له 
بدون كلام وهو قرب عليها 
قالت بعد ما بصتله نظرات كلها ۏجع هو حس بيها كويس 
طلقني يازين 
وبعد لحظات صمت ما بينهم قال بهدوء... انتي طالق
يتبع.....
جمعتهم_الأقدار 
البارت_29
بقلم_فريدة_احمد
مش هتتخيلو طلاق زين ومرام صعب عليا قد ايه بس كان لازم يحصل