جمعتهم الأقدار البارت 31 بقلم فريدة احمد

وقال پغضب... اخر مرة هحذرك 
وهو بيشاور علي الباب.... امشيي 
بصتله بدموع وهي حاطة اديها علي خدها واتجهت ناحية الباب وخرجت بسرعة 
................
في شركة مراد 
مراد خرج من مكتبه بعد ما سمع دوشة في الخارج. اتفاجأ وهو شايف مهندسة ديكور وعمال داخلين خارجين وهما بيجهزو مكتب لليالي زي ما طلبت 
قال... ايه اللي بيحصل هنا
ف رد شخص من اللي بيشتغلو وقال... بنجهز المكتب الجديد ل استاذة ليالي. زي ما همام بيه أمر
ف بص ل ليالي اللي بصتله بتحدي وهو قرب عليها وقال... مكتب ايه ده 
قالت ببرود... مكتب مديرة الشركة. 
بعدين قالت... هو انا مقولتلكش 
قال مراد... لا مقولتليش 
قربت جمب ودنه وقالت... اصل انا هبقي مديرة الشركة دي. زيك بالظبط.
بعدت وكملت... يعني مفيش قرار هيتاخد يخص الشغل هنا غير لما اكون بعلم بيه. لا ولازم اوافق عليه كمان 
ابتسم بسخرية وقال... دا الكلام حقيقي بقي
قالت... امم 
وبصت للعمال وقالت وهي بتتجاهله... حطلي التابلوه ده هنا.. اه فوق المكتب بالظبط 
.......
تاني يوم 
في جنينة السرايا 
كانو واقفين التلاتة زين وعاصي ومراد. كل واحد فيهم شارد في مشاكله 
زين واقف بېدخن سېجارة ومراد زييه
عاصي قاطعهم لما قال... عارفين انا مش قلقان غير من ايه
بصولو باهتمام فقال... خاېف يطلعلي اخت من تحت الارض انا كمان 
ابتسمو ڠصب عنهم وهو قال وهو بيشاور علي مراد.. ومش خاېف غير من ابن ال...ده اللي داير يلم في بنات العيلة التايهين
مراد بصله بغيظ وقال... دا عشان تعرفو اني فيا شئ لله ربنا بيوقعم في طريقي
قال زين باستهزاء... ده من قوة ايمانك بس ربنا بيصخرك ليهم
..........
بعد اسبوع... 
فتحت حلا باب اوضة عاصي ودخلت تصحيه بعد ما جهزت عشان يوصلها الجامعة بس هو كان صحي وفي الحمام بياخد شاور
قربت من باب الحمام وقالت... عاصي. انا جهزت..
بعدين قالت.... خد بالك انت بتاخرني علي فكرة 
ليقول عاصي من جوا.... مش تحمدي ربنا اني بوافق اوديكي 
قالت.. وانت عايز تعترض كمان 
قال بهزار .... انا مش عارف عملت ايه في حياتي عشان ربنا يبليني بيكي. هو انا ليه حاسس اني كنت مخلفك وناسيكي 
مثلا 
كانت عارفة انه بيهزر فقالت... قاعدة علي قلبك وهتوصلني