جمعتهم الأقدار بقلم فريدة احمد

هتطلقني امتى 
بص لها شويه وبعدين قال.... انتي عايزه تطلقي 
قالت بتوتر وهي واقفة قدامه بتفرك ايدها... اه 
وبعدين قالت بسرعه.... اصل في واحد معايا في الجامعه انا معجبه بيه وهو معجب بيا. واكيد يعني مش هنتصاحب وانا متجوزاك فطلقني عشان اشوف حياتي
ليندهش عاصي من جرأتها ويحاول يستوعب اللي قالته.. فيبصلها ويقول... قولتي ايه.. عيدي تاني كده
فتبلع ريقها بتوتر وخوف وتقول بخفوت... في واحد معايا في الجامعة معجبة بي و
اتنفضت من مكانها لما قال بزعيق مرة واحدة....ما ايه يا روح امك 
ومسكها من ذراعها پغضب وقال ... مين ده يا بت كلمتيه كلمك بتتقابله.. انطقييي
قالت وهي بتحرر دراعها منه..... قلت لك مش بنتكلم غير بسيط ومش راضيه اتعامل معاه عادي عشان انا واحده محترمه ومتجوزه ف دلوقتي بقول لك طلقني عشان اقدر اتعامل معاه وما بقاش بعمل حاجه غلط....يلا لو سمحت طلقني.. اظن احنا جوازنا مش زي اي اتنين. لا انا بحبك ولا انت بتحبني. يبقي خلاص نفضها
ليمسح عاصي على وشه پغضب وهو بيحاول يهدي نفسه 
و خرج من الاوضه قبل ما يقت لها بس هي خرجت وراه بعصبيه وهي بتقول.... انت رايح فين بقول لك طلقني
في اللحظه دي كان خارج مراد من اوضته شافهم كده قرب عليهم وقال.... في ايه.. صوتكم عالي ليه 
لتقول حلا وهي بتبص لعاصي بضيق.... البيه مش عاوز يطلقني 
مراد قال.... وانتي عاوزه تطلقي ليه 
ردت ببساطه وقالت .... عشان في واحد انا معجبه بيه وهو معجب بيا و
قاطعها مراد لما قال پغضب هو كمان.... معجبه بايه يا روح امك.. مين ده يا بت اللي معجبه بيه 
وبيمسكها من دراعها ويقول.. انطقي
بس دفعته حلا بعصبيه وقالت... هو في ايه وانتو مالكم اساسا..هو انا مش بني ادمة زيكو
لتكمل وتقول لمراد... وبعدين وانت مالك انت اصاحب ولا ما صاحبش.. انت مالك دخلك ايه
ليقول مراد پغضب ... بنت اتظبطي احنا ما عندناش الكلام ده.. عندنا اللي بتفكر تعمل كده بتد بح علطول 
ليكمل ويقول بتحذير... فخليكي محترمة. بدل ما اربيكي من جديد
لتقول حلا بسخريه....تربيني لا ياشيخ مش لما