اسكريبت ابيه يونس كامل بقلم اسراء ابراهيم

كل اللي بيفكر فيه هو وعد
يونس لنفسه 
كنت بتقطع من جوايا عشان أسمع صوتكبس مرضيتش عشان مكنتش هقدر أقولك إني مضطر
اضطريت أكون بتاع مصالح
بس قلبي لسه ملكك
خالته قالتله بصوت عالي
تعالى يا ابني انت و خطيبتك
قعد يونس بالعافية بس نظره على السلم اللي طلعت منه ملك 
حمزة بقصد 
مبروك يا يونس عين العقل اللي عملته
يونس بجدية 
الله يبارك فيك يا حمزة عقبالك
حمزة بقصد وسخرية 
ان شاء الله قريب اوي يا يونس هتفرح بينا انا وملك
يونس قبض علي ايديه پغضب وهو بيبص قدامه ومقدرش يتكلم بس كان جواه كلام كتير بس فضل السكوت
الساعة كانت اتنين بعد نص الليل 
والمطبخ منور وملك واقفة بتعمل قهوة وعنيها حمراء من كتر العياط ووشها شاحب
ملك بصوت مكسور وهمس لنفسها 
انا كنت هستناك حتي لو بعدت اكتر من كدة يا يونس بس انت وجعتني لما رجعت ومعاك البنت دي
فتحت ملك باب المطبخ عشان تخرج بس اتفاجئت بيونس واقف قدامها باين عليه إنه نازل يشرب مية أو مش قادر ينام و أول ما شافها وقف مكانه بس هي كانت هتسيبه وتمشي بس هو وقفها بصوته
يونس بصوت واطي 
مش عاوزة تسلمي عليا ولا خلاص نسيتيني يا ملك
ملك وقفت ثواني وبعدين رفعت عينيها ليه كانت كلها ڼار 
ملك بحدة
نسيتك بامارة إيه
بامارة تليفوناتي اللي فضلت شهور تطنشها ولا لما سافرت وسبتني وراك من غير كلمةولا بامارة خطوبتك اللي عرفتها زي أي حد تاني لا يا يونس
أنا اللي نسيت نفسي لما كنت مفكرة إنك لسه شايفني حاجة في حياتك
يونس ووجعه باين في عينه
ملكانا
ملك بصوت مخڼوق 
لا متقولش اسمي
إنت مش أكتر من ابن عمي زي ما أنا بالنسبالك مش أكتر من مسئولية وخلاص خلصت 
يونس بصوت حزين 
ملكافهمي أنا
مرضيتش هي تسمعه وكانت هتعدي من جنبه بس هو مد إيده ومسكها من دراعها بخفة فخبطت فيه بالغلط وقربت منه وفضلو باصين لبعض للحظات 
وعنيهم اتقابلت وفيها كلام كتير
يونس بهمس كان هيتكلم
أنابح
وقتها صوت حمزة قطع كلام يونس
فيه حاجة يا ملك
ملك بسرعة سحبت نفسها من يونس وخدت خطوة لورا
ملك بهدوء متماسك
لأ أنا كويسة يا حمزة بعد إذنكم
مشيت من غير ما تبص وراها
بس يونس كان واقف عينه عليها
وهي بتبعد 
قطع أفكاره نظرات حمزة ليه اللي لسه واقف بيبصله بحدة بس يونس بيبصله ويمشي من غير ما يتكلم
تاتي يوم كانت قاعدة ملك تحت في الفيلا وهي ماسكة كوباية عصير في إيدها وبتبص في الفراغ وحمزة قرب منها بهدوء وملامحه فيها توتر واضح وكأنه بيجمع شجاعته 
حمزة بصوت شبه هامس 
ملك ممكن أكلمك شوية
ملك بهدوء 
اتفضل يا حمزة 
حمزة قعد جنبها وبصلها
حمزة بلهجة غريبة علي ملك 
دلوقتي انتي كبرتي وبقيتي بنت حلوة ومثقفة واللي يشوفك دلوقتي مستحيل يتخيل إنك نفس الطفلة اللي كانت بتستخبى مني وهي صغيرة
ملك بتبتسم بس بتحس بشيء غريب في نبرة صوته 
حمزة بتردد 
ملك بصراحة أنا مش بشوفك زي ما الكل بيشوفك انتي مش أختي الصغيرة بصراحة أنا
ملك بمقاطعة وهي بتبص لحمزة 
حمزة لأ اسمعني كويس أنا بحبك آه بس كأخويا وبس 
من يومي شايفاك أخويا ومش قادره أشوفك غير كده 
حمزة بيتغير صوته والڠضب بيبان عليه 
طبعا أكيد أكيد علشان بتحبي يونس مش كده
ملك بتتوتر بس بترد بثقة 
حمزة حتى لو كلامك صح انت مالكانت ملكش حق تدخل بيني وبينه ولا تحكم على قلبي 
حمزة بيضحك بسخرية وهو بيقوم من مكانه 
طب اعرفي كويس ان يونس عمره ما هيشوفك يا ملكعشان انتي بالنسباله العيلة الصغيرة اللي كانت لسة بضفايرها وبيشيلها من على الأرضوصدقيني يونس بيحب وعد خطيبته ومن زمان
ملك بصوت عالي وڠضب ودموع في عينيها 
كفاية انت ملكش دعوة بيا لا انت ولا هو ابعدوا عني كلكم سبوني في حالي
قالت كدة وهي بتجري علي فوق والدموع في عينيها ومش شايفة قدامها لدرجة انها خبطت في يونس اللي كان نازل من عالسلم وبيمد إيده بسرعة يمسكها قبل ما تقع 
يونس بقلق 
ملك خدي بالك انتي بټعيطي مالك فيكي ايه
ملك ودموعها نازلة پقهرة 
سيبني
زقته بعيد عنها وطلعت تجري على اوضتها وهي بټعيط ويونس واقف مصډوم بيبص في الاتجاه اللي راحت فيه وبيحس قلبه بيتشد وبعدين بيلف راسه ببطء ناحية حمزة اللي واقف بعيد بيبصله 
يونس بعينين فيها ڼار 
في إيه اللي حصل!
حمزة بنبرة غامضة 
اسألها بنفسك يا يونس
يونس پغضب اعمي وهو بيقرب من حمزة 
هسألها يا حمزة ولو طلعت انت السبب في دموعها صدقني هتشوف وش تاني غير الوش اللي انت عارفه
قال كدة يونس وسابه ومشي وهو مقرر يعرف من ملك سبب حالتها ايه
بعد يومين كانت ملك قاعدة لوحدها على طرف الكنبة وماسكة تليفونها بس مش مركزة فيه وعنيها شاردة ووشها باين عليه أثر التعب والهدوء اللي فيها غير مألوف لا بتضحك ولا بتشارك الكلام ويونس بيبص عليها من بعيد وهو بيحاول يظهر إنه طبيعي لكن عنيه مش بتفارقها ومش مهتم اصلا بوعد اللي اتفاجئ بيها جاية تزورهم
يونس بصوت واطي لسمر امه اللي جنبه 
هي بقالها كام يوم كده ساكتة ومفيش كلمة واحدة بتقولها انا قلقان اوي يا امي عليها
سمر بحيرة وهي بتبص ليونس
من يوم ما انت شوفتها بټعيط وهي مش بتتكلم مع حد بس واضح إنها بتتجنبك إنت تحديدا
يونس بيحاول يخفي الغيظ 
أنا عملتلها إيه يعني دي هي اللي مش عاوزة تتكلم ويوميها روحتلها تقريبا طردتني من اوضتها
وعد بدلع 
يونس انت الجرافتة بتاعك مش معدولة استني هعدلهالك 
يونس اتوتر وبص لملك اللي
قلبها ۏجعها و قامت پغضب وسابتهم وخرجت الجنينة
ويونس وقتها 
يونس بحسم وهو بيبعد ايد وعد 
معلش وعد سيبيني انا مرتاح كدة
وعد باستغراب 
ليه في إيه
يونس باحراج 
عادي كدة بتنفس احسن
قام يونس وخرج بسرعة ورا ملك وكان متابعهم حمزة بيأس لانه اتأكد انه ملوش مكان في قلب ملك وان يونس كمان بيحبها زي ما هي بتحبه
في الجنينة كانت واقفة ملك عند الشجرة الكبيرة و ضهرها ليونس وكانت بتتنفس ببطء كأنها بتحاول تهدي نفسها
يونس بصوت هادي 
ملك خرجتي ليه
ملك ما تردش ولا حتى بصتله ففضل واقف ثواني بتردد و بعدين قرب أكتر
يونس بحدة مكتومة 
مالك ليه كل ده ليه بتتجنبيني أنا عملت إيه
ملك لفت وردت بصوت مكسور 
مش لازم تكون عملت أوقات السكوت بيكون جارح أكتر من أي كلام وانت چرحتني اوي يا يونس
يونس اتقدم أكتر صوته بدأ يعلى من غير ما يقصد